iPhone ឆ្នាំ ២០១៩ នឹងមានថ្មធំជាងមុន
យោងតាមសេចក្តីរាយការណ៍ពីរផ្សេងគ្នាដែលបានចេញផ្សាយកាលពីខែកុម្ភៈ និងមីនា អ្នកវិភាគ Ming-Chi Kuo បានបន្តគិតថា iPhone ថ្មីៗសម្រាប់ឆ្នាំ ២០១៩នេះនឹងមានបច្ចេកវិទ្យាបញ្ចូលថ្មដោយឥតខ្សែថ្មី ឬ…
យោងតាមសេចក្តីរាយការណ៍ពីរផ្សេងគ្នាដែលបានចេញផ្សាយកាលពីខែកុម្ភៈ និងមីនា អ្នកវិភាគ Ming-Chi Kuo បានបន្តគិតថា iPhone ថ្មីៗសម្រាប់ឆ្នាំ ២០១៩នេះនឹងមានបច្ចេកវិទ្យាបញ្ចូលថ្មដោយឥតខ្សែថ្មី ឬ…
យោងតាមសេចក្តីរាយការណ៍ពីរផ្សេងគ្នាដែលបានចេញផ្សាយកាលពីខែកុម្ភៈ និងមីនា អ្នកវិភាគ Ming-Chi Kuo បានបន្តគិតថា iPhone ថ្មីៗសម្រាប់ឆ្នាំ ២០១៩នេះនឹងមានបច្ចេកវិទ្យាបញ្ចូលថ្មដោយឥតខ្សែថ្មី ឬ Bilateral Wireless Charging ។
បច្ចេកវិទ្យានេះត្រូវបានប្រើក្នុង Huawei 20 Pro និង Samsung Galaxy S10 ដែលអនុញ្ញាតឲ្យទូរស័ព្ទផ្តល់ថាមពលដល់ឧបករណ៍ផ្សេងៗដោយមិនមានខ្សែតភ្ជាប់ដោយគ្រាន់តែដាក់ឧបករណ៍ទាំងនោះលើទូរស័ព្ទជាការស្រេច។
ព័ត៌មានទាក់ទិននឹងល្បឿននៃការបញ្ចូលថ្មមិនទាន់បានលេចឡើងទេ ប៉ុន្តែអ្វីដែលអាចទាញបានគឺក្រុមហ៊ុនផ្តោតសំខាន់លើសមត្ថភាពក្នុងការបញ្ចូលថ្ម AirPod ថ្មីរបស់ Apple ក្នុងល្បឿនលឿន។ អ្នកប្រើប្រាស់ iPhone ក៏ប្រហែលជាអាចប្រើទូរស័ព្ទរបស់ពួកគេដើម្បីបញ្ចូលថ្ម Apple Watch បានដែរ ។
ដើម្បីអាចដើរតួនាទីនេះបាន អ្នកវិភាគខាងលើគិតថា Apple អាចនឹងត្រូវប្រើថ្មដែលធំជាងមុនសម្រាប់ iPhone ថ្មីៗរបស់ពួកគេ។ iPhone XS ប្រើថ្មទំហំ៣,១៧៤mAh ប៉ុន្តែអ្នកវិភាគខាងលើគិតថាទូរស័ព្ទក្រោយៗអាចនឹងមានថ្មទំហំប្រមាណពី ៣,៤៩១mAh ទៅ ៣,៦៥០mAh ។ ក្រៅពីថ្មទូរស័ព្ទហើយ iPhone ថ្មីៗរបស់ Apple ឆ្នាំនេះអាចនឹងមានការផ្លាស់ប្តូរច្រើនក្នុងផ្នែកខាងក្រោយនៃទូរស័ព្ទ ។
iPhone XI និង XI Max ត្រូវបានឲ្យដឹងថាអាចនឹងមានកាមេរ៉ាបីដែលមានរូបរាងចម្លែកយ៉ាងខ្លាំង។ ប៉ុន្តែកាមេរ៉ានេះអាចនឹងបង្កើនគុណភាពរូបភាព Portrait ហើយអាចប្រើប្រាស់ AR បានងាយស្រួលជាងមុនផងដែរ។
iPhone ទាំងពីរនេះអាចនឹងមើលឃើញមានគែមគម្លាតចន្លោះស្គ្រីនតូចស្តើងជាងមុន និងមានការ Upgrade បច្ចេកវិទ្យា Face ID ផងដែរ។ iPhone XR សម្រាប់ឆ្នាំ ២០១៩ អាចនឹងទទួលបានការផ្លាស់ប្តូរស្រដៀងនេះដែរ ប៉ុន្តែវាមិនទាន់ច្បាស់នៅឡើយថាវាអាចធ្វើបានឬទេព្រោះតែវាប្រើស្គ្រីន LCD ប៉ុណ្ណោះ។
គួរបញ្ជាក់ទៀតថា iPhone ឆ្នាំ ២០១៩ ទាំងអស់អាចនឹងត្រូវបានប្រកាសនៅខែកញ្ញា ស្របពេលជាមួយនឹង Apple Watch Series 5 ថ្មី និងផលិតផលផ្សេងៗទៀត ហើយនឹងចេញលក់លើទីផ្សារនៅចុងខែដដែលផងដែរ ៕
ចែករំលែកព័តមាននេះ