តាមប្រភពពីMetroបានឱ្យដឹងថា ការទទួលទានអាហារមិនត្រឹមត្រូវ គឺជាកត្តាប្រឈមដល់ការស្លាប់ដ៏គ្រោះថ្នាក់បំផុត បើតាមការសិក្សាស្រាវជ្រាវ ។ ក្រុមអ្នកស្រាវជ្រាវបាននិយាយថា ការញ៉ាំអាហារដែលគ្មានសុខភាព បានចូលរួមប្រាំភាគនៃការស្លាប់ទាំងអស់ ហើយបានអះអាងថា វាបានយកជីវិតមនុស្សច្រើនជាងការជក់បារីទៅទៀត…
តាមប្រភពពីMetroបានឱ្យដឹងថា ការទទួលទានអាហារមិនត្រឹមត្រូវ គឺជាកត្តាប្រឈមដល់ការស្លាប់ដ៏គ្រោះថ្នាក់បំផុត បើតាមការសិក្សាស្រាវជ្រាវ ។ ក្រុមអ្នកស្រាវជ្រាវបាននិយាយថា ការញ៉ាំអាហារដែលគ្មានសុខភាព បានចូលរួមប្រាំភាគនៃការស្លាប់ទាំងអស់ ហើយបានអះអាងថា វាបានយកជីវិតមនុស្សច្រើនជាងការជក់បារីទៅទៀត ដើម្បីតែវាមានការទាក់ទងទៅនឹងជំងឺបេះដូង ជំងឺមហារីក និងជំងឺទឹកនោម
ផ្អែម។
អ្នកវិទ្យាសាស្ត្រជាង១៣០នាក់ បានប្រៀបធៀបចំណីអាហារទៅនឹងអត្រានៃការស្លាប់ និងការឈឺជំងឺនៅក្នុងប្រទេសចំនួន១៩៥ ។ ពួកគេបានរកឃើញថា នៅឆ្នាំ២០១៧ របបអាហារមិនល្អ គឺបានទទួលខុសត្រូវចំពោះការស្លាប់១១លាននាក់ ឬ២២% នៃចំនួនសរុប ដែលបានកត់ត្រា ។
ការវិភាគបានបង្ហាញថា ការញ៉ាំជាតិធញ្ញជាតិ និងផ្លែឈើនិងជាតិសូដ្យូមខ្ពស់ ដែលមានផ្ទុកសារធាតុអំបិល គឺមានចំនួនច្រើនជាងពាក់កណ្តាលនៃការស្លាប់ទាក់ទងនឹងអាហារ ។ ចំពោះករណីផ្សេងទៀត គេសន្មត់ថាមានការទទួលទានសាច់ក្រហម និងសាច់កែច្នៃ ភេសជ្ជៈស្ករផ្អែម និងអាហារមិនល្អដទៃទៀត ដែលរួមមានអាស៊ីតខ្លាញ់ឆ្អែត (ខ្លាញ់មិនល្អ ដែលកក) ។
ភាគច្រើននៃការស្លាប់ទាក់ទងនឹងការញ៉ាំអាហារ គឺដោយសារជំងឺបេះដូង ដែលបន្ទាប់មកគឺជំងឺមហារីកនិងជំងឺទឹកនោមផ្អែមប្រភេទទី២។ អ្នកស្រាវជ្រាវបានរាយការណ៍នៅក្នុងទស្សនាវដ្តី The Lancet ថា របបអាហារមិនល្អក៏បណ្តាលឱ្យមានពិការភាពយ៉ាងធ្ងន់ធ្ងរ។
បើប្រៀបធៀបការជក់បារីត្រូវបានផ្សារភ្ជាប់ជាមួយនឹងការស្លាប់៨លាននាក់។ អ្នកវិទ្យាសាស្ត្រឈានមុខគេ លោកវេជ្ជបណ្ឌិត Ashkan Afshin មកពីសាកលវិទ្យាល័យវ៉ាស៊ីនតោនសហរដ្ឋអាមេរិកបាននិយាយថា «របរអាហារមិនល្អ គឺស្មើនឹងអ្នកសម្លាប់ឱកាសនិយម» ។
ចែករំលែកព័តមាននេះ