រាជធានីភ្នំពេញ ៖ បន្ទាប់ពីឆ្លងកាត់ការប្រកួត២លើកនៅពហុកីឡដ្ឋានជាតិ គេបានរកឃើញក្រុមដែលត្រូវឡើងទៅប្រកួតបន្តដើម្បីយកចំណាត់ថ្នាក់លេខ១ក្នុងពូលHព្រឹត្តិការណ៍បាល់ទាត់ AFC U23 Championship Thailand 2020 គឺក្រុមជម្រើសជាតិកូរ៉េខាងត្បូងប៉ះជាមួយក្រុមជម្រើសជាតិអូស្ត្រាលីនៅថ្ងៃទី២៦…
រាជធានីភ្នំពេញ ៖ បន្ទាប់ពីឆ្លងកាត់ការប្រកួត២លើកនៅពហុកីឡដ្ឋានជាតិ គេបានរកឃើញក្រុមដែលត្រូវឡើងទៅប្រកួតបន្តដើម្បីយកចំណាត់ថ្នាក់លេខ១ក្នុងពូលHព្រឹត្តិការណ៍បាល់ទាត់ AFC U23 Championship Thailand 2020 គឺក្រុមជម្រើសជាតិកូរ៉េខាងត្បូងប៉ះជាមួយក្រុមជម្រើសជាតិអូស្ត្រាលីនៅថ្ងៃទី២៦ មីនា នេះ។
ក្រុមជម្រើសជាតិកូរ៉េខាងត្បូង ប្រកួត២លើកឈ្នះទាំង២លើក មាន៦ពិន្ទុ ដោយលើកទី១ឈ្នះក្រុមចិនតៃប៉ិ៨-០និងលើកទី២ឈ្នះក្រុមជម្រើសជាតិកម្ពុជា៦-១ ។ រីឯក្រុមជម្រើសជាតិអូស្ត្រាលីក៏មាន៦ពិន្ទុនៅក្នុងដៃដូចគ្នាដោយប្រកួត២លើកឈ្នះទាំង២លើក ។ លើកទី១ឈ្នះក្រុមជម្រើសជាតិកម្ពុជា៦-០ និងលើកទី២ឈ្នះក្រុមជម្រើសជាតិចិនតៃប៉ិ៦-០ជាបន្តទៀត ។ ដូច្នេះសម្រាប់ការប្រកួតនៅថ្ងៃទី២៦ មីនា អូស្ត្រាលីជួបប្រកួតជាមួយកូរ៉េខាងត្បូង និងកម្ពុជាជួបប្រកួតជាមួយចិនតែប៉ិ។
សម្រាប់ការប្រកួតលើកនេះគឺពិតជាល្អមើលមិនខានដោយសារក្រុមអូស្ត្រាលីនិងកូរ៉េខាងត្បូងសុទ្ធតែត្រូវការឈ្នះ ដើម្បីបានឡើងទៅលេងនៅវគ្គជម្រុះ១៦ក្រុមចុងក្រោយ ។ ចំណែកកម្ពុជានិងចិនតៃប៉ិវិញទោះមិនបានឡើងប៉ុន្តែសាច់បាល់លេងនិងកម្លាំងប្រហាក់ប្រហែលគ្នា ធ្លាប់ចាញ់-ឈ្នះគ្នាកាលពីជំនួបមុនៗ។
លោក FELIX G.Dalmas គ្រូបង្វឹកក្រុមជម្រើសជាតិកម្ពុជាតែងតែបង្ហាញនូវការជឿជាក់ចំពោះកូនក្រុមរបស់លោកជានិច្ច ។ លោកបានលើកឡើងថា៖«ដូចរាល់ដងអញ្ចឹង ខ្ញុំនិយាយដដែលៗ គឺខ្ញុំស្រឡាញ់និងជឿជាក់លើកីឡាករកម្ពុជា ។ ពួកគេស្ថិតនៅក្នុងដំណាក់កាលអភិវឌ្ឍខ្លួនទៅមុខ ការយកជ័យជម្នះជូនកម្ពុជា គឺតែងតែជាគោលបំណងសំខាន់របស់យើង ។ ថ្ងៃនេះ ក្រៅពីលទ្ធផលដែលយើងឃើញភាពរីកចម្រើននៃក្រុមហើយ យើងតែងតែចង់ឃើញស្នាមញញឹមរបស់អ្នកគាំទ្រដែលមកទស្សនាផ្ទាល់និងនៅគេហដ្ឋាន» ៕
ចែករំលែកព័តមាននេះ