រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ទៅកាន់អាជ្ញាធរគ្រប់ជាន់ថ្នាក់ទាំងអស់ ត្រូវជួយសម្រួលការងារដល់អ្នកដែលទទួលសិទ្ធនយោបាយដែលមានបំណងចង់ជួបអ្នកគាំទ្រខ្លួន ។ សម្តេចតេជោហ៊ុន សែន…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ទៅកាន់អាជ្ញាធរគ្រប់ជាន់ថ្នាក់ទាំងអស់ ត្រូវជួយសម្រួលការងារដល់អ្នកដែលទទួលសិទ្ធនយោបាយដែលមានបំណងចង់ជួបអ្នកគាំទ្រខ្លួន ។ សម្តេចតេជោហ៊ុន សែន នាយករដ្ឋមន្ត្រីបានលើកឡើងក្នុងពិធីប្រគល់សញ្ញាបត្រដល់និស្សិតបញ្ចប់ការសិក្សារបស់សាកលវិទ្យាល័យភ្នំពេញអន្តរជាតិ (PPIU) នាព្រឹកថ្ងៃទី២៥ ខែមីនានេះថា កាលពីពេលថ្មីៗកន្លងមកនេះ គេថា ខ្ញុំទិញ និងបំបែកបាក់បំបាក់ផ្ទៃក្នុងគេ ។ ហើយព្រះករុណាខ្ញុំក៏បានប្រាប់ថា បើអ្នកឯងធ្វើជាមេដឹកនាំហើយ អ្នកឯងបែក គឺអ្នកឯងអន់បំផុតហើយ ។
សម្តេចបញ្ជាក់ខ្ញុំបានផ្ញើសាររួចហើយព្រោះធ្វើមេដឹកនាំគេ បើទុកឲ្យគណបក្សនយោបាយខ្លួន ឬទុកឲ្យអង្កការចាត់តាំងរបស់ខ្លូនឲ្យគេបំបែកបាននោះ មេដឹកនាំអន់បំផុតហើយ ។ ប្តីប្រពន្ធពីរនាក់បើទុកឲ្យគេបំបែកបាន គឺអន់បំផុតហើយប្តីប្រពន្ធនឹង ។ មិនចាំបាច់អ្នកក្រៅទេ សូម្បីម្តាយក្មេងបងថ្លៃឪពុក្មេក ប្អូនថ្លែបំបែក ហើយ ស្រេចតែយើងមិនបែកមានន័យយើងខ្លាំង ។ អីញ្ចឹងចាប់ពីពេលនេះឲ្យតែថា ហ៊ុន សែន ឬគណបក្សប្រជាជនបំបែកគេអ្នកនោះ គឺជាអ្នកអន់ ។ សម្តេចក៏បានស្នើសុំឲ្យអាជ្ញាធរគ្រប់លំដាប់ថ្នាក់ធ្វើការបែងចែកឲ្យច្បាស់អំពីអ្វីដែលទទួលបាននីតិសម្បទាខាងនយោបាយ និងអ្នកដែលមិនទាន់ទទួលបាននីតិសម្បទាខាងនយោបាយ ។
អ្នកដែលទទួលបាននីតិសម្បទាខាងនយោបាយហើយត្រូវតែមានសិទ្ធិធ្វើនយោបាយពេញលេញ តែបើសុំសិទ្ធិធ្វើនយោបាយហើយបែរជារាំងស្ងាត់មិនឲ្យធ្វើនយោបាយ អីញ្ចឹងចាំបាច់សុំសិទ្ធិមកធ្វើអី អាហ្នឹងវាមិនត្រូវ ដូច្នេះយើងមានគណបក្សច្រើនណាស់ ដែលកំពុងធ្វើសកម្មភាពនៅក្នុងប្រទេសយើង ហើយខ្ញុំមានការលើកទឹកចិត្ត ។ ដោយឃើញគណបក្សនយោបាយមួយចំនួនបានចុះឈ្មោះបោះឆ្នោតព្រឹទ្ធសភា ហើយគណបក្សនយោបាយមួយចំនួនបានត្រៀមពីឥឡូវសម្រាប់ការបោះឆ្នោតឃុំសង្កាត់សម្រាប់ ឆ្នាំ២០២២ ។
