រាជធានីភ្នំពេញ ៖ សេចក្តីរាយការណ៍បឋមឲ្យដឹងថា លោកវរសេនីយឯក សែម គន្ធា នាយការិយាល័យនគរបាលចរាចរណ៍ផ្លូវគោករាជធានីភ្នំពេញថ្លែងប្រាប់បណ្តាញសារព័ត៌មានក្នុងស្រុកនារសៀលថ្ងៃទី២៧ ខែមីនា នេះទាក់ទិនទៅនឹងម្ចាស់រថយន្ត RANGE ROVER ពាក់ផ្លាកលេខ 2AF-7777 ឈ្មោះ យិន ហ្គិច បានចូលបំភ្លឺនៅការិយាល័យនគរបាលចរាចរណ៍ផ្លូវគោកហើយ តែលោកថា មិនមែនជាអ្នកបង្កគ្រោះថ្នាក់ចរាចរណ៍បុកនិស្សិតស្រីស្លាប់នោះទេ។
សេចក្តីរាយការណ៍បានបន្តថា លោកសែម គន្ធា បន្តថា ពេលនេះសមត្ថកិច្ចកំពុងបន្តនីតិវិធី ដោយពុំទាន់សម្រេចយ៉ាងណានៅឡើយ ដើម្បីជៀសវាងការចោទប្រកាន់លើជនបង្កខុសមនុស្ស សមត្ថកិច្ចបាន និងកំពុងសាកសួរឈ្មោះ យិន ហ្គិច យ៉ាងយកចិត្តទុកដាក់ ។
សូមបញ្ជាក់ថា ប្រភពព័ត៌មានជាច្រើនបញ្ជាក់ថា អត្តសញ្ញាណអ្នកបើកបររថយន្ត RANGE ROVER បុកនិស្សិតស្រីឆ្នាំទី៤ ម្នាក់ស្លាប់នោះ គឺជាកូនស្រីថៅកែសណ្ឋាគារប្រេមអិចប្រេសអង្គរ នៅខេត្តសៀមរាប ដែលមានឪពុកឈ្មោះ យិន ហ្គិច ជាសមាជិកក្រុមប្រឹក្សាខេត្តសៀមរាប ដែលនារីបង្កហេតុនោះមានឈ្មោះ យិន ម៉ាណា ។
ប្រភពព័ត៌មានដដែលបន្តថា អ្នកបើកបរមានកូនក្មេងពីរបីនាក់ប្រឡែងគ្នា និងបើកបរលឿន ជាមូលហេតុនៃការបង្កគ្រោះថ្នាក់ចរាចរណ៍ដ៏រន្ធត់នោះ ៕
ចែករំលែកព័តមាននេះ