រាជធានីភ្នំពេញ ៖ លំហូរចូលវិនិយោគិនពីបរទេស ជាពិសេសវិនិយោគិនចិនបាននឹងកំពុងសម្រុកចូលទៅវិនិយោគយ៉ាងខ្លាំងក្លានៅទឹកដីខេត្តមាត់សមុទ្រមួយនេះ ដូចជាការវិនិយោគលើផ្នែកឧស្សាហកម្មសំណង់ អគារពាណិជ្ជកម្ម ខុនដូរ កាស៊ីណូ សណ្ឋាគារប្រណិតៗ រួមទាំងផ្ទះសំណាក់តូចធំផងដែរ…
រាជធានីភ្នំពេញ ៖ លំហូរចូលវិនិយោគិនពីបរទេស ជាពិសេសវិនិយោគិនចិនបាននឹងកំពុងសម្រុកចូលទៅវិនិយោគយ៉ាងខ្លាំងក្លានៅទឹកដីខេត្តមាត់សមុទ្រមួយនេះ ដូចជាការវិនិយោគលើផ្នែកឧស្សាហកម្មសំណង់ អគារពាណិជ្ជកម្ម ខុនដូរ កាស៊ីណូ សណ្ឋាគារប្រណិតៗ រួមទាំងផ្ទះសំណាក់តូចធំផងដែរ ។ ខណៈមានសន្ទុះនៃការអភិវិឌ្ឍកើនឡើងយ៉ាងគំហុក ហេដ្ឋរចនាសម្ព័ន្ធនៅក្រុងព្រះសីហនុក៏កំពុងខូចខាតខ្លាំងដូចគ្នា រហូតមានមតិមហាជនបានរិះគន់ជាបន្តបន្ទាប់ ។
ខេត្តមាត់សមុទ្រមួយនេះ គឺប្រជុំដោយរោងចក្រកាត់ដេរ និងរោងចក្រឧស្សាហកម្មធុនស្រាល-ធ្ងន់ចំនួន ៧៩៨រោងចក្រ-សហគ្រាស, ជាទីក្រុងមាត់សមុទ្រដែលកំពុងការរីកចម្រើនខ្លាំងផ្នែកវិស័យសំណង់ សរុបជាង ៣០០គម្រោង។ យោងតាមរបាយការណ៍របស់មន្ទីររៀបចំដែនដី នគរូបនីយកម្ម និង សំណង់ បានឲ្យដឹងថា គ្រាន់តែនៅឆ្នាំ២០១៨ មានគម្រោងសំណង់មានកម្ពស់លើសពី ៤០ជាន់ឡើងលើ ចំនួន ២គម្រោង ក្នុងចំណោមគម្រោងសំណង់ដែលបានដាក់ពាក្យស្នើសុំច្បាប់សាងសង់សរុបចំនួន ៧៥គម្រោង ដែលបានចុះបញ្ជីការសាងសង់នៅក្នុងឆ្នាំ២០១៨ តែ១ឆ្នាំ។ ចំណែកតួលេខគម្រោងសំណង់សរុបនៅក្នុងខេត្តព្រះសីហនុ មានចំនួនជាង ៣០០គម្រោង ។
ថ្មីៗនេះផងដែរ លោក ឈិន សេងងួន អភិបាលខេត្តស្តីទី នៃខេត្តព្រះសីហនុ នាឱកាសជួបជាមួយគណៈប្រតិភូសហភាពអ៊ឺរ៉ុបមួយក្រុម ដែលដឹកនាំដោយ លោក SIMONE PIERI បានលើកឡើងថា ស្ថានភាពភូមិសាស្ត្រខេត្តមាត់សមុទ្រមួយនេះគឺពោរពេញដោយសក្តានុពល ដូចជាខេត្តមានដូចជា កំពង់ផែអន្តរជាតិទឹកជ្រៅ មានផ្លូវរថភ្លើង មានព្រលានយន្តហោះ តំបន់ឧស្សាហកម្មពិសេស តំបន់ពាណិជ្ជកម្ម តំបន់កសិកម្ម និងរមណីយដ្ឋានទេសចរណ៍ល្អៗជាច្រើនទៀត ។
