រាជធានីភ្នំពេញ៖ បន្ទាប់ពីបានសម្ពោធដាក់ឲ្យប្រជាពលរដ្ឋ និងភ្ញៀវបរទេសចូលគោរពវិញ្ញាណក្ខន្ឋកាលពីព្រឹកថ្ងៃទី១១ តុលា ២០១៣នោះរួចមក វិមានព្រះបរមបដិមាព្រះបរមរតនកោដ្ឋ កំពុងទាក់ទាញប្រជាពលរដ្ឋខ្មែរគ្រប់រូបនិងភ្ញៀវទេសចរអន្តរជាតិចូលទៅគោរពព្រះវិញ្ញាណក្ខន្ឋ និងផ្តិតយករូបភាព ។
ជាក់ស្តែងចាប់តំាងពីថ្នាក់ដឹកនំានិងមន្រ្តីជាន់ខ្ពស់ព្រឹទ្ឋសភា រដ្ឋសភា និង រាជរដ្ឋាភិបាល បានបញ្ចប់ការបា្ររព្ឋពិធីគោរពព្រះវិញ្ញាណក្ខន្ឋព្រះបរមរតនកោដ្ឋកាលពីព្រឹកថ្ងៃទី១៥ តុលា ដែលជាថ្ងៃគម្រប់ខួប១ឆ្នាំគត់នៃការយាងសោយទិវង្គតរបស់សម្តេចឪ នរោត្តម សីហនុនោះរួចមក គេសង្កេតឃើញប្រជាពលរដ្ឋខ្មែរ ភ្ញៀវបរទេសជាច្រើនបានទៅអុជធូបគោរពព្រះវិញ្ញាណក្ខន្ឋ និង ផ្តិតយករូបភាព ។ ចំណែកនៅជុំវិញបរិវេណវិមានព្រះបរមបដិមាព្រះបរមរតនកោដ្ឋនោះវិញ គេសង្កេតឃើញមានការលក់ដូរផ្កា ធូប ទៀន និងព្រះឆាយាលក្ខណ៍សម្តេចឪនោះផងដែរ ។
ចាប់ពីពេលនេះតទៅវិមានព្រះបរមបដិមាព្រះបរមរតនកោដ្ឋ ដែលស្ថិតនៅខាងកើតវិមានឯករាជ្យ នឹងក្លាយទៅជាតំបន់ទេសចរណ៏មួយកន្លែងក្នុងចំណោមទីតំាងទាក់ទាញភ្ញៀវទេសចរជាច្រើនទៀតនៅរាជធានីភ្នំពេញ ដូចជារមណីយដ្ឋានវត្តភ្នំ សារមន្ទីរជាតិ សារមន្ទីរប្រល័យពូជសាសន៏ទួលស្លែង និងសារមន្ទីរប្រល័យពូជសាសន៏បឹងជើងឯកជាដើម ៕
ចែករំលែកព័តមាននេះ