ខេត្តពោធិ៍សាត់ ៖ តាមរយៈគម្រោងស្តាឡើងវិញប្រព័ន្ធធារាសាស្ត្រកណ្តៀងខេត្តពោធិ៍សាត់ តាមរយៈជំនួយរបស់ប្រទេសជប៉ុន ក្នុងគម្រោងអង្គការ Jica ជប៉ុនកាលពីថ្ងៃទី២៦ ខែមីនា ឆ្នាំ២០១៩ បានបង្ហាញពីគម្រោងផ្គត់ផ្គង់ទឹកកសិកម្មត្រូវបានពង្រីក ហើយតំបន់ស្រោចស្រពត្រូវបានពង្រីកពី២៨០ដល់៤៨០ហិកតា ។
តាមរយៈលោក កែវ វ័យ ប្រធានសហគមន៍កណ្តៀងបានឲ្យដឹងថា បន្ទាប់ពីជំនួយរបស់អង្គការ Jica ការផ្គត់ផ្គង់ទឹកត្រូវបានពង្រីកដីស្រែពី២៨០ដល់៤៨០ហិកតា ។ ដូច្នេះបរិមាណប្រមូលផលស្រូវក្នុងរដូវស្សាបានកើនឡើងពី១តោនទៅ៣,៥តោនក្នុងមួយហិកតា ។ ក្រៅពីនេះនៅរដូវប្រាំងវាពង្រីកពី០ (គ្មានការផលិត) ដល់៣,៥តោនក្នុងមួយហិកតា ។ អង្គការ Jica បានបញ្ជាក់ថា ប្រព័ន្ធធារាសាស្ត្រកណ្តៀងមានទីតាំងស្ថិតនៅ១០គីឡូម៉ែត្រ នៃភាគខាងជើងពីក្រុងពោធិ៍សាត់ ។
បរិក្ខាធារាសាស្ត្រដែលបានធ្វើហើយក្នុងឆ្នាំ១៩៨៥ត្រូវបានខូចខាត និងទ្រុតទ្រោមដោយទឹកជំនន់ប្រចាំឆ្នាំ ។ ដូច្នេះមុខងារនៃការរក្សាទុកទឹក និងការផ្គត់ផ្គង់ទៅកាន់វាលស្រែត្រូវបានបាត់បង់ ។ កសិករប្រឈមមុននឹងកង្វះទឹកក្នុងស្រែ ។ អង្គការ JiCa បានលើកឡើងថា ដើម្បីឲ្យមុខងារស្រោចស្រពត្រឡប់មកប្រសើរឡើងវិញការស្តារប្រឡាយមេ ការសាងសង់សំណង់ស្ទាក់ទឹក និងការសាងសង់លូស្រោចស្រពចំនួនពីរសម្រាប់បញ្ជូនទឹកទៅវាលស្រែត្រូវបានទាមទារ (ត្រូវការទឹក) ។ តាមលទ្ធផលរំពឹងទុកអ្នកទទួលបានប្រយោជន៍ពីគម្រោង៦៩០គ្រួសារប្រមាណ៣២០០នាក់ ដែលរស់នៅក្នុងតំបន់គម្រោង ៕
ចែករំលែកព័តមាននេះ