សម្តេចបន្តថា ទាំងគណបក្សនយោបាយដែលចូលរូមក្នុងឧត្តមក្រុមប្រឹក្សាពិគ្រោះ និងផ្តល់យោបល់ទាំងគណបក្សដែលមិនចូលរួម គឺសុទ្ធតែត្រៀមខ្លួនតាំងឥឡូវ ដើម្បីបោះឆ្នោតឆ្នាំ២០២២ ប៉ុន្តែយើងត្រូវដឹងថាមានគណបក្សនយោបាយមួយត្រូវរំលាយ (គណបក្សសង្គ្រោះជាតិ) ហើយមានមនុស្សមួយចំនួន១១៨នាក់បានត្រូវហាមឃាត់សិទ្ធិនយោបាយរយៈពេល៥ ឆ្នាំ ។ តែយើងបានធ្វើវិសោធនកម្មច្បាប់គណបក្សនយោបាយ ដើម្បីបើកច្រកឲ្យគេសុំសិទ្ធិធ្វើនយោបាយវិញតាមរយៈរដ្ឋមន្ត្រីក្រសួងមហាផ្ទៃ ហើយមកនាយករដ្ឋមន្ត្រី ដើម្បីថ្វាយព្រះមហាក្សត្រព្រះរាជទាននីតិសម្បទាសិទ្ធិធ្វើនយោបាយឡើយវិញ ។
សម្តេចក៏បានស្នើឲ្យអាជ្ញាធរទាំងអស់ធ្វើយ៉ាងណាសម្រួលដល់អ្នកដែលសុំសិទ្ធិនយោបាយឡើងវិញឲ្យបានធ្វើសកម្មភាពនយោបាយពិតប្រាកដតាមរយៈការជួបជុំអ្នកគាំទ្រ ឬតាមមធ្យោបាយផ្សេងទៀត ឧទារហណ៍ ការជួលបណ្តាញផ្សព្វផ្សាយ ឬបង្កើតបណ្តាញផ្សព្វផ្សាយដោយខ្លួនជាអនឡាញ ហ្វេសប៊ុក…នេះជារឿងបានសិទ្ធិនយោបាយ ។ ជាមួយគ្នានោះដែរសម្តេចក៏បានលើកពីការសុំសិទ្ធិនយោបាយរបស់លោក រៀល ខេមរិន្ទ្រ ផងដែរ ថា លោកមកដល់ស្រុកខ្មែរមិនចាញ់បោកមិនលក់ក្បាលលក់អន្ទុយនោះទេ សម្តេចតេជោ សែន ធ្លាប់បានប្រកាសហើយថា មិនត្រូវការទិញក្បាលខ្ញុំយកទៅធ្វើអីនោះទេ ព្រោះធនធានមនុស្សCPP មានគ្រប់គ្រាន់ហើយ ហើយក្បាលខ្ញុំលក់ដែរ…។
សម្តេចបញ្ជាក់ថា៖«គេមានសិទ្ធិធ្វើនយោបាយជួបជុំគ្នាចំពោះអ្នកគាំទ្ររបស់ខ្លួន តែសូមបញ្ជាក់ថា គណបក្សមួយដែលស្លាប់ហើយ តែមិនត្រូវធ្វើសកម្មភាពតាមរួបភាពបែបនេះបានទេ ។ ប៉ុន្តែគេអាចជួបអតីតបក្សនេះជារឿងរបស់គេ តែទម្រង់បក្សដែលងាប់ហើយមិនអាចរស់នៅវិញបានទេ » ។ សម្តេចក៏បានលើកឡើងថា អ្នកដែលទទួលសិទ្ធនយោបាយអាចធ្វើសកម្មភាបានគ្រប់ក៏មានសិទ្ធិបង្កើតទូរទស្សន៍តាមអនឡាញ និងជួលប្រព័ន្ធផ្សព្វផ្សាយក្នុងការផ្សាយពីសកម្មភាពនយោបាយខ្លួនបាន ។ ជាមួយគ្នានោះដែលសម្តេចតេជោហ៊ុនសែន ក៏បានបញ្ជាក់ទៅកាន់អ្នកដែលមិនទាន់ បានសុំសិទ្ធិនយោបាយ ថា បើធ្វើសកម្មភាពនយោបាយ នោះ គឺខុសច្បាប់ ហើយត្រូវចាត់ការហើយ ។
សម្តេចបញ្ជាក់ថា«ត្រូវចែកឲ្យពីគ្នា គឺអ្នកទទួលបានសិទ្ធិធ្វើនយោបាយ និងអ្នកមិនបានទទួលសិទ្ធិធ្វើនយោបាយតាមសាលដីការកំពូល គឺមិនទាន់បានសិទ្ធិទេ ។ ហើយបើអ្នកទៅធ្វើឲ្យមានចលនានោះអ្នកនឹងទទួលទោសកាន់តែធ្ងន់ធ្ងរ គឺប្រឆាំងនឹងសាលដីការតុលាការកំពូល» ។ សម្តេចបន្ថែមថា អ្នកដែលមិនសុំនយោបាយអាចនឹងមានសិទ្ធនយោបាយវិញរហូតដល់ឆ្នាំ២០២២ ទើបអាចធ្វើសកម្មភាពនយោបាយឡើងវិញ ។
ចែករំលែកព័តមាននេះ