លោក ឈិន សេងងួន មានប្រសាសន៍បន្តទៀតថា «ក្នុងរយៈពេល២ឆ្នាំ ចុងក្រោយនេះ ខេត្តព្រះសីហនុ មានការអភិវឌ្ឍយ៉ាងគំហុកផ្នែកឧស្សាហកម្មសំណង់ ដែលមានសំណង់អគារពាណិជ្ជកម្ម ខុនដូរ សណ្ឋាគារប្រណិតៗ រួមទាំងផ្ទះសំណាក់តូចធំ កំពុងមានការរីកចម្រើនគួរឱ្យកត់សំគាល់ ទន្ទឹមនឹងការរីកចម្រើន ក៏មានបញ្ហាប្រឈមលើផ្នែកហេដ្ឋារចនាសម្ព័ន្ធមួយចំនួន ក៏ប៉ុន្តែរដ្ឋបាលខេត្តបាននិងកំពុងស្ថាបនាកែលម្អរឡើងវិញជាជំហានៗ ដើម្បីបម្រើមហាជនទូទៅ និង បម្រើឲ្យវិស័យទេសចរណ៍» ។
ងាកទៅវិស័យឧស្សាហកម្មកាត់ដេរវិញ ខេត្តព្រះសីហនុ ក៏ត្រូវបានចាត់ទុកជាខេត្តដែលសំបូរដោយរោងចក្រកាត់ដេរដែលបានបង្កើតការងារជាច្រើនម៉ឺនកន្លែងដល់ កម្មករ-កម្មការិនី ។ តាមប្រភពព័ត៌មានពីរដ្ឋបាលខេត្តព្រះសីហនុបានឲ្យដឹងថា ក្នុងចំណោមរោងចក្រ-សហគ្រាសទាំងតូច មធ្យម និងធំសរុបជិតមួយពាន់កន្លែងនៅខេត្តព្រះសីហនុ យ៉ាងហោចណាស់ក៏ខេត្តនៃបណ្តុំរោងចក្រ-សហគ្រាសនេះ បានផ្តល់ទីជម្រកនិងកន្លែងប្រកបការងារក្នុងប្រព័ន្ធប្រមាណជាង ៨ម៉ឺននាក់ដែរ។
លោក យ៉ូវ ខេមរា ប្រធានមន្ទីរការងារ និងបណ្តុះបណ្តាលវិជ្ជាជីវៈខេត្តព្រះសីហនុ បានថ្លែងថា យោងតាមការចុះអង្កេតធើ្វអធិការកិច្ចចំនួន ៧២ដង របស់មន្ត្រីនៃមន្ទីរនេះបានរកឃើញថា នៅខេត្តព្រះសីហនុ មានរោងចក្រសហគ្រាសគ្រឹះស្ថាននានាចំនួន ៧៩៨កន្លែង។ ក្នុងចំណោមរោងចក្រ-សហគ្រាសទាំងអស់នោះ មាននិយោជិតសរុបទាំងខ្មែរនិងបរទេសទាំងអស់ចំនួន ៨១,៤៧៥នាក់ ក្នុងនោះមានកម្មការិនីចំនួន ៣៨,៦៥២នាក់។
