ខេត្តកណ្តាល ៖ យុវជនម្នាក់បានត្រូវនគរបាលស្រុកស្អាងធ្វើការឃាត់ខ្លួនចាប់វាយខ្នោះ បន្ទាប់ពីទទួលពាក្យបណ្តឹងពីឪពុកខាងស្រីថា បានរំលោភសេពសន្ថវៈលើកូនស្រីគាត់នៅខាងក្រោយផ្ទះ ។ ហេតុការណ៍នេះបានកើតឡើងនៅថ្ងៃទី៣០ ខែមីនា ឆ្នាំ២០១៩ វេលាម៉ោង១៩ និង៣០នាទី ស្ថិតនៅ ស្រុកស្អាង ខេត្កណ្ដាល។
ជនរងគ្រោះអាយុ១៦ឆ្នាំ ជនជាតិខ្មែរ មានទីលំនៅ ស្រុកស្អាងខេត្តកណ្ដាល មុខរបរលក់ដូរ ។ ជនសង្ស័យឈ្មោះ អៀង ភារិទ្ធ អាយុ១៦ឆ្នាំ ទីលំនៅភូមិពោធិ៍លើ ឃុំត្រើយស្លា ស្រុកស្អាង ខេត្តកណ្តាល មុខរបរសិស្សសាលា ។
សាក្សីបានអោយដឹងថា នៅវេលាម៉ោង១៩និង៣០នាទី ថ្ងៃទី៣០ ខែមីនា ឆ្នាំ២០១៩ ជនរងគ្រោះបានទៅបត់ជើងតូចនៅខាងលិចផ្ទះរបស់ខ្លួន ឃ្លាតចម្ងាយប្រហែល២០ម៉ែត្រ ។ ពេលកំពុងអង្គុយបត់ជើង ស្រាប់តែមានឈ្មោះ អៀង ភារិទ្ធ បានមកចាប់ផ្តួលនាងអោយដេកផ្ងា រួចឈ្មោះអៀង ភារិទ្ធ បានបញ្ចេញប្រដាប់ភេទខ្លួនតាមឡេវរ៉ូតខោ រួចយកប្រដាប់ភេទនោះបញ្ចូលប្រដាប់ភេទនាង រហូតបានសម្រេចបំណងរបស់ខ្លួន ។ បន្ទាប់ពីបានសម្រេចបំណងហើយ ស្រាប់តែឪពុកបង្កើតនាងមកដល់បំភ្លឺដោយភ្លើងពិលទូរស័ព្ទ ភ្លាមនោះឈ្មោះអៀង ភារិទ្ធបានគេចខ្លួនពីកន្លែងកើតហេតុតែម្ដង ពេលជាមួយគ្នានោះឪពុកបានសួរនាំកូនរបស់ខ្លួន ទើបនាងបញ្ជាក់ប្រាប់ឪពុកថា ឈ្មោះអៀង ភារិទ្ធបានចាប់រំលោភសេពសន្ថវៈខ្លួន ។
ក្រោយពេលទទួលបានព័ត៌មានខាងលើកម្លាំងសមត្ថកិច្ចប៉ុស្តិ៍ត្រើយស្លា បាននាំឈ្មោះ អៀង រិទ្ធ មកប៉ុស្ដិ៍រដ្ឋបាល សាកសួរនឹងបញ្ជូនទៅអធិការដ្ឋាននគរបាល ស្រុកស្អាង ។ បច្ចុប្បន្ន ជនសង្ស័យ បានឃាត់ខ្លួននៅអធិការដ្ឋាននគរបាលស្រុកស្អាង ដើម្បីបន្តអនុវត្តតាមនីតិវីធី៕
ចែករំលែកព័តមាននេះ