ហូបខ្ទឹមបារាំង៤៤ក្រាមមួយថ្ងៃ…កាត់បន្ថយមហារីកពោះវៀនធំ
តាមប្រភពពី The Sunបានឱ្យដឹងថា ក្រុមអ្នកវិទ្យាសាស្ត្រនៅសាកលវិទ្យាល័យ First Hospital of China Medical University…
តាមប្រភពពី The Sunបានឱ្យដឹងថា ក្រុមអ្នកវិទ្យាសាស្ត្រនៅសាកលវិទ្យាល័យ First Hospital of China Medical University…
តាមប្រភពពី The Sunបានឱ្យដឹងថា ក្រុមអ្នកវិទ្យាសាស្ត្រនៅសាកលវិទ្យាល័យ First Hospital of China Medical University បានរកឃើញថា ការទទួលទានខ្ទឹមបារាំង៤៤ក្រាមក្នុងមួយថ្ងៃ អាចកាត់បន្ថយការកើតជំងឺមហារីកពោះវៀនធំ ។
ក្រុមអ្នកវិទ្យាសាស្ត្របានរកឃើញថា ការទទួលទានបន្លែប្រភេទខ្ទឹម អាចកាត់បន្ថយការប្រឈមនឹងជំងឺមហារីកពោះវៀនធំ ។ គេបានធ្វើការសិក្សាទៅលើមនុស្សប្រុស-ស្រី១៦៦៦នាក់ ដែលពួកគេទទួលទានខ្ទឹមបារាំង៧៤ក្រាម(ប្រហែលកន្លះមើម)ក្នុងមួយថ្ងៃ។ ជាលទ្ធផលគេរកឃើញថា អ្នកទាំងនោះមានការប្រឈមកើតជំងឺមហារីកពោះវៀនធំ ទាបជាងអ្នកមិនទទួលទានដល់ទៅ៧៩%។
ក្នុងរបាយការណ៍របស់លោកវេជ្ជបណ្ឌិត Zhi Li នៃសាកលវិទ្យាល័យ First Hospital of China Medical University បានសរសេរថា៖ «វាមានទំនាក់ទំនងនឹងគ្នា ដោយសារតែការហូបបន្លែប្រភេទខ្ទឹមកាន់តែច្រើន ការការពារកាន់តែប្រសើរ» ។
នេះគឺមកពីអាហារប្រភេទនេះ មានសារធាតុជីវសកម្មម្យ៉ាង ដែលអាចការពារប្រឆាំងនឹងជម្ងឺមហារីក។ ការហូបខ្ទឹមពេលចម្អិនដោយកម្តៅ មិនសូវជាបានប្រយោជន៍ដូចការពិសារនៅស្រស់ៗទេ ៕
ចែករំលែកព័តមាននេះ