ខេត្តកំពង់ឆ្នាំង ៖ ភរិយារបស់បុរសអ្នកបើកបរគោយន្តកែច្នៃសម្រាប់ប្រើកិនស្រូវតាមភូមិ រួមនិងសាក្សីជាច្រើននាក់ផងដែរ កាលពីល្ងាចថ្ងៃទី២៣ មីនា នាំគ្នាមកជួបជាមួយក្រុមអ្នកសារព័ត៌មានឱ្យជួយផ្សព្វផ្សាយនូវភាពអយុត្តិធម៌ ។ ការដែលមកសុំខាងអ្នកសារព័ត៌មាន គឺដើម្បីឱ្យបានដឹងដល់ថ្នាក់ដឹកនាំ…
ខេត្តកំពង់ឆ្នាំង ៖ ភរិយារបស់បុរសអ្នកបើកបរគោយន្តកែច្នៃសម្រាប់ប្រើកិនស្រូវតាមភូមិ រួមនិងសាក្សី
ជាច្រើននាក់ផងដែរ កាលពីល្ងាចថ្ងៃទី២៣ មីនា នាំគ្នាមកជួបជាមួយក្រុមអ្នកសារព័ត៌មានឱ្យជួយផ្សព្វផ្សាយនូវភាពអយុត្តិធម៌ ។ ការដែលមកសុំខាងអ្នកសារព័ត៌មាន គឺដើម្បីឱ្យបានដឹងដល់ថ្នាក់ដឹកនាំ តុលាការ និងក្រសួងពាក់ព័ន្ធ ដើម្បីស្រាវជ្រាវស៊ើបអង្កេតលើករណីគ្រោះថ្នាក់ចរាចរណ៍រវាងម៉ូតូនិងគោយន្តកែច្នៃ ខណៈដែលស្ត្រីម៉ូតូបានរេចង្កូតទៅបុកគោយន្តកែឆ្នៃរបួសបាក់ជើង ទារសំណង៦ពាន់ដុល្លារឯណោះ តែភាគីគោយន្តមិនមានលទ្ធភាព ក៏ត្រូវតុលាការឃុំខ្លួនដាក់ពន្ធនាគារ ។
ស្ត្រីឈ្មោះប៉ិល ដានី អាយុ៣៧ឆ្នាំ ជាភរិយារបស់ឈ្មោះ ហេង សារ៉ុន អាយុ៤២ ឆ្នាំ ជាអ្នកបើកគោយន្ត បានរៀបរាប់ថា គ្រួសារគាត់មានទីលំនៅខេត្តត្បូងឃ្មុំ ប៉ុន្តែគ្រួសារគាត់បានមកជួលផ្ទះគេស្នាក់នៅក្នុងភូមិប្រាំបីឆោម ឃុំពង្រ ស្រុករលាប្អៀរ ខេត្តកំពង់ឆ្នាំង ដោយប្រកបរបរ បើកគោយន្តកែឆ្នៃ សម្រាប់កិនស្រូវ ចល័តតាមភូមិ ។ នៅថ្ងៃកើតហេតុ វេលាម៉ោង៦និង៣០នាទីព្រឹក ថ្ងៃទី២០ មីនា ខណៈប្តីគាត់កំពង់បើកគោយន្ត មកដល់ចំណុចមុខសាលាបឋមសិក្សាព្រះទ្វារ ស្ថិតក្នុងភូមិប្រាំបីឆោម ឃុំពង្រ ស្រុករលាប្អៀរ ស្រាប់តែមានស្ត្រីម្នាក់ជិះម៉ូតូក្នុងដំណើរបញ្ច្រាសទិសជាមួយគោយន្តប្តីគាត់ ហើយបានរេចង្កូត មកបុកគោយន្តប្តីគាត់ទៀត ខណៈដែលប្តីគាត់ព្យាយាមគេចធ្លាក់ពីថ្នល់ជាតិមកលើគ្រោះក្រហមទៅហើយ ។
