រាជធានីភ្នំពេញ៖ តាមសេចក្តីរាយការណ៍បឋមបានឲ្យដឹងថា បង្គោលភ្លើងបំភ្លឺផ្លូវមួយដើមបានពុកផុយគល់បានរលំដួល បណ្តាលឲ្យត្រូវអ្នកដំណើរម្នាក់រងរបួស ដែលហេតុការណ៍គ្រោះថ្នាក់ខាងលើនេះបានកើតឡើងនៅវេលាម៉ោង៨និង៣០នាទីព្រឹកថ្ងៃទី០៣ ខែមេសា ឆ្នាំ២០១៩នេះ នៅតាមវិថីព្រះមុន្នីរេត ក្នុងសង្កាត់បឹងសាឡាង ខណ្ឌទួលគោក…
រាជធានីភ្នំពេញ៖ តាមសេចក្តីរាយការណ៍បឋមបានឲ្យដឹងថា បង្គោលភ្លើងបំភ្លឺផ្លូវមួយដើមបានពុកផុយគល់បានរលំដួល បណ្តាលឲ្យត្រូវអ្នកដំណើរម្នាក់រងរបួស ដែលហេតុការណ៍គ្រោះថ្នាក់ខាងលើនេះបានកើតឡើងនៅវេលាម៉ោង៨និង៣០នាទីព្រឹកថ្ងៃទី០៣ ខែមេសា ឆ្នាំ២០១៩នេះ នៅតាមវិថីព្រះមុន្នីរេត ក្នុងសង្កាត់បឹងសាឡាង ខណ្ឌទួលគោក ។
សេចក្តីរាយការណ៍បានបន្តថា បុរសម្នាក់ដែលរងរបួសខាងលើមានឈ្មោះ ហង់ គិរី អាយុ៣០ឆ្នាំ មុខរបរជាអ្នកលក់ និងចែកចាយផលិតផលស្ករគ្រាប់ ហើយមានលំនៅសង្កាត់កំពង់សំណាញ់ ក្រុងតាខ្មៅ ។
មុនពេលកើតហេតុជនរងគ្រោះកំពុងតែធ្វើដំណើរតាមផ្លូវខាងលើ ហើយជិះម៉ូតូសង់ ពណ៌ក្រហម ។ បន្ទាប់ពីកើតហេតុក៏មានអង្គភាពភីភីឌី មកដល់ដែរ ដែលជាអ្នកមើលថែរទាំបង្គោលភ្លើងរាជធានីភ្នំពេញ ក៏បានមើលរួចរាល់ និងបានអះអាងថា មិនដឹងខាងណាទទួលខុសត្រូវទេ ចាំគាត់សួរថ្នាក់លើសិន ប៉ុន្តែកន្លងមកអង្គភាពខាងលើបានមើលថែបង្គោលភ្លើងរបស់រាជធានីភ្នំពេញហ្នឹង ៕
ចែករំលែកព័តមាននេះ