រដ្ឋធានីវ៉ាស៊ីនតោន ៖ ភ្នាក់ងារសារព័ត៌មាន Reuters បានឲ្យដឹងកាលពីថ្ងៃអង្គារ៍ ថា Boeing Co មានគម្រោងផ្ញើកញ្ចប់ Update…
រដ្ឋធានីវ៉ាស៊ីនតោន ៖ ភ្នាក់ងារសារព័ត៌មាន Reuters បានឲ្យដឹងកាលពីថ្ងៃអង្គារ៍ ថា Boeing Co មានគម្រោងផ្ញើកញ្ចប់ Update កម្មវិធី Software សម្រាប់យន្តហោះ 737 MAX ក្នុងកំឡុងពេលប៉ុន្មានសប្តាហ៍ខាងមុខនេះបន្ទាប់ពីក្រុមហ៊ុនបាននិយាយថា ពួកគេមានគម្រោងផ្ញើដំណោះស្រាយទៅឲ្យរដ្ឋាភិបាលនៅសប្តាហ៍មុន ។
Boeing បាននិយាយថា «ពួកយើងកំពុងតែធ្វើការដើម្បីបង្ហាញថា ពួកយើងបានស្វែងរកឃើញ និងដោះស្រាយរាល់លក្ខខណ្ឌទាក់ទិននឹងការផ្តល់ប័ណ្ណអនុញ្ញាត ហើយនឹងផ្ញើទៅឲ្យ FAA ដើម្បីត្រួតពិនិត្យពេលដែលសម្រេចក្នុងរយៈពេលប៉ុន្មានសប្តាហ៍ក្រោយ»។
ប្រធានរដ្ឋបាលស្តីទីរបស់ FAA គឺលោក Dan Elwell បាននិយាយកាលពីសប្តាហ៍មុនថា ភ្នាក់ងារនេះនឹងមិនអនុញ្ញាតឲ្យមានការហោះហើរយន្តហោះប្រភេទនេះមុនពេលការសិក្សារបស់ពួកគេបង្ហាញថា វាជាពេលដែលសាកសមឡើយ ។
កាលពីថ្ងៃច័ន្ទ គណៈកម្មាធិការដឹកជញ្ជូននិងហេដ្ឋារចនាសម្ព័ន្ធអាមេរិកបានផ្ញើសំបុត្រទៅកាន់ Boeing និង FAA ដើម្បីស្នើទិន្នន័យទាក់ទិននឹងការផ្តល់ប័ណ្ណអនុញ្ញាតការហោះហើរសម្រាប់ Boeing 737 MAX ។
Boeing កំពុងតែស្ថិតក្រោមសម្ពាធយ៉ាងខ្លាំងពីក្រុមគ្រួសារជនរងគ្រោះ ក្រុមហ៊ុនអាកាសចរណ៍ និងតំណាងរាស្ត្រក្នុងសហរដ្ឋអាមេរិក ព្រមទាំងមន្ត្រីជាប់ពាក់ព័ន្ធទូទាំងពិភពលោកដែរដើម្បីបញ្ជាក់ប្រាប់ថា ប្រព័ន្ធគ្រប់គ្រងការហោះហើរស្វ័យប្រវត្តិរបស់យន្តហោះ 737 MAX របស់ពួកគេនេះមានសុវត្ថិភាព ហើយអ្នកបើកបរទទួលបានការហ្វឹកហាត់គ្រប់គ្រាន់ដើម្បីគ្រប់គ្រងយន្តហោះពេលមានអាសន្ន ។
គួរបញ្ជាក់ផងដែរថា យន្តហោះ Boeing 737 MAX ប្រមាណ ៣០០គ្រឿងត្រូវបានហាមឃាត់មិនឲ្យហោះហើរជុំវិញពិភពលោកបន្ទាប់ពីមានការធ្លាក់យន្តហោះចំនួនពីរដងកន្លងមកដែលបង្កឲ្យមនុស្សចំនួន ៣៥០នាក់បាត់បង់ជីវិត ៕
ចែករំលែកព័តមាននេះ