ជំនួបពិភាក្សាលើការអភិវឌ្ឍវិស័យផ្លូវដែកនៅកម្ពុជាជាមួយលោក Wang Wenzhong
- ភ្នំពេញ
រាជធានីភ្នំពេញ ៖ ឯកឧត្តមទេសរដ្ឋមន្ត្រី ស៊ុន ចាន់ថុល អមដោយគណៈប្រតិភូក្រសួងសាធារណការ និងដឹកជញ្ជូន កាលពីថ្ងៃទី២៧ ខែមីនា ឆ្នាំ២០១៩…
រាជធានីភ្នំពេញ ៖ ឯកឧត្តមទេសរដ្ឋមន្ត្រី ស៊ុន ចាន់ថុល អមដោយគណៈប្រតិភូក្រសួងសាធារណការ និងដឹកជញ្ជូន កាលពីថ្ងៃទី២៧ ខែមីនា ឆ្នាំ២០១៩…
រាជធានីភ្នំពេញ ៖ ឯកឧត្តមទេសរដ្ឋមន្ត្រី ស៊ុន ចាន់ថុល អមដោយគណៈប្រតិភូក្រសួងសាធារណការ និងដឹកជញ្ជូន កាលពីថ្ងៃទី២៧ ខែមីនា ឆ្នាំ២០១៩ បានជួបពិភាក្សាការងារជាមួយលោក Wang Wenzhong អនុប្រធានក្រុមហ៊ុនសាជីវកម្មសំណង់ផ្លូវដែកចិន (China Railway Construction Corporation – CRCC) នៅទីក្រុងប៉េកាំង ប្រទេសចិន ដែលក្រុមហ៊ុននេះជាសហគ្រាសសាធារណៈដ៏ធំមួយក្នុងចំណោមសហគ្រាសសាធារណៈជាង១០ធំៗ របស់សាធារណៈរដ្ឋប្រជាមានិតចិន ។
កិច្ចប្រជុំនេះបានផ្តោតជាសំខាន់លើការសិក្សាដកស្រង់បទពិសោធន៍ និងការពង្រឹងកិច្ចសហប្រតិបត្តិការរវាងក្រសួងសាធារណការ និងដឹកជញ្ជូន និងក្រុមហ៊ុន CRCC លើគម្រោងពាក់ព័ន្ធនិងការអភិវឌ្ឍវិស័យហេដ្ឋារចនាសម្ព័ន្ធផ្លូវដែកនៅកម្ពុជា ។
ឯកឧត្តមទេសរដ្ឋមន្ត្រីស្នើឲ្យក្រុមហ៊ុន CRCC ចូលរួមជាមួយរាជរដ្ឋាភិបាលកម្ពុជារៀបចំគម្រោងអភិវឌ្ឍ និងធ្វើឲ្យប្រសើរឡើងលើវិស័យដឹកជញ្ជូនតាមផ្លូវដែកនៅកម្ពុជា ដើម្បីជំរុញកំណើនសេដ្ឋកិច្ចកម្ពុជា ជាពិសេសការសម្រួលដល់ការដឹកជញ្ជូនអ្នកដំណើរ និងការដឹកជញ្ជូនទំនិញសំខាន់ៗដូចជា ស្រូវអង្ករ ប្រេងឥន្ធនៈ សម្ភារៈបរិក្ខារផ្សេងៗ សំដៅកាត់បន្ថយចំណាយឡូជីស្ទីក កាត់បន្ថយពេលវេលាដឹកជញ្ជូន គ្រោះថ្នាក់ចរាចរណ៍ និងការកកស្ទះចរាចរណ៍នៅតាមដងផ្លូវ ជាដើម ។
ជាការឆ្លើយតបលោក Wang Vengzhong បានប្តេជ្ញាយ៉ាងមុតមាំថា នឹងចូលរួមសហការជាមួយ រាជរដ្ឋាភិបាលកម្ពុជាតាមរយៈក្រសួងសាធារណការ និងដឹកជញ្ជូន ក្នុងការអភិវឌ្ឍវិស័យដឹកជញ្ជូនតាមផ្លូវដែកកម្ពុជាឱ្យមានការរីកចម្រើនដូចប្រទេសមួយចំនួនក្នុងតំបន់ ដោយស្មារតី យកចិត្តទុកដាក់ខ្ពស់ជាអាទិភាព ៕
ចែករំលែកព័តមាននេះ