ខេត្តរតនគិរី ៖ បុរសម្នាក់បានធ្វើអត្តឃាតចង.ក សម្លាប់ខ្លួននៅនិងដើមប័រខាងក្រោយផ្ទះប្អូនបង្កើតរបស់ខ្លួន បន្ទាប់ពីផឹកស្រាស្រវឹង ហើយចង់ទៅលេងផ្ទះកូននៅឆ្ងាយឯស្រុកកូនមុំ ត្រូវគេហាមមិនឱ្យទៅ ។ ហេតុការណ៍ចង.ក ធ្វើអត្តឃាតនេះបានកើតឡើងនៅវេលាម៉ោង៩និង១៨នាទីយប់…
ខេត្តរតនគិរី ៖ បុរសម្នាក់បានធ្វើអត្តឃាតចង.ក សម្លាប់ខ្លួននៅនិងដើមប័រខាងក្រោយផ្ទះប្អូនបង្កើតរបស់ខ្លួន បន្ទាប់ពីផឹកស្រាស្រវឹង ហើយចង់ទៅលេងផ្ទះកូននៅឆ្ងាយឯស្រុកកូនមុំ ត្រូវគេហាមមិនឱ្យទៅ ។ ហេតុការណ៍ចង.ក ធ្វើអត្តឃាតនេះបានកើតឡើងនៅវេលាម៉ោង៩និង១៨នាទីយប់ ថ្ងៃទី២៩ ខែមីនា ឆ្នាំ២០១៩ នៅចំណុចក្រោយផ្ទះលោកស្រី យ៉ែម ស្រីណុច ស្ថិតក្នុងភូមិសាយ៉ស់លើឃុំកាឡែង ស្រុកលំផាត់ ខេត្តរតនគិរី ។
ប្រភពពីសមត្ថកិច្ចបានឱ្យដឹងថា ជនរងគ្រោះឈ្មោះ យ៉ែម សីហា ភេទប្រុស អាយុ៥០ឆ្នាំ ជនជាតិខ្មែរ រស់នៅភូមិឃុំកើតហេតុខាងលើ ។ ប្រភពថា មុនពេលកើតហេតុនៅវេលាម៉ោងប្រហែល៨និង៤៥នាទីយប់ នោះជនរងគ្រោះបន្ទាប់ពីផឹកស្រាស្រវឹងខ្លាំងណាស់ ក្បាលល្ងាច ហើយក៏បានចូលសម្រាកនៅផ្ទះលោកយ៉ែម វាសនា ដែលត្រូវជាប្អូនបង្កើត ។
ក្រោយពីបានចូលសម្រាកបន្តិចជនរងគ្រោះក៏សុំប្អូន (វាសនា) ថា ចង់ទៅលេងកូននៅស្រុកកូនមុំ តែប្អូនរបស់គាត់ប្រាប់ថា បងស្រវឹងហើយចាំព្រឹកចាំទៅពេលនោះជនរងគ្រោះក៏បានដើរចេញមកក្រៅផ្ទះបាត់ឈឹងមួយសន្ទុះរហូតដល់ម៉ោងប្រហែល៩យប់ ឈ្មោះ យ៉ែម វាសនា ដើរទៅបត់ជើងក៏បានប្រទះឃើញជនរងគ្រោះចង.ក ក្រោមដើមប័រនោះតែម្តង ហើយក៏ស្លាប់បាត់ទៅហើយដែរ ។
ក្រោយពេលមានហេតុការណ៍បែបនោះកើតឡើងសាច់ញាតិក៏រាយការជូនសមត្ថកិច្ចពេលនោះ កម្លាំងប៉ុស្ដិ៍រដ្ឋបាលឃុំកាឡែងបានចុះដល់កន្លែងកើតហេតុភ្លាមៗរួចបានធ្វើការពិនិត្យកន្លែងកើតហេតុ និងពិនិត្យសាកសពបានសន្និដ្ឋានថា ករណីនេះពិតជាករណីធ្វើអត្តឃាតចងក សម្លាប់ខ្លួនឯងពិតប្រាកដមែន ។ ហើយសមត្ថកិច្ចក៏បានប្រគល់សាកសពឱ្យបងប្អូនសាច់ញាតិធ្វើបុណ្យតាមប្រពៃណី ៕
ចែករំលែកព័តមាននេះ