លោក ខេមរា បានបន្តថា ដោយឡែកកម្មករ-កម្មការិនីជាជនជាតិខ្មែរមានចំនួន ៥៩,៤៨១នាក់ ដែលភាគច្រើនពួកគាត់គឺជាកម្មករសុទ្ធសាធ ខណៈដែលចាប់ពីកម្មករជំនាញឡើងទៅ គឺភាគច្រើនជាជនបរទេសចម្រុះជាតិសាសន៍ ។ ខេត្តព្រះសីហនុជាខេត្តឈានមុខមួយបាននឹងកំពុងទាក់ទាញពីវិនិយោគិនបរទេស ពិសេសវិនយោគិនចិនឱ្យមកបណ្តាក់ទុនលើវិស័យសំណង់ និងវិស័យកាត់ដេរ ហើយនៅពេលខាងមុខរឹតតែទាក់ទាញខ្លាំងបន្ថែមទៀត បន្ទាប់ពីមានគម្រោងសាងសង់ផ្លូវល្បឿនលឿនលើកទី១ រំពឹងថានឹងបញ្ចប់នា ខែមីនា ឆ្នាំ២០២៣ ។
លោក កាំង ម៉ូលីកា អគ្គលេខាធិការងនៃសមាគមរោងចក្រកាត់ដេរនៅកម្ពុជា មានប្រសាសន៍ថា ការវិនិយោគនៅខេត្តព្រះសីហនុ អ្នកវិនិយោគិនគាត់បានដឹង ថាកន្លែងណា មានសក្តានុពលសម្រាប់គាត់។យើងមិនបាច់ជំរុញឬណែនាំពួកគាត់នោះទេ ។តាមរយៈផ្លូវល្បឿនលឿននេះប្រាកដជាទាក់ទាញឱ្យវិនិយោគិនបរទេសទៅនៅក្បែៗនោះ ងាយស្រួលដល់ការនាំចេញរបស់គាត់»។ លោកបញ្ជាក់ថា «មកដល់ពេលនេះយើងមានសមាជិករោងចក្រនៅតំបន់ពិសេសក្រុងព្រះសីហនុមានជាង២០ដែលជាសមាជិករបស់យើង។ នៅក្នុងតំបន់សេដ្ឋកិច្ចពិសេសមានជាង១០០រោងចក្របាននិងកំពុងផលិតនូវផលិតផលចម្រុះច្រើនប្រភេទ» ។ តាមលោក កាំង ម៉ូលីកា បានឲ្យដឹងថាមកដល់បច្ចុប្បន្នសមាគមមានរោងចក្រដែលជាសមាជិករបស់ខ្លួនមានប្រមាណ៦០០រោងចក្រ មានកម្មករ-កម្មការិនីបាននិងកំពុងធ្វើការនៅតាមផ្នែកនីមួយៗសរុបជាង៧០ម៉ឺននាក់ទទួលបានប្រាក់បៀវត្សសរុបពីវិស័យមួយនេះមានប្រមាណ២.៨០០លានដុល្លារក្នុងមួយឆ្នាំ ។
សូមរម្លឹកថា ខេត្តព្រះសីហនុ កាលពីថ្ងៃទី ០៧ ខែកុម្ភះ កន្លងទៅបានបើកកិច្ចប្រជុំបូកសរុបការងារស្រង់ស្ថិតិជនបរទេសស្នាក់នៅ និងធ្វើអាជីវកម្មក្នុងខេត្តព្រះសីហនុ ជំហានដំបូង បន្ទាប់ពីមានកិច្ចសហការជួយពីថ្នាក់ជាតិ។ ថ្លែងនៅឯកិច្ចប្រជុំបូកសរុបការស្រង់ស្ថិតិជំហានដំបូងជនបរទេសស្នាក់នៅ និងធ្វើអាជីវកម្មក្នុងខេត្តព្រះសីហនុ នាពេលនោះ នាយឧត្តមសេនីយ៍ ឃុន សំបូរ អគ្គនាយករងអន្តោប្រវេសន៍ បាន ឱ្យដឹងថា ក្នុងយុទ្ធនាការស្រង់ស្ថិតិជនបរទេសស្នាក់នៅ ធ្វើអាជីវកម្មក្នុងខេត្តព្រះសីហនុ តាមគោលដៅអាជីវកម្ម ២.០៥២ មានជនបរទេសស្នាក់នៅអចិន្ត្រៃយ៍ចំនួន ៤០.៧៧០នាក់ ស្រី ៨.៣៨៧នាក់ មាន ៥៧សញ្ជាតិ មានអាជីវកម្មធុនតូច ១៦៧ប្រភេទ ។
