ខេត្តព្រះសីហនុ ៖ បន្ទាប់ពីទទួលព័ត៌មានជុំវិញការកាប់រុករានទន្ទ្រានដីព្រៃខុសច្បាប់ នៅតំបន់មួយចំនួនរបស់ខេត្តព្រះសីហនុ ជាពិសេសនៅតំបន់កោះថ្មី និង តំបន់ឧស្សានជាតិព្រះសីហនុរាម នាព្រឹកថ្ងៃទី០២ ខែមេសា ឆ្នាំ២០១៩…
ខេត្តព្រះសីហនុ ៖ បន្ទាប់ពីទទួលព័ត៌មានជុំវិញការកាប់រុករានទន្ទ្រានដីព្រៃខុសច្បាប់ នៅតំបន់មួយចំនួនរបស់ខេត្តព្រះសីហនុ ជាពិសេសនៅតំបន់កោះថ្មី និង តំបន់ឧស្សានជាតិព្រះសីហនុរាម នាព្រឹកថ្ងៃទី០២ ខែមេសា ឆ្នាំ២០១៩ លោក ម៉ួ ឆាយ នាយកឧស្សានជាតិព្រះសីហនុរាម បានដឹកនាំកំលាំងចម្រុះពិនិត្យ និងអប់រំដោយស្នើអោយបញ្ឈប់សកម្មភាពទាំងនេះជាបន្ទាន់ បើពុំដូចនោះទេ មន្ត្រីជំនាញនឹងកសាងនិតិវិធីអនុវត្តន៏ទៅតាមផ្លូវច្បាប់ ។
ថ្លែងក្នុងពីធីចុះពិនិត្យទីតាំងមួយចំនួនដែលបងប្អូនប្រជាពលរដ្ឋកំពុងធ្វើសកម្មភាពកាប់រុករានទន្ទ្រានដីព្រៃខុសច្បាប់នៅតំបន់ តំបន់កោះថ្មី ស្ថិតក្នុងភូមិកោះខ្សង ឃុំអូជ្រៅ ស្រុកព្រៃនប់ ខេត្តព្រះសីហនុ លោក ម៉ួ ឆាយ នាយកឧស្សានជាតិព្រះសីហនុរាម បានគូសបញ្ចាក់ថា ក្នុងការចុះពិនិត្យជាបន្ទាន់ជុំវិញស្ថានការណ៏ក្នុងតំបន់ឧស្សានជាតិព្រះសីហនុរាម ចំណុចកោះថ្មីដែលកំពុងរងនូវហានិភ័យខ្ពស់ដោយសារមួយរយៈចុងក្រោយនេះត្រូវបានមេខ្សល់ប្រមាណ៥ទៅ៨ដាក់បានដើរកៀងគរប្រជាពលរដ្ឋតំបន់ផ្សេងមកកាប់ទន្ទ្រានយ៉ាងអនាធិបតេយ្យដោយពុំមានការខ្លាចសមត្ថកិច្ចឡើយ ។
បើតាមលោក សាមុត សុធារិទ្ឋ ប្រធានមន្ទីរបរិស្ថានខេត្តព្រះសីហនុ និងលោក ស កក្កដា អភិបាលស្រុកព្រៃនប់បានអះអាងថា ក្រុមជនអនាធិបតេយ្យនៅតាមតំបន់មួយចំនួន ជាពិសេសតំបន់ឧស្សានជាតិព្រះសីហនុរាម នឹងត្រូវអនុ វត្តទៅតាមផ្លូវច្បាប់ ប្រសិនបើនៅតែបន្តសកម្មភាពកាប់រុករានទន្ទ្រានដីខុសច្បាប់បែបអនាធិបតេយ្យ បន្ទាប់ពីអាជ្ញាធរបានចុះអប់រំជាច្រើនលើកមក ៕
ចែករំលែកព័តមាននេះ