រាជធានីភ្នំពេញ ៖ កម្លាំងនគរបាលខណ្ឌមានជ័យដឹកនាំដោយលោក ម៉េង វិមានតារា អធិការនគរបាលខណ្ឌមានជ័យ បានឆ្មក់បង្ក្រាបគ្រឿងញៀន ចាប់ខ្លួនមេខ្លោងចែកចាយបានម្នាក់ និងដកហូតគ្រឿងញៀនចំនួន៤៥កញ្ចប់ ក្នុងនោះមាន១កញ្ចប់ធំ នៅតំបន់សំណង់មិនរៀបរយ ។ ប្រតិបត្តិការចុះបង្ក្រាបនេះបានធ្វើឡើងកាលពីវេលាម៉ោង៧យប់ថ្ងៃទី២៤ ខែមិនា ឆ្នាំ២០១៩ ចំណុចតំបន់មិនរៀបរយ ផ្លូវ៦០ម៉ែត្រ ផ្ទះគ្មានលេខ ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ ។
ជនសង្ស័យម្នាក់ខាងលើ សមត្ថកិច្ចមិនទាន់អោយស្គាល់អត្តសញ្ញាណនៅឡើយទេ ហើយសមត្ថកិច្ច បានដកហូតវត្ថុតាងរួមមានថ្នាំក្រាមពណ៌ស ថ្លាចំនួន៤៥កញ្ចប់ ក្នុងនោះមានថង់ធំមួយកញ្ចប់ ។
បើតាមសម្តីសមត្ថកិច្ចនៃអធិការដ្ឋានខណ្ឌមានជ័យបានអោយដឹងថា ករណីឆ្មក់ចូលបង្ក្រាបនៅតំបន់មិនរៀបរយខាងលើ គឺមានការដឹកនាំផ្ទាល់ដោយលោកម៉េង វិមានតារា អធិការខណ្ឌមានជ័យ ដោយលើកបានយកចិត្តទុកដាក់ និងបានអោយកម្លាំងសមត្ថកិច្ចក្រោម ឱវាទចូលរួមបង្ក្រាបអោយអស់នៅករណីជួញដូរ និងប្រើប្រាស់គ្រឿងញៀននៅក្នុងមូលដ្ឋានរបស់ខ្លួន ។
ប្រភពដដែលបានបន្តថា ជាក់ស្ដែងនៅថ្ងៃនេះផ្ទាល់ កម្លាំងសមត្ថកិច្ច ខណ្ឌមានជ័យ ដោយដឹកនាំដោយ លោក ម៉េងវិមានតារា អធិការដ្ឋានខណ្ឌមានជ័យ បានដឹកនាំកម្លាំង ឆ្មក់ចូល ផ្ទះអត់លេខ នៅតំបន់មិនរៀបរយ ក៏ឃាត់ខ្លួនបុរសជាជនសង្ស័យម្នាក់ និងធ្វើការឆែកឆេរ ជាក់ស្ដែង កម្លាំងសមត្ថកិច្ចក៏បានរកឃើញថ្នាំប្រភេទក្រាមពណ៌សថ្លា ចំនួន៤៥កញ្ចប់ ក្នុងនោះមានថង់ធំមួយកញ្ចប់ ដែលសង្ស័យជាសារធាតុញៀន ក៍បាននាំខ្លួនជនសង្ស័យរូបនោះយកសាកសួរនៅប៉ុស្តិ៍នគរបាលចាក់អង្រែលើតែម្តង ។
ក្រោយពេលកើតហេតុ ជនសង្ស័យត្រូវបានសមត្ថកិច្ចឃាត់ខ្លួន និងឃុំខ្លួនជាបណ្តោះអាសន្នដើម្បីកសាងសំណុំរឿងបញ្ជួនខ្លួនទៅតុលាការ ៕
ចែករំលែកព័តមាននេះ