រាជធានីភ្នំពេញ ៖ សន្តិសុខម្នាក់ត្រូវកម្លាំងនគរបាលប៉ុស្តិ៍អូរបែកក្អម ឃាត់ខ្លួនកាលពីម៉ោង៥និង៣០នាទីល្ងាច ថ្ងៃទី២៥ ខែមីនា ឆ្នាំ២០១៩ បន្ទាប់ពីប្រើម្រាមដៃលូកលេងប្រដាប់ភេទក្មេងស្រីអាយុ៧ឆ្នាំ រហូតដាច់រលាត់ ។
តាមនគរបាលបានឱ្យដឹងថា ជនសង្ស័យខាងលើឈ្មោះ ស្រុង ឡូញ អាយុ៣៩ឆ្នាំ មុខរបររត់រ៉ឺម៉កម៉ូតូ និងជាសន្តិសុខយាមខុនដូរស្នាក់នៅបន្ទប់ជួល ស្ថិតក្នុងភូមិអូរបែកក្អម សង្កាត់អូរបែកក្អម ខណ្ឌសែនសុខ ចំណែកក្មេងស្រីរងគ្រោះទើបអាយុ៧ឆ្នាំ។
នគរបាលឱ្យដឹងថា ជនសង្ស័យត្រូវបានស្ត្រីម្នាក់ជាបុគ្គលិកអង្គការដើម្បីភាពញញឹមនៃកុមារ បានមកប្តឹងឱ្យឃាត់ខ្លួន បន្ទាប់ពីជននោះនាំក្មេងទៅដើរលេងនៅកោះពេជ្រ ហើយធ្វើសកម្មភាពបំពានទៅលើក្មេងស្រីរងគ្រោះ ដោយប្រើដៃលូកលេងប្រដាប់ភេទក្មេងស្រីនោះ។
តាមព័ត៌មានឱ្យដឹងថា កាលពីថ្ងៃទី២០ មីនា ខណៈជនសង្ស័យឈប់រ៉ឺម៉កម៉ូតូ ដើម្បីឌុបម៉ូយនៅអង្គការក្នុងភូមិអូរបែកក្អម ចំណែកក្មេងស្រីរងគ្រោះ និងប្អូនប្រុសអាយុប្រមាណ៤ឆ្នាំបានរត់លេង និងមកជិះរ៉ឺម៉កលេង ។ ហើយនៅពេលជនសង្ស័យដឹកម៉ូយទៅផ្សារដើមគរ ក្មេងស្រីក៏ទៅតាម លុះក្រោយមកជនសង្ស័យក៏ដឹកក្មេងត្រឡប់មកផ្ទះវិញ ។ ក្រោយមកក្មេងស្រីរងគ្រោះប្រាប់ម្តាយថា ឈឺប្រដាប់ភេទ តែម្តាយមិនចាប់អារម្មណ៍។
តាមព័ត៌មានឱ្យដឹងទៀតថា លុះថ្ងៃទី២១ មីនា ក្មេងស្រីរងគ្រោះប្រាប់ម្តាយខ្លួនជាលើកទី២ ហើយម្តាយក្មេងស្រីរងគ្រោះសួរនាំដឹងរឿង ក៏នាំក្មេងស្រីរងគ្រោះទៅឲ្យគ្រូពេទ្យក្នុងអង្គការពិនិត្យមើលក៏ឃើញមានស្នាមដាច់រលាត់ប្រដាប់ភេទ ។ លុះនៅថ្ងៃទី២៥ មីនា ម្តាយក្មេងស្រី និងអង្គការ CPU បាននាំទៅពិនិត្យនៅមន្ទីរពេទ្យបង្អែក រាជធានីភ្នំពេញ ឃើញមានស្នាមដាច់រលាតប្រដាប់ភេទ ក៏មកដាក់ពាក្សបណ្តឹងប៉ុស្តិ៍រដ្ឋបាលអូរបែកក្អម ឈានទៅឃាត់ខ្លួនជនសង្ស័យតែម្តង។
តាមនគរបាលបានឱ្យដឹងថា ក្មេងស្រីរងគ្រោះប្រាប់ថាជនសង្ស័យបាននាំទៅលេងផ្សារដើមគរ ក៏បន្តទៅលេងកោះពេជ្រ ហើយជននោះក៏ធ្វើសកម្មភាពរំលោភដោយប្រើដៃលូកចូលប្រដាប់ភេទ ។ ចំណែកជនសង្ស័យបានសារភាថា ខ្លួនពិតជាបានរំលោភដោយប្រើម្រាមដៃលូកចូលលេងប្រដាប់ភេទក្មេងពិតប្រាកដមែន។ ក្រោយស្តាប់ចម្លើយសារភាពរួច ជនសង្ស័យត្រូវនគរបាលបញ្ជូនទៅកាន់អធិការដ្ឋានខណ្ឌសែនសុខ ដើម្បីចាត់ការតាមច្បាប់៕
ចែករំលែកព័តមាននេះ