ប្រទេសអង់គ្លេស ៖ កាលពីថ្ងៃទី៦ ខែមេសា ឆ្នាំ២០១៩ គេនៅបន្តការចរចាជុំវិញ BREXIT ដែលអាចពន្យាពេលជាថ្មី តែប្រទេសអង់គ្លេសចាប់ផ្ដើមផ្ដល់លិខិតឆ្លងដែន ដោយពុំមាននិយាយពីសហភាពអឺរ៉ុប…
ប្រទេសអង់គ្លេស ៖ កាលពីថ្ងៃទី៦ ខែមេសា ឆ្នាំ២០១៩ គេនៅបន្តការចរចាជុំវិញ BREXIT ដែលអាចពន្យាពេលជាថ្មី តែប្រទេសអង់គ្លេសចាប់ផ្ដើមផ្ដល់លិខិតឆ្លងដែន ដោយពុំមាននិយាយពីសហភាពអឺរ៉ុប ដែលនោះជាការផ្លាស់ប្ដូរជានិមិត្តរូបមួយ ដែលបង្ហាញពីការលំបាកនានានៃដំណើរការចែកផ្លូវគ្នា។
ក្នុងសេចក្ដីប្រកាសមួយស្ត្រីអ្នកនាំពាក្យក្រសួងមហាផ្ទៃអង់គ្លេស ថ្លែងកាលពីថ្ងៃទី៦មេសាថា លិខិតឆ្លងដែនទាំងនេះ ដែលពុំមានពាក្យសហភាពអឺរ៉ុបនៅលើក្រប ត្រូវធ្វើចរាចរណ៍ចាប់តាំងពីថ្ងៃទី៣០មីនាមក។ លោកស្រីបញ្ជាក់ថា លិខិតឆ្លងដែនមានដាក់ពាក្យសហភាពអឺរ៉ុប ក៏នឹងបន្តចែកចាយក្នុងរយៈពេលខ្លីក្រោយដំណាក់កាលនេះ ដើម្បីឲ្យអស់ពីស្តុក។
វត្តមានឬអវត្តមាននៃពាក្យសហភាពអឺរ៉ុបលើលិខិតឆ្លងដែន ពុំប៉ះពាល់ដល់អ្នកកាន់ប្រើឡើយ ក្នុងការធ្វើដំណើរ។ ការដកចេញជានិមិត្តរូបនេះនូវពាក្យសហភាពអឺរ៉ុបពីលើលិខិតឆ្លងដែនថ្មី នាំឲ្យមានប្រតិកម្មជាច្រើនតាមបណ្ដាញសង្គម ទាំងចំពោះពួកអ្នកគាំទ្រBREXIT ទាំងពួកអ្នកប្រឆាំងBREXIT។
ពួកគេខ្លះសួរថា យើងស្ថិតនៅក្នុងសហភាពអឹរ៉ុបនៅឡើយ ហេតុអីលិខិតឆ្លងដែនថ្មីពុំមានដាក់ពាក្យសហភាពអឹរ៉ុប? ចំណែកពួកអ្នកគាំទ្រBREXITនិយាយថា យើងត្រូវដូរលិខិតឆ្លងដែនថ្មី ហើយយើងរង់ចាំយូរហើយការដកពាក្យដ៏ធុញនោះចេញពីលិខិតឆ្លងដែនយើង៕
ចែករំលែកព័តមាននេះ