ក្នុងនោះផងដែរ លោក យន្ត មីន អភិ បាលខេត្តព្រះសីហនុមានប្រសាសន៍ថា អ្នកវិនិយោគ និងទេសចរចិនស្នាក់នៅខេត្តព្រះសីហនុ មានប្រមាណ ៧ម៉ឺននាក់។លោក អភិបាលខេត្ត ការវិនិយោគរបស់ចិននៅខេត្តព្រះសីហនុ ផ្តល់ផលវិជ្ជមានយ៉ាងច្រើន ជួយឱ្យខេត្តបង្កើនកំណើនសេដ្ឋកិច្ចយ៉ាងឆាប់រហ័ស ក៏ប៉ុន្តែវាមានផលអវិជ្ជមាន តិចតួចដែរ។ លោក ប៉ាន់ប្រមាណថាមាន ប្រជាពលរដ្ឋពី ៩០ ទៅ ៩៥ភាគរយ អបអរសាទរចំពោះការវិនិយោគ និងទេសចរចិនមកខេត្តព្រះសីហនុ ៕
សូមរម្លឹកថា ខេត្តព្រះសីហនុ កាលពីថ្ងៃទី ០៧ ខែកុម្ភះ កន្លងទៅបានបើកកិច្ចប្រជុំបូកសរុបការងារស្រង់ស្ថិតិជនបរទេសស្នាក់នៅ និងធ្វើអាជីវកម្មក្នុងខេត្តព្រះសីហនុ ជំហានដំបូង បន្ទាប់ពីមានកិច្ចសហការជួយពីថ្នាក់ជាតិ។ ថ្លែងនៅឯកិច្ចប្រជុំបូកសរុបការស្រង់ស្ថិតិជំហានដំបូងជនបរទេសស្នាក់នៅ និងធ្វើអាជីវកម្មក្នុងខេត្តព្រះសីហនុ នាពេលនោះ នាយឧត្តមសេនីយ៍ ឃុន សំបូរ អគ្គនាយករងអន្តោប្រវេសន៍ បាន ឱ្យដឹងថា ក្នុងយុទ្ធនាការស្រង់ស្ថិតិជនបរទេសស្នាក់នៅ ធ្វើអាជីវកម្មក្នុងខេត្តព្រះសីហនុ តាមគោលដៅអាជីវកម្ម ២.០៥២ មានជនបរទេសស្នាក់នៅអចិន្ត្រៃយ៍ចំនួន ៤០.៧៧០នាក់ ស្រី ៨.៣៨៧នាក់ មាន ៥៧សញ្ជាតិ មានអាជីវកម្មធុនតូច ១៦៧ប្រភេទ ។
ក្នុងនោះផងដែរ លោក យន្ត មីន អភិ បាលខេត្តព្រះសីហនុមានប្រសាសន៍ថា អ្នកវិនិយោគ និងទេសចរចិនស្នាក់នៅខេត្តព្រះសីហនុ មានប្រមាណ ៧ម៉ឺននាក់។លោក អភិបាលខេត្ត ការវិនិយោគរបស់ចិននៅខេត្តព្រះសីហនុ ផ្តល់ផលវិជ្ជមានយ៉ាងច្រើន ជួយឱ្យខេត្តបង្កើនកំណើនសេដ្ឋកិច្ចយ៉ាងឆាប់រហ័ស ក៏ប៉ុន្តែវាមានផលអវិជ្ជមាន តិចតួចដែរ។ លោក ប៉ាន់ប្រមាណថាមាន ប្រជាពលរដ្ឋពី ៩០ ទៅ ៩៥ភាគរយ អបអរសាទរចំពោះការវិនិយោគ និងទេសចរចិនមកខេត្តព្រះសីហនុ ៕
ចែករំលែកព័តមាននេះ