ក្នុងនាមជាពុទ្ធបរិស័ទមានគុណធម៌ក្នុងចិត្តសន្តាន គប្បីរក្សាគុណភាពជីវិតឱ្យមានសេចក្តីថ្លៃថ្នូរទាំងការរស់នៅ ទាំងការងារចិញ្ចឹមអាត្មាឱ្យជាជីវិតមានសេចក្ដីសុខ គ្រួសាររស់នៅដោយសុភមង្គល ។៤ចំណុចខាងក្រោមនេះជាទិសដៅដែលគ្រប់គ្នាតែងចង់បានៈ ១-ផ្នែកសុខភាពរាងកាយមិនមានរោគាព្យាធិ មិនមានភ័យ មិនមានការបៀតបៀន រាងកាយមាំទាំ ស្អាតបាត…
ក្នុងនាមជាពុទ្ធបរិស័ទមានគុណធម៌ក្នុងចិត្តសន្តាន គប្បីរក្សាគុណភាពជីវិតឱ្យមានសេចក្តីថ្លៃថ្នូរទាំងការរស់នៅ ទាំងការងារចិញ្ចឹមអាត្មាឱ្យជាជីវិតមានសេចក្ដីសុខ គ្រួសាររស់នៅដោយសុភមង្គល ។
៤ចំណុចខាងក្រោមនេះជាទិសដៅដែលគ្រប់គ្នាតែងចង់បានៈ
១-ផ្នែកសុខភាពរាងកាយមិនមានរោគាព្យាធិ មិនមានភ័យ មិនមានការបៀតបៀន រាងកាយមាំទាំ ស្អាតបាត និងមានអាយុវែង ។
២-មានការងារសុចរិត មាសប្រាក់ ទ្រព្យសម្បត្តិ មានហូប មានចាយ យ៉ាងតិចក៏ត្រឹមមានទ្រព្យធនអាចជាទីពឹងខ្លួនឯងបាន ។
៣-សមគួរដល់ការរាប់អានពីញាតិមិត្ត មានការងារធ្វើត្រឹមត្រូវ មានយស មានតំណែង ជាទីលើកសរសើរពីអ្នកផងទាំងពួង និងបើមានកិត្តិគុណផងក៏រឹតតែល្អប្រពៃ។
៤-មានភាពកក់ក្ដៅក្នុងគ្រួសារ មានសម្ព័ន្ធភាពជាសុខរវាងបងប្អូនស្រឡាញ់គ្នា យកចិត្តទុកដាក់រក្សាវង្សត្រកូលដែលគួរជាទីរាប់អានពីមហាជន បើជាស្វាមីភរិយាជាអ្នកមានចិត្តស្មោះស្មើនឹងគ្នា ។
លោកធម៌ទាំងបួនចំណុចនេះលោកហៅថា ជាប្រយោជន៍បច្ចុប្បន្នដែលមនុស្សទាំងអស់ក្នុងលោកតែងប្រាថ្នាចង់បាន ។
ចែករំលែកព័តមាននេះ