ADផ្ទាំងផ្សព្វផ្សាយពាណិជ្ជកម្ម

Picture

គ្រាន់តែ​រថយន្ត​២​ប្រភេទ​នេះ Ford គ្រោង​ចាយ​លុយ​វាល់​លាន​ដុល្លារ

4 ឆ្នាំ មុន

ក្រុមហ៊ុន Ford បាន​ប្រកាស​ថា​ខ្លួន​កំពុង​តែ​ធ្វើការ​វិនិយោគ​លើ​រថយន្ត​អគ្គិសនី​ក្នុង​ទ្រុងទ្រាយ​ធំ​។ ក្រុមហ៊ុន​ផលិត​រថយន្ត​អា​មេ​រិ​ក​នេះ នឹង​វិនិយោគ​ប្រាក់​ជាង ៨៥០​លាន​ដុល្លារ​នៅ​ឆ្នាំ ២០២៣ ទៅ​លើ​កា​រប​ម្លែ​ង​រោងចក្រ​តម្លើងរថយន្ត​នៅ Flat Rock…

ក្រុមហ៊ុន Ford បាន​ប្រកាស​ថា​ខ្លួន​កំពុង​តែ​ធ្វើការ​វិនិយោគ​លើ​រថយន្ត​អគ្គិសនី​ក្នុង​ទ្រុងទ្រាយ​ធំ​។ ក្រុមហ៊ុន​ផលិត​រថយន្ត​អា​មេ​រិ​ក​នេះ នឹង​វិនិយោគ​ប្រាក់​ជាង ៨៥០​លាន​ដុល្លារ​នៅ​ឆ្នាំ ២០២៣ ទៅ​លើ​កា​រប​ម្លែ​ង​រោងចក្រ​តម្លើងរថយន្ត​នៅ Flat Rock រដ្ឋ Michigan ឱ្យទៅ​ជា​រោងចក្រ​ផលិត​អា​គុយ​សម្រាប់​រថយន្ត​អគ្គិសនី​ទី​ពីរ​របស់​ខ្លួន​នៅ​អា​មេ​រិ​ក​ខាងជើង ខណៈ​ដែល​រោងចក្រ​មួយទៀត​ស្ថិត​នៅ Cuautitlan ប្រទេស​ម៉ិចស៊ីកូ ។

លោក Joe Hinrichs ប្រធាន​ក្រុមហ៊ុន Ford Global Operations បាន​និយាយ​ថា ៖«​យើង​បាន​មើលឃើញ​ការ​កើនឡើង​នៃ​រថយន្ត​អគ្គិសនី ហើយ​យើង​ដឹង​ថា​យើង​ត្រូវ​តែ​បង្កើន​ការ​ផលិត​ឱ្យ​បាន​ទាន់​ពេល​សម្រាប់​រថយន្ត​ទាំងនេះ​។ នេះ​គឺជា​ព័ត៌មាន​ល្អ​សម្រាប់​អនាគត​នៃ Michigan ដែល​មានការ​បង្កើត​ការងារ​ថ្មី​»​។

ការ​ប្រកាស​នេះ​គឺជា​ផ្នែក​មួយ​នៃ​ផែនការ​វិនិយោគ​ទៅ​លើ​រថយន្ត​អគ្គិសនី​របស់​ក្រុមហ៊ុន Ford ក្នុង​តម្លៃ ១១.១​ពាន់​លាន​ដុល្លារ សម្រាប់​ទីផ្សារ​ពិភពលោក​ទាំងមូល ។ ការ​វិនិយោគ​ធំ​សំខាន់​ៗ​គឺ​រួម​មាន ការ​ផលិត​រថយន្ត Mustang សេ​រ៊ី​ថ្មី ដែល​នឹង​បន្ត​ផលិត​នៅ Flat Rock ជាដើម ។ នេះ​ដោយសារ​តែ​រថយន្ត Mustang ជំនាន់​ក្រោយ អាច​ជា​រថយន្ត Hybrid ឬ ក៏​មាន​ជម្រើស​ជា​ប្រភេទ Hybrid​។ ចំពោះ​រថយន្ត Continental វិញ គឺ​មិន​ទាន់​ច្បាស់​នៅឡើយ​ទេ​។

ក្រុមហ៊ុន Ford ក៏​បាន​ប្រកាស​ផែនការ សម្រាប់​ការ​ផលិត​រថយន្ត​ប្រភេទ​ស្វយ័ត (​បើកបរ​ទៅ​មុខ​ដោយ​ខ្លួនឯង​) ជា​លើក​ដំបូង នៅ​ក្នុង​រោងចក្រ​ថ្មី​របស់​ខ្លួន​ស្ថិត​នៅ​ក្នុង​រដ្ឋ Michigan​។ នៅ​ពេល​នេះ គេ​មិន​ទាន់​ប្រាប់​ឱ្យ​ដឹង​ច្បាស់​ថា​មាន​រថយន្ត​អគ្គិសនី​អ្វី​ទៀត​ទេ ដែល​នឹង​ផលិត​នៅ Flat Rock នោះ ៕

អត្ថបទសរសេរ ដោយ

កែសម្រួលដោយ