ខេត្តរតនៈគីរី ៖ សេចក្តីរាយការណ៍បឋមបានឲ្យដឹងថា វាំងននខ្មៅត្រូវបើកប្ដីសម្លាប់ប្រពន្ធរឿងគ្រាប់ចន្ទីចំនួន៩គីឡូក្រាម ប្ដីអោយប្រពន្ធលក់ ស្ត្រីជាប្រពន្ធមិនព្រមលក់រង់ចាំបានចំនួន៨ពាន់រៀល ទើបប្រពន្ធព្រមលក់ការទទួចរបស់ប្ដីមិនមែន១លើកទេ គឺច្រើនលើកច្រើនសារមកហើយ កើតជាទំនាស់ឈ្លោះគ្នារវាងប្ដី និងប្រពន្ធញឹកញាប់ណាស់ពីរឿងគ្រាប់ស្វាយចន្ទីនេះ តាំងពីឆ្នាំ២០១៨មកម្លេះ នេះ គឺជាការឆ្លើយសារភាពរបស់បុរសជាប្ដី បន្ទាប់ពីនគរបាលជំនាញស្រាវជ្រាវរកឃើញ ឈានទៅដល់ការឃាត់ខ្លួនជនសង្ស័យជាប្ដី ។
ករណីឃាតកម្មនៅស្រុកលំផាត់ឃាត.កជាប្ដី ស្ត្រីរងគ្រោះតែម្ដង (កម្លាំងនគរបាលជំនាញនគបាលខេត្តសហការជាមួយកម្លាំងអធិការស្រុកលំផាត់នៅព្រឹកថ្ងៃទី២៧ ខែមីនា ឆ្នាំ២០១៩នេះ បានធ្វើការឃាត់ខ្លួនជនសង្ស័យម្នាក់ឈ្មោះ កិ ដិ អាយុ៣៦ឆ្នាំ ជនជាតិទំពួន ជាប្ដីស្ត្រីរងគ្រោះ មុខរបរធ្វើចម្ការ មានទីលំនៅភូមិអុលធំ ឃុំបាតាង ស្រុកលំផាត់ (ត្រូវជាប្តីជនរងគ្រោះ) ដែលជាប់ពាក់ព័ន្ធក្នុងករណីឃាតកម្ម កាលពីវេលាម៉ោង១៧និង៣០នាទី ថ្ងៃទី២៤ ខែមីនា ឆ្នាំ២០១៩ នៅចំណុចអូររ៉ាពឿង ក្នុងចំការស្វាយចន្ទីជនរងគ្រោះ ស្ថិតក្នុងភូមិអុលធំ ឃុំបាតាង ស្រុកលំផាត់ ។
រហូតដល់ព្រឹកថ្ងៃទី២៧ ខែមីនា ឆ្នាំ២០១៩ នេះវាំងននខ្មៅបានបើក គឺជនសង្ស័យជាឃាត.កសម្លាប់ស្ត្រីរងគ្រោះត្រូវជាប្តីស្ត្រីរងគ្រោះតែម្តង ។ ក្រោយឃាត់ខ្លួនជនសង្ស័យបានឆ្លើយសារភាពថា ខ្លួនពិតជាបានសម្លាប់ប្រពន្ធខ្លួនឯងពិតប្រាកដមែន ដោយសារខ្លួនខឹងនឹងប្រពន្ធនិយាយមិនស្ដាប់ពីរឿងលក់គ្រាប់ផ្លែចន្ទីជាច្រើនលើកទើបខ្លួនខឹងប្រពន្ធយ៉ាងខ្លាំងសម្រេចចិត្តសម្លាប់តែម្ដង ។
បច្ចុប្បន្នបាននឹងកំពុងឃាត់ខ្លួននៅការិយាល័យកំរិតធ្ងន់នៃស្នងការដ្ឋាននគរបាលខេត្តរតនគិរី ដើម្បីកសាងសំណុំរឿងបញ្ជូនទៅតុលាការតាមនីតិវិធី ៕
បញ្ជាក់៖ អ្វីដែលសង្ស័យអាចការពិត…លើស្ត្រីដែលទៅងូតទឹកតែម្នាក់ឯង
ចែករំលែកព័តមាននេះ