ខេត្តបន្ទាយមានជ័យ ៖ តាមសេចក្តីរាយការណ៍បឋមបានឲ្យដឹងថា កម្មករសំណង់ម្នាក់ស្លាប់បាត់បង់ជីវិតដោយសារឆក់ចរន្តអគ្គិសនីនៅក្នុងការដ្ឋានសំណង់មួយកន្លែង ក្នុងភូមិ និងសង្កាត់ផ្សារកណ្តាល ក្រុងប៉ោយប៉ែត កាលពីយប់ថ្ងៃទី៧ មេសា នេះ…
ខេត្តបន្ទាយមានជ័យ ៖ តាមសេចក្តីរាយការណ៍បឋមបានឲ្យដឹងថា កម្មករសំណង់ម្នាក់ស្លាប់បាត់បង់ជីវិតដោយសារឆក់ចរន្តអគ្គិសនីនៅក្នុងការដ្ឋានសំណង់មួយកន្លែង ក្នុងភូមិ និងសង្កាត់ផ្សារកណ្តាល ក្រុងប៉ោយប៉ែត កាលពីយប់ថ្ងៃទី៧ មេសា នេះ ។
សេចក្តីរាយការណ៍បានបន្តថា ជនរងគ្រោះឈ្មោះ ស៊ន ម៉ាច ភេទប្រុស អាយុ១៩ឆ្នាំ ជាកម្មករសំណង់ និងមានទីលំនៅក្នុងភូមិ និងឃុំឱឡោក ស្រុកប្រាសាទបាគង ខេត្តសៀមរាប ។ បុរសម្នាក់ឈ្មោះ ស៊ន ម៉ៅ អាយុ២៩ឆ្នាំ ជាបងប្រុសបង្កើតជនរងគ្រោះប្រាប់ថា មុនកើតហេតុជនរងគ្រោះសម្រាកពីការងារសំណង់អង្គុយជក់បារីផ្អែកជញ្ជាំង ប៉ុន្តែដាក់ដៃចំខ្សែភ្លើងដាច់ក៏ឆក់របួសធ្ងន់ ហើយស្លាប់ពេលបញ្ជូនទៅមន្ទីរពេទ្យបង្អែកក្រុងប៉ោយប៉ែត ។
សពជនរងគ្រោះត្រូវសាច់ញាតិជួលរថយន្តដឹកចេញពីមន្ទីរពេទ្យទៅលំនៅដ្ឋានឯខេត្តសៀមរាបម៉ោងជិត១ទាបភ្លឺព្រឹក ថ្ងៃទី៨ ខែឆ្នាំដដែល ដើម្បីធ្វើបុណ្យតាមប្រពៃណី ៕
ចែករំលែកព័តមាននេះ