ខេត្តមណ្ឌលគិរី ៖ ប្រជាពលរដ្ឋរស់នៅក្រុងសែនមនោរម្យ កំពុងព្រួយបារម្ភខ្លាំងពីការខ្វះខាតទឹកស្អាតប្រើប្រាស់ប្រចាំថ្ងៃ ខណៈប្រភពទឹកដ៏សំខាន់សម្រាប់ផ្គត់ផ្គង់ក្នុងក្រុងត្រូវគេមើលឃើញថា ទឹកបានស្រកចុះជារៀងរាល់ថ្ងៃ តែត្រូវបានមន្ត្រីជំនាញអះអាងថា សូមប្រជាពលរដ្ឋកុំមានការព្រួយបារម្ភទឹកនឹងមានផ្តល់ជូនគ្រប់គ្រាន់ ។ បើតាមលោក…
ខេត្តមណ្ឌលគិរី ៖ ប្រជាពលរដ្ឋរស់នៅក្រុងសែនមនោរម្យ កំពុងព្រួយបារម្ភខ្លាំងពីការខ្វះខាតទឹកស្អាតប្រើប្រាស់ប្រចាំថ្ងៃ ខណៈប្រភពទឹកដ៏សំខាន់សម្រាប់ផ្គត់ផ្គង់ក្នុងក្រុងត្រូវគេមើលឃើញថា ទឹកបានស្រកចុះជារៀងរាល់ថ្ងៃ តែត្រូវបានមន្ត្រីជំនាញអះអាងថា សូមប្រជាពលរដ្ឋកុំមានការព្រួយបារម្ភទឹកនឹងមានផ្តល់ជូនគ្រប់គ្រាន់ ។
បើតាមលោក សុណ្ណា រិទ្ឋ ប្រធានរដ្ឋាករទឹកខេត្តមណ្ឌលគិរីបានឱ្យដឹងថា «នៅខេត្តយើងមិនទាន់មានបញ្ហាខ្វះទឹកទេ ដោយសារការប្រើប្រាស់នៅមានកម្រិតតិចតួចនៅឡើយ មិនទាន់ប្រឈមទេ»។ប្រធានរដ្ឋាករទឹកបន្តថា «សព្វថ្ងៃក្រុងសែននោរម្យ មានប្រភពទឹកតែមួយគត់ សម្រាប់ផ្គត់ផ្គង់គឺទឹកទំនប់លើនិងទំនប់ក្រោម ។ ហើយបច្ចុប្បន្ន អង្គភាពទឹកស្អាតក្រុងសែមនោរម្យមានអតិថិជនទទួលសេវាទឹកស្អាតចំនួន ១.១៦០គ្រួសារ ស្មើ៩ភូមិ និង៣សង្កាត់» ។
លោកបញ្ជាក់ដែរថា ក្នុងករណីប្រភពដែលកំពុងផ្គត់ផ្គង់ទឹកនៅក្រុងសែមនោរម្យត្រូវរីងស្ងួត អង្គភាពទឹកស្អាត បានត្រៀមប្រភពទឹកពីរកន្លែងបន្ថែមទៀត ដែលនៅជាយក្រុង ដើម្បីបញ្ចៀសពីបញ្ហាខ្វះខាត
ទឹក ។ ប្រភពទឹកដែលត្រៀម សម្រាប់បន្តផ្គត់ផ្គង់ដល់អ្នករស់នៅក្រុងសែននោមរម្យ ទី១-គឺអូរបម្លែង មានចម្ងាយពីប្រភពទឹកចាស់ជាង៣គីឡូម៉ែត្រ ចំណែកប្រភពទឹកទី២ គឺទឹកអូរទេរ ដែលមានប្រភពទឹកធំ តែមានចម្ងាយពីប្រភពទឹកចាស់៩គីឡូម៉ែត្រ»។
ថ្វីដ្បិតក្រុងសែនមនោរម្យមានប្រភពទឹកសម្រាប់ផ្គត់ផ្គង់គ្រប់គ្រាន់ក៏ដោយលោក សុណ្ណា រិទ្ឋ បានសំណូមពរដល់ប្រជាពលរដ្ឋចូលរួមប្រើប្រាស់ទឹក ដោយសន្សំសំចៃព្រោះឆ្នាំនេះប្រទេសកម្ពុជានឹងមានគ្រោះរាំងស្ងួតអូសបន្លាយរយៈពេលយូរ ។
ចែករំលែកព័តមាននេះ