ខេត្តកំពង់ឆ្នាំង៖ រថយន្តដឹកជ្រូកធុនធំមួយគ្រឿងបានក្រឡាប់បះជើង និងចាក់សត្វជ្រូកចោលរដូករណែលស្រែកពេញលើផ្លូវជាតិលេខ៥ ដែលហេតុការណ៍នេះកើតឡើង កាលពីវេលាម៉ោង៥ និង៣០នាទីល្ងាច ថ្ងៃទី២៥ មីនា ត្រង់ចន្លោះគីឡូម៉ែត្រលេខ៤៦-៤៧ ចំណុចស្ពានពោធិ៍…
ខេត្តកំពង់ឆ្នាំង៖ រថយន្តដឹកជ្រូកធុនធំមួយគ្រឿងបានក្រឡាប់បះជើង និងចាក់សត្វជ្រូកចោលរដូករណែលស្រែកពេញលើផ្លូវជាតិលេខ៥ ដែលហេតុការណ៍នេះកើតឡើង កាលពីវេលាម៉ោង៥ និង៣០នាទីល្ងាច ថ្ងៃទី២៥ មីនា ត្រង់ចន្លោះគីឡូម៉ែត្រលេខ៤៦-៤៧ ចំណុចស្ពានពោធិ៍ ឃុំសេដ្ឋី ស្រុកសាមគ្គីមានជ័យ ចំពោះមូលហេតុកំពុងសង្ស័យបណ្តាលមកពីដឹកធ្ងន់និងខ្ពស់ពេក ។
សមត្ថកិច្ចនៅកន្លែងកើតហេតុឱ្យដឹងថា នៅមុនពេលកើតហេតុ រថយន្តធុនធំខាងលើមានដឹកជ្រូកធ្ងន់និងខ្ពស់ពេក ។ លុះមកដល់កន្លែងកើតហេតុ ដោយសារតែថ្នល់ផ្អៀងម្ខាង ធ្វើឱ្យរថយន្តដឹកជ្រូកខាងលើ ក្រឡាប់ផ្ងាជើងមកខាងស្តាំដៃ ចាក់ជ្រួកចូលពេញផ្លូវតែម្តង ។
សមត្ថកិច្ចបានបញ្ជាក់ទៀតថា រថយន្តដឹកជ្រូកម៉ាកហ៊ីយ៉ាន់ដាយ ពណ៌.ស-ខ្មៅ ពាក់ស្លាកលេខកំពង់ចាម 4A.0057 ។ ក្នុងហេតុការណ៍នេះ មិនមានមនុស្សត្រូវរងគ្រោះថ្នាក់ទេ ប៉ុន្តែមានជ្រូកខ្លះបានងាប់ ហើយជ្រូកទាំងអស់ ត្រូវម្ចាស់យករថយន្តមកស្ទួច សាងដាក់រថយន្តផ្សេងទៀត ដើម្បីបន្តដំណើរទៅមុខទៀត ។
គួរកត់សម្គាល់ ជារៀងរាល់ថ្ងៃ មានជ្រូកក្រហម ឬហៅថា ជ្រូកថៃ បាននាំចូលពីប្រទេសថៃ យកមកចែកចាយក្នុងស្រុកដោយបន្លំថា ជាជ្រូកក្នុងស្រុកចិញ្ចឹមនៅកសិដ្ឋាន តែធាតុពិត គឺជាជ្រូកនាំចូលមកពីប្រទេសថៃតាមច្រករបៀងសោះ ។
ចែករំលែកព័តមាននេះ