ប្រទេសអុីស្រាអែល-ប៉ាឡេស្ទីន ៖ ពលរដ្ឋប៉ាឡេស្ទីននៅជ្រោយហ្គាហ្សា កាលពីថ្ងៃទី៣០ មីនា បានលើកគ្នាធ្វើបាតុកម្មដ៏ធំ នៅព្រំដែនជាមួយអុីស្រាអែល ហើយការប៉ះទង្គិចគ្នាបណ្ដាលឲ្យមនុស្សស្លាប់៤នាក់។ យោងតាមក្រសួងសុខាភិបាលរបស់ក្រុមហាម៉ាស់ប៉ាឡេស្ទីនថា ការប៉ះទង្គិះគ្នានានាបានផ្ទុះឡើង…
ប្រទេសអុីស្រាអែល-ប៉ាឡេស្ទីន ៖ ពលរដ្ឋប៉ាឡេស្ទីននៅជ្រោយហ្គាហ្សា កាលពីថ្ងៃទី៣០ មីនា បានលើកគ្នាធ្វើបាតុកម្មដ៏ធំ នៅព្រំដែនជាមួយអុីស្រាអែល ហើយការប៉ះទង្គិចគ្នាបណ្ដាលឲ្យមនុស្សស្លាប់៤នាក់។
យោងតាមក្រសួងសុខាភិបាលរបស់ក្រុមហាម៉ាស់ប៉ាឡេស្ទីនថា ការប៉ះទង្គិះគ្នានានាបានផ្ទុះឡើង បណ្ដាលឲ្យជនប៉ាឡេស្ទីន៤នាក់ស្លាប់។ ពលរដ្ឋហ្គាហ្សាច្រើនសិបពាន់នាក់ កាលពីថ្ងៃទី៣០មីនាបានលើកគ្នាមកកាន់ព្រំដែនអុីស្រាអែល ដែលនៅទីនោះមានការប៉ះទង្គិចគ្នាជាមួយកងទាហានអុីស្រាអែល បណ្ដាលឲ្យជនប៉ាឡេស្ទីន៤នាក់ស្លាប់។
ពលរដ្ឋជ្រោយហ្គាហ្សាត្រូវបានគេអំពាវនាវឲ្យលើកគ្នាចូលរួម ប្រារព្ធខួបលើកទីមួយ នៃចលនាតវ៉ាដែលគេឲ្យឈ្មោះថា មហាក្បួនដើរនៃការវិលត្រឡប់ ប្រឆាំងការហ៊ុមព័ទ្ធជ្រោយហ្គាហ្សាពីសំណាក់អុីស្រាអែល ចាប់តាំងពីជាង១០ឆ្នាំមកហើយ។ ចលនានោះក៏ទាមទារដែរ សិទ្ធិវិលត្រឡប់មកកាន់ដែនដីពួកគេវិញ របស់ជនជាតិប៉ាស្ទីនទាំងឡាយ ដែលឪពុកម្ដាយឬសាច់ញាតិ ភៀសខ្លួនចេញឬត្រូវបណ្ដេញចេញ បន្ទាប់ពីការបង្កើតរដ្ឋអីុស្រាអែលក្នុងឆ្នាំ១៩៤៨។
បន្ទាប់ពីច្រើនសប្ដាហ៍នៃភាពតានតឹងនិងក្នុងពេលមានភាពស្មុគ្រស្មាញ ខណៈការបោះឆ្នោតសភាអុីស្រាអែលជិតមកដល់ ការរំលឹកខួបនេះនាំឲ្យមានការភ័យខ្លាច ជម្លោះថ្មីផ្ទុះឡើងជាមួយអុីស្រាអែល។ កងទ័ពអុីស្រាអែលបានដាក់ពង្រាយទាហានច្រើនពាន់នាក់ ពួកអ្នកបាញ់ត្រង់ច្រើនសិបនាក់ រថក្រោះនិងកាំភ្លើងធំ៕
ចែករំលែកព័តមាននេះ