មិន​ត្រឹមតែ​កើតឡើង​លើ​មនុស្ស​ទេ សូ​ម្បី​តែ​រូបសំណាក​គោ​ក៏​ជួប​គ្រោះថ្នាក់​ចរាចរណ៍​ដែរ


ខេត្តស្វាយរៀង ៖ រូបសំណាក​គោ​នៅ​រង្វង់​មូល​ខេត្តស្វាយរៀង​ត្រូវ​បាន​រថយន្ត​មិន​ស្គាល់​អត្តសញ្ញាណ​បុក បណ្តាល​ឱ្យ​បាក់​ប្រេះ​ត្រឹម​.​ក​បង្ក​អោយ​មានការ​ភ្ញាក់ផ្អើល​ដល់​បងប្អូន​ប្រជាពលរដ្ឋ​នៅ​ក្រុង​ស្វាយ​រៀង ក៏​ដូច​អ្នក​ធ្វើ​ដំណើរ​តាម​ដងផ្លូវ​បាន​នាំ​គ្នា​ពោល​សោកស្តាយរូបសំណាកគោ ​មិន​គួរ​ណា​ត្រូវ​រថយន្ត​បើក​មក​បុក ​បណ្តាល​ឱ្យ​រង​ការ​ខូចខាត​បែប​នេះ​សោះ គួរតែ​បើកបរ​ដោយ​ការ​ប្រុង​ប្រយ័ត្ន និង​ជួយ​ថែទាំ​ទ្រព្យសម្បត្តិ​សាធារណៈ​។

បើ​តាម​លោក​ណុ​ប ចំរើន អភិបាលក្រុង​ស្វាយ​រៀង បាន​មាន​ប្រសាសន៍​អោយ​ដឹង​ថា ក្រោយ​ពី​ទទួល​បាន​ព័ត៌មាន​ខាងលើ លោក​បាន​ចុះ​ទៅ​ពិនិត្យ​កន្លែង​កើតហេតុ ឃើញ​ថា ក្នុង​ចំណោម​រូបសំណាក​គោ​ចំនួន​៤​ដែល​បែរមុខ​រក​ទិស​ទាំង​៤ ត្រូវ​បាន​រង​ការ​រង​​ខូចខាត​រូបសំណាក​គោមួយ​ដែល​បែរមុខ​ទៅ​ទិស​ខាងលិច គឺ​បាក់​ប្រេះ​ខូចខាត​ត្រឹម​.​ក​។

លោក​បាន​បន្ត​ថា ករណី​បង្ក​អោយ​មានការ​ខូចខាត​រូបចម្លាក់​រូបសំណាក​គោមួយ​ខាងលើ​នេះ អាច​កើតឡើង​កាលពី​វេលា​ទៀប​ភ្លឺ​ថ្ងៃ​ទី​៣ មេ​សា​ឆ្នាំ ២០១៩​នេះ ព្រោះ​នៅ​ចម្ងាយ​ពី​កន្លែង​កើតហេតុ​ប្រហែល​៥០​ម៉ែត្រ មាន​រោង​ប្រជា​ការពារ​នៅ​យាម​ប្រចាំការ​រហូត​ដល់​ម៉ោង​១១​ទៅ​១២​យប់ ក្រុម​គេ​មិន​ទាន់​សម្រាក​នៅឡើយ​ទេ​។

លោក​បាន​ឲ្យ​ដឹង​បន្ត​ទៀត​ថា នៅ​រសៀល​ថ្ងៃ​ដដែល​នេះ​ដែរ អាជ្ញាធរ​ក្រុង​កំពុង​តែ​រក​ជាង​មក​ជួសជុល​ហើយ តែ​ពិបាក​បន្តិច​ព្រោះ​ជាងសំណង់​មិន​ចេះ​ធ្វើ​ទេ មាន​តែ​ជាងចម្លាក់​ទើប​អាច​ធ្វើ​បាន​។

លោក​បញ្ជាក់​ថា ចំពោះ​រថយន្ត​បង្ក​ដែល​បើក​បុក បណ្តាល​​អោយ​បាក់​ប្រេះ​រូបសំណាក​គោ​ខាងលើ​នេះ សមត្ថកិច្ច​កំពុង​តាម​ស្រាវជ្រាវ​រក ដើម្បី​ឲ្យ​មក​ទទួលខុសត្រូវ​និង​ដោះស្រាយ​ជាមួយ​ខាង​អាជ្ញាធរ ៕

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:៤៧ | ក្នុងស្រុក

ក្រុមហ៊ុន LION CORPORATION (THAILAND) LTD និង​ក្រុមហ៊ុន TSNR Distribution Co., Ltd បរិច្ចាគ​ថវិកា​ចំនួន ៤០.០០០.០០០ រៀល និង​ជែល​លាងដៃ ជូន​មន្ទីរពេទ្យ គន្ធ​បុប្ផា និង​មន្ទីរពេទ្យ​មិត្តភាព ខ្មែរ​-​សូ​វៀត

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

ការស្ទង់មតិគេហទំព័រថ្មី




សូម​អរគុណ