ប្រទេសអាល្លឺម៉ង់ ៖ រដ្ឋាភិបាលអាល្លឺម៉ង់ថ្លែងកាលពីថ្ងៃទី២៨មីនាថា ខ្លួននឹងពន្យារពេល៦ខែទៀតការផ្អាកលក់អាវុធឲ្យដល់អារ៉ាប៊ីសាអូឌីត ដែលនោះជាសេចក្ដីសម្រេចមួយធ្វើឲ្យមានភាពតានតឹងនៃទំនាក់ទំនង រវាងក្រុងប៊ែរឡាំងនិងបណ្ដាអ្នកនាំអាវុធចេញអឺរ៉ុប ដែលមានកម្មវិធីរួមគ្នាជាមួយបណ្ដាក្រុមហ៊ុនផលិតអាវុធអាល្លឺម៉ង់។
ការសម្រេចឈប់ផ្ដល់អាវុធឲ្យដល់អារ៉ាប៊ីសាអូឌីត ធ្វើឡើងក្រោយការសម្លាប់អ្នកកាសែតនិងជាអ្នកប្រឆាំងអារ៉ាប៊ីសាអូឌីតម្នាក់ លោកJAMAL KHASHOGGI នាំឲ្យមានការរិះគន់របស់ពួកសម្ព័ន្ធមិត្តអឺរ៉ុប។ អារ៉ាប៊ីសាអូឌីតបានស្នើទិញអាវុធពីអឹរ៉ុបក្នុងទឹកប្រាក់ច្រើនពាន់លានអឺរ៉ូ។ អាល្លឺម៉ង់ផ្អាកការលក់មីសីុលអាកាស-អាកាសMETEOR ដែលចង់យកទៅបំពាក់ឲ្យកងយន្តហោះចម្បាំងអារ៉ាប៊ីសាអូឌីត។ ជាមួយច្បាប់របស់ខ្លួនក្រុងប៊ែរឡាំងអាចបដិសេធមិនលក់ឲ្យបណ្ដាប្រទេស ស្ថិតនៅក្រៅសហភាពអឺរ៉ុបនិងអូតង ់បណ្ដាអាវុធដែលគ្រឿងទាំងឡាយផលិតនៅអាល្លឺម៉ង់។
ក្នុងសេចក្ដីប្រកាសមួយអ្នកនាំពាក្យរបស់រដ្ឋាភិបាលអាល្លឺម៉ង់ លោកSTEFFEN SEIBERTថ្លែងថា ការហាមឃាត់នឹងអាចពន្យារពេលដល់៦ខែ រហូតដល់ថ្ងៃទី៣០កញ្ញា។ ក្នុងដំណាក់កាលនេះពុំមានសំណើណាមួយសម្រាប់ការនាំចេញថ្មីៗនៃអាវុធ ត្រូវអនុម័តឡើយ។
ក្រុងប៊ែរឡាំងក៏អំពាវនាវផងដែរដល់បារាំងនិងអង់គ្លេសធានាថា ពុំមានសម្ភារយោធាណាមួយផ្ដល់ដល់អារ៉ាប៊ីសាអូឌីតឬអេមីរ៉ាត់អារ៉ាប់រួម ត្រូវប្រើក្នុងជម្លោះនៅយេម៉ែនឡើយ៕
ចែករំលែកព័តមាននេះ