រាជធានីភ្នំពេញ៖អ្នកនាងសុន ស្រីពេជ្រតារាចម្រៀងប្រពៃណី និងសម័យ បែកធ្លាយរឿងមានកូនខណៈស្ងប់ស្ងាត់ពីពិភពសិល្បៈមួយរយៈមកនេះ ។ ស្រីពេជ្រ មិនធ្លាប់បង្ហាញឲ្យដឹងរឿងរៀបការទេពីមុនមក ហើយឥឡូវក៏មានកូន ។ កន្លងមកសុន…
រាជធានីភ្នំពេញ៖អ្នកនាងសុន ស្រីពេជ្រតារាចម្រៀងប្រពៃណី និងសម័យ បែកធ្លាយរឿងមានកូនខណៈស្ងប់ស្ងាត់ពីពិភពសិល្បៈមួយរយៈមកនេះ ។ ស្រីពេជ្រ មិនធ្លាប់បង្ហាញឲ្យដឹងរឿងរៀបការទេពីមុនមក ហើយឥឡូវក៏មានកូន ។ កន្លងមកសុន ស្រីពេជ្រ ធ្លាប់ជួបភាពជូរចត់រឿងស្នេហា ដោយបានផ្តាច់ពាក្យពីគូដណ្តឹង ដោយនាងចោទថាលួចលាក់មានអ្នកផ្សេងទៀត ។
ច្រើនខែរំលងផុតទៅ សុន ស្រីពេជ្រ ក៏ជាប់ជំពាក់ជំពិនស្នេហាម្តងទៀតជាមួយបុរសផ្សេង ហើយនាងបានបង្ហាញឲ្យដឹងតាមរយៈរូបភាពកៀកកិតគ្នាតាមហ្វេសប៊ុក ។ នេះជាតារាស្រីម្នាក់ទៀតហើយដែលធ្លាយដំណឹងមានកូន តែមិនធ្លាយរឿងរៀបការ។ សុន ស្រីពេជ្រ រកបានគូស្នេហ៍អាយុប្អូនជាងនាងច្រើនឆ្នាំ ។
តារាចម្រៀងសុន ស្រីពេជ្រ ធ្លាយដំណឹងមានកូន ដ៏គួរឲ្យភ្ញាក់ផ្អើលនេះស្របពេលកន្លងមកនាងបាត់មុខពីពិភពសិល្បៈ ។ នៅពេលបុរសជាគូស្នេហ៍ថតរូបក្បែរទារកធ្វើឲ្យគេចាប់អារម្មណ៍ចំពោះនាងមានកូន ។
មានការបង្ហើបពីអ្នកសិល្បៈរួមអាជីពជាមួយសុន ស្រីពេជ្រ ឲ្យដឹងកាលពីពេល ថ្មីៗកន្លងមកថា ស្រីពេជ្រ សាងស្នេហ៍ជាមួយបុរសឈ្មោះតិច សុខដា ជាអាជីវករនៅផ្សារឧដុង្គ ជាច្រើនខែមកហើយ ដោយថែមទាំងបានរួមរស់ក្រោមដំបូលតែមួយជាមួយគ្នាទៀតផង ។ ចំណែកការមានកូនមុនរៀបការរបស់សុន ស្រីពេជ្រ នេះ ត្រូវក្រុមគ្រួសារទាំងសងខាងអបអរសាទ រដោយគ្រោងធ្វើពិធីបង្កក់កូននាពេលខាងមុខទៀតផង ។
ចំពោះរឿងដ៏ភ្ញាក់ផ្អើលដែលគេថាមានកូន ទាំងមិនទាន់រៀបការនេះ សុន ស្រីពេជ្រ ចេញមុខបញ្ជាក់ថា «សុំទោសផងបងសារព័ត៌មាន ខ្ញុំរៀបការជាងមួយឆ្នាំហើយ គ្រាន់តែមិនបានអញ្ជើញខាង បងៗសារព័ត៌មានចូលរួម ព្រោះធ្វើតែបន្តិចបន្តួច ដោយសារប្អូនក៏ឈឺ ប៉ាក៏ឈឺ ទើបមិនបានរៀបចំធំដុំ»។
សុន ស្រីពេជ្រ កូនស្រីតារាកំប្លែងជើងចាស់ លោកតាម៉ារី សុន ហៅតាសង់ស៊ីស ធ្លាប់បានភ្ជាប់ពាក្យជាមួយលោកទៀវ វិសាល មន្ដ្រីបម្រើការនៅក្រសួងសង្គមកិច្ច តែបានចែកផ្លូវគ្នាកាលពីឆ្នាំមុន ។ ពេលនេះស្រីពេជ្រ មានគូគាប់ថ្មី និងមានកូនមួយហើយ ៕
ចែករំលែកព័តមាននេះ