ខេត្តរតនគីរី ៖ បុរសម្នាក់អោយតែផឹកស្រាស្រវឹងម្ដងៗតែងតែចង់ធ្វើអត្តឃាតខ្លួនឯងច្រើនដងមកហើយ លុះលើកចុងក្រោយបានយកកាំបិតចិតបន្លែចាក់ខ្លួនឯងចំនួន២កាំបិតចំ.ពោះ បណ្តាលឱ្យរងរបួសយ៉ាងធ្ងន់ធ្ងរ ដែលហេតុការណ៍នេះបានកើតឡើងកាលពីវេលាម៉ោង១១និង៣០ព្រឹកថ្ងៃទី២៤ មីនា ស្ថិតនៅភូមិតាង៉ា ឃុំញ៉ាង ស្រុកអណ្ដូងមាស…
ខេត្តរតនគីរី ៖ បុរសម្នាក់អោយតែផឹកស្រាស្រវឹងម្ដងៗតែងតែចង់ធ្វើអត្តឃាតខ្លួនឯងច្រើនដងមកហើយ លុះលើកចុងក្រោយបានយកកាំបិតចិតបន្លែចាក់ខ្លួនឯងចំនួន២កាំបិតចំ.ពោះ បណ្តាលឱ្យរងរបួសយ៉ាងធ្ងន់ធ្ងរ ដែលហេតុការណ៍នេះបានកើតឡើងកាលពីវេលាម៉ោង១១និង៣០ព្រឹកថ្ងៃទី២៤ មីនា ស្ថិតនៅភូមិតាង៉ា ឃុំញ៉ាង ស្រុកអណ្ដូងមាស ។
ជនរងគ្រោះខាងលើឈ្មោះសល់ ទិញ ភេទប្រុស អាយុ២២ឆ្នាំ ជាជនដើមភាគតិចច្រាយ មុខរបកសិករ រស់នៅភូមិឃុំកើតហេតុខាងលើ ។
បើតាមប្រភពពីប្រជាពលរដ្ឋរស់នៅភូមិជាមួយជនរងគ្រោះជាច្រើនគ្រួសារបាននិយាយប្រាប់សមត្ថកិច្ចថា អោយតែជនរងគ្រោះផឹកស្រាស្រវឹងពេលណាក៏តែងតែចង់ធ្វើអត្តឃាតខ្លួនឯងមិនក្រោមជិត១០ដងរួចមកហើយ តែត្រូវបងប្អូនសាច់ញាតិនាំគ្នាជួយឃាត់ទុករហូតដល់ស្វាងស្រាក៏ឈប់ ។
ប្រភពដដែលបានបន្តថា ទើបតែចុងក្រោយនេះជនរងគ្រោះរួមទាំងអ្នកភូមិ៣ទៅ៤នាក់បាននាំគ្នាផឹកស្រា.ស អស់ចំនួនជាង២លីត្រ រហូតជនរងគ្រោះស្រវឹងអង្គុយរអ៊ូតែម្នាក់ឯងថា «មិនចង់រស់នៅលើលោកនេះទៀតទេ ចង់តែស្លាប់» ។ ក្រោយមកទៀត ជនរងគ្រោះបានលួចដើរចូលទៅរោងបាយយកកូនកាំបិតចិតបន្លែចាក់ខ្លួនឯងចំ.ពោះចំនួន២កាំបិតប្រកាច់ពេញរោងបាយស្រែកហៅអោយបងប្អូនជួយ។
ប្រភពដដែលបានបន្តទៀតថា ជនរងគ្រោះមានប្រពន្ធ និងកូនពីនាក់រួចហើយ និងជាមនុស្សគ្រប់ទឹកត្រឹមត្រូវមានចរិតស្លូតបូតណាស់មិនដែលរករឿងអ្វីដល់អ្នកភូមិម្ដងណាឡើយ ។
ក្រោយពីកើតហេតុ សមត្ថកិច្ចប៉ូលិសបានចុះទៅដល់កន្លែងផ្ទះជនរងគ្រោះដើម្បីធ្វើការត្រួតពិនិត្យស្នាមរបួសផងដែរ ជាលទ្ធផលរកឃើញថា ជនរងគ្រោះពិតជាបានយកកូនកាំបិតចិតបន្លែចុងស្រួចចាក់ខ្លួនឯងចំនួន២កាំបិតពិតប្រាកដមែន បណ្ដាលអោយរងរបួសធ្ងន់ បច្ចុប្បន្នជនរងគ្រោះកំពុងសំរាកព្យាបាលនៅមណ្ឌលសុខភាពឃុំញ៉ាង និងបានរួចផុតពីសេចក្ដីស្លាប់ហើយ ។
សមត្ថកិច្ចបានបញ្ជាក់ថា មូលហេតុដែលជនរងគ្រោះចាក់ខ្លួនឯងបែបនេះគឺបណ្ដាលមកពីផឹកស្រាស្រវឹង ៕
ចែករំលែកព័តមាននេះ