ប្រទេសថៃ៖ ភ្នាក់ងារសារព័ត៌មាន Bangkok Post បានឲ្យដឹងកាលពីថ្ងៃចន្ទ ថាការប្រកួតប្រជែងកំពុងតែកើនឡើងក្នុងវិស័យពាណិជ្ជកម្មលើប្រព័ន្ធអេឡិចត្រូណិចរបស់ប្រទេសថៃដោយមានក្រុមហ៊ុនធំៗកំពុងដណ្តើមទាក់ទាញកិច្ចព្រមព្រៀងជាមួយនឹងយីហោធំៗ និងក្រុមហ៊ុនក្នុងស្រុកផងដែរ ។ លោក Pawoot…
ប្រទេសថៃ៖ ភ្នាក់ងារសារព័ត៌មាន Bangkok Post បានឲ្យដឹងកាលពីថ្ងៃចន្ទ ថាការប្រកួតប្រជែងកំពុងតែកើនឡើងក្នុងវិស័យពាណិជ្ជកម្មលើប្រព័ន្ធអេឡិចត្រូណិចរបស់ប្រទេសថៃដោយមានក្រុមហ៊ុនធំៗកំពុងដណ្តើមទាក់ទាញកិច្ចព្រមព្រៀងជាមួយនឹងយីហោធំៗ និងក្រុមហ៊ុនក្នុងស្រុកផងដែរ ។
លោក Pawoot Pongvitayapanu ដែលជាស្ថាបនិករបស់ Tarad.com បានឲ្យដឹងថា «វិស័យពាណិជ្ជកម្មលើប្រព័ន្ធអេឡិចត្រូណិចរបស់ប្រទេសថៃនឹងបន្តមានភាពប្រកួតប្រជែងខ្លាំងក្នុងរយៈពេលយ៉ាងតិចក៏៥ឆ្នាំទៀតដែរ ដោយមានក្រុមហ៊ុនធំៗក្នុងវិស័យធ្លាក់ចុះពី៣ទៅ៤មកស្មើតែ២ប៉ុណ្ណោះ ។ ការប្រកួតប្រជែងនេះនឹងកាត់បន្ថយតម្លៃ ហើយប៉ះពាល់ដល់ក្រុមហ៊ុនតូចៗ»។
យោងទៅតាមការសិក្សារបស់ Google Temasek បានឲ្យដឹងថា ខណៈដែលវិស័យពាណិជ្ជកម្មលើប្រព័ន្ធអេណិចត្រូណិចរបស់ប្រទេសថៃនៅមានទ្រង់ទ្រាយតូចនៅឡើយដែលស្មើប្រមាណ ៣%នៃទីផ្សារទាំងមូល វិស័យនេះត្រូវបានគិតថានឹងលូតលាស់បានពី៣ប៊ីលានដុល្លារក្នុងឆ្នាំ ២០១៨ ដល់ ១៣ប៊ីលានដុល្លារឯណោះក្នុងឆ្នាំ ២០២៥ ។ ក្នុងឆ្នាំ ២០១៩ JD Central, Shopee, និង Lazada នឹងបន្តការប្រកួតប្រជែងខណៈដែលយីហោកាន់តែច្រើននឹងចូលក្នុងទីផ្សារ ។
យ៉ាងណាក្តី អ្នកស្រី Rvisra Chirathivat ដែលជាប្រធានផ្នែកទីផ្សារនៅ JD Central បាននិយាយថាការប្រកួតប្រជែងក្នុងវិស័យពាណិជ្ជកម្មនេះនឹងកាន់តែតានតឹងឡើង ដែលបង្កឲ្យមានសង្គ្រាមតម្លៃ ។ គេហទំព័រនីមួយៗនឹងប្រើប្រាស់បច្ចេកវិទ្យានិងសេវាកម្មផ្សេងៗដើម្បីទាក់ទាញអតិថិជន ៕
ចែករំលែកព័តមាននេះ