ប្រទេសវៀតណាម៖ ភ្នាក់ងារសារព័ត៌មាន Viet Nam News បានឲ្យដឹងកាលពីថ្ងៃអង្គារ៍ នេះថា កំណើនការចំណាយផលិតកម្មកំពុងតែប៉ះពាល់ដល់ភាពប្រកួតប្រជែងរបស់ផលិតផលគ្រឿងសមុទ្រវៀតណាម ។ ការចំណាយទាំងនោះរួមមានការចំណាយលើចំណី…
ប្រទេសវៀតណាម៖ ភ្នាក់ងារសារព័ត៌មាន Viet Nam News បានឲ្យដឹងកាលពីថ្ងៃអង្គារ៍ នេះថា កំណើនការចំណាយផលិតកម្មកំពុងតែប៉ះពាល់ដល់ភាពប្រកួតប្រជែងរបស់ផលិតផលគ្រឿងសមុទ្រវៀតណាម ។ ការចំណាយទាំងនោះរួមមានការចំណាយលើចំណី គ្រឿងសម្ភារអគ្គិសនី និងពលកម្មផងដែរ ។
លោក Duong Nghia Quoc ដែលជាប្រធានសមាគមន៍ Viet Nam Pangasius Association បាននិយាយថា កំណើនតម្លៃអគ្គិសនីបានបង្កឲ្យអ្នកផលិតគ្រឿងសមុទ្រព្រួយបារម្ភកាន់តែខ្លាំងឡើង ព្រោះកំណើនការចំណាយនឹងប៉ះពាល់ដល់ទិន្នផល និងតម្លៃលក់ផងដែរ ។ យោងទៅតាមក្រសួងឧស្សាហកម្ម និងពាណិជ្ជកម្មបានឲ្យដឹងថា តម្លៃអគ្គិសនីជាមធ្យមបានកើនឡើង ៨.៣៦%កាលពីថ្ងៃពុធ មុន ។
លោកបានបន្តថា ទូរទឹកកក និងប្រព័ន្ធម៉ាស៊ីនត្រជាក់នៅតាមរោងចក្រកែច្នៃគ្រឿងសមុទ្រជាពិសេសរោងចក្រដែលកែច្នៃគ្រឿងសមុទ្រសម្រាប់ការនាំចេញស្មើប្រមាណ៨៥%នៃការប្រើប្រាស់អគ្គិសនីសរុប ។ វិស័យនេះបានស្នើឲ្យវិស័យអគ្គិសនីពិចារណា និងចេញគោលនយោបាយសមរម្យដើម្បីបង្កើតស្ថានការល្អសម្រាប់ផលិតកម្ម ជាពិសេសក្នុងវិស័យកសិកម្ម និងនេសាទ ។
លោកបានបន្តថា តម្លៃអគ្គិសនីគួរតែត្រូវបានបង្កើនយោងតាមការគ្រោងទុកដោយកើនជាដំបូងប្រមាណពី៣ទៅ៤% ខណៈដែលរដ្ឋាភិបាលគួរតែផ្តល់ប្រាក់កម្ចីដល់អាជីវកម្មដើម្បីប្តូរឧបករណ៍ចាស់ៗចេញ ព្រមទាំងលើកស្ទួយការប្រើប្រាស់ប្រភពថាមពលបៃតងផងដែរ ។
អាជីវកម្មជាច្រើនចង់ប្រើប្រាស់ថាមពលបៃតង ប៉ុន្តឬសម្រាប់រោងចក្រធំៗ ការចំណាយលើការវិនិយោគនេះអាចនឹងស្មើប្រមាណ ៤៣ម៉ឺន ទៅ ១.២លានដុល្លារឯណោះ។ លើសពីនេះទៅទៀត អាជីវកម្មក៏កំពុងតែជួបការលំបាកក្នុងការទាក់ទាញការវិនិយោគស្រាប់ទៅហើយ។
លោក Quoc បានបន្ថែមថា អាជីវកម្មនឹងត្រូវបង្កើនតម្លៃផលិតផលព្រោះតែការចំណាយកើនឡើង។ ប្រសិនបើតម្រូវការត្រីក្នុងប្រទេសមានកម្រិតទាបទៀតនោះ ផលិតផលនឹងត្រូវការស្តុកទុកយូរ ហើយតម្លៃលក់នឹងបន្តកើនឡើងព្រោះតែក្រុមហ៊ុនត្រូវចំណាយលើថ្លៃឃ្លាំងទំនិញកាន់តែច្រើនឡើង ៕
ចែករំលែកព័តមាននេះ