ក្រោយពេលកើតហេតុ ស្ត្រីរងគ្រោះរងរបួសបាក់ជើង ហើយបានទារសំណង៦ពាន់ដុល្លារ ពេលគាត់គ្មានប្រាក់សង ត្រូវបានតុលាការ ឃុំខ្លួនប្តីគាត់ដាក់ពន្ឋនាគារយ៉ាងអយុត្តធម៌ ។ ជុំករណីគ្រោះថ្នាក់ចរាចរណ៍ខាងលើ បុរសម្នាក់ដែលជាសាក្សីនៅកន្លែងកើតហេតុបានអោយដឹងថា មុនពេលកើតហេតុ គាត់កំពុងបើកម៉ូតូ ស្រាប់តែឃើញស្ត្រីរងគ្រោះជិៈម៉ូតូមានដឹកកញ្ឆេពីក្រោយ និងមាន វ៉ាន់ខ្លះភ្ជួរនៅពីមុខម៉ូតូ ហើយបានបើកម៉ូតូវ៉ាម៉ូតូគាត់ ក្នុងទិសស្របគ្នា ពេលបើកវ៉ាផុត បានបន្តិច គាត់ឃើញស្ត្រីរូបនោះ អោនដោយដៃឆ្វេង ឈោងយករបស់អ្វីមួយ ពេលនោះ ម៉ូតូក៍បានរ៉េចង្កូត ទៅឆ្វេងដៃដែរ ហើយក៍បានទៅបុក គោយន្ត ក្នុងទិសច្រាស់គ្នាតែម្តង ខណៈអ្នកបើកគោយន្ត ឃើញសភាពមិនស្រួលខំគេចធ្លាក់មកលើថ្នល់គ្រួសក្រហមទៅហើយ ។
ស្ត្រីសាក្សីម្នាក់ទៀត បានបំភ្លឺប្រាប់អ្នកសារព័ត៌មានថា៖ ពេលគាត់ទៅដល់ ឃើញស្ត្រីរងគ្រោះរងរបួសបាក់ជើង ហើយគាត់ក៍បានជួយលើក ស្ត្រីរងគ្រោះដែរ ពេលនោះគាត់បានឃើញស្ត្រីរងគ្រោះ សួររក អ្នកបើកគោយន្ត ហើយអ្នកគោយន្ត ដែលកំពុងជួយស្ត្រីរងគ្រោះនោះដែរ បានឆ្លើយថា៖ ខ្ញុំនៅនឹងទេ អ៊ី ខ្ញុំមិនរត់ទៅណាទេ ! បន្ទាប់មក ស្ត្រីរងគ្រោះ បន្ទោសអ្នក បើកគោយន្តថា៖ បើឃើញគាត់បើកមកហើយ ម៉េចមិនគេចផង តែអ្នកបើកគោយន្តថាៈ ខ្ញុំខំគេចធ្លាក់ថ្នល់ក្រហមហើយ តែនៅតែគេចមិនផុត ។
ជុំវិញករណីនេះ ភ្នាក់ងារកោះសន្តិភាពប្រចាំខេត្តកំពង់ឆ្នាំង បានសួរទៅលោក ឈឹម សារុន នាយការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តកំពង់ឆ្នាំងបានឆ្លើយថា «តាមការវាស់វែងរបស់មន្ត្រីជំនាញបញ្ជាក់ថា ស្ត្រីអ្នកបើកម៉ូតូបានបើកម៉ូតូឆ្លងថ្នល់ជាតិផុត ដល់ថ្នល់ក្រួសក្រហមទៅហើយ ត្រូវគោយន្តទៅបុក ។ ប៉ុន្តែលោកថា បើមានសាក្សីមែន លោកនឹងស្រាវជ្រាវរឿងនេះឡើងវិញ ដើម្បីឱ្យមានយុត្តិធម៌ទាំងសងខាង» ។
យ៉ាងនេះ ក្តីជុំវិញបញ្ហានេះ ទុកឱ្យសមត្ថកិច្ចបន្តនីតិវិធីរបស់ខ្លួន ដើម្បីរកយុត្តិធម៍ទាំងសងខាងចុះ ប៉ុន្តែការឃុំខ្លួនរបស់បុរសអ្នកបើកគោយន្ត ពិតជាធ្វើអោយជីវភាពគ្រួសារនេះ កាន់តែយ៉ាប់យ៉ឺនមែនទែន សូម្បីតែប្រាក់ជួលរ៉ឺម៉កម៉ូតូ តុតុ មកជួបអ្នកសារព័ត៌មានចំនួន៣ម៉ឺនរៀល ក៏ត្រូវប្រជាពលរដ្ឋ ជិតខាងអាណិតជួយចេញអោយដែរ ហើយអ្វីដែលចាប់អារម្មណ៍ទៀតនោះ ក្រោយពីកិច្ចសម្ភាសន៍ចប់ អ្នកសារព៍ត៌មានបានរ៉ៃលុយគ្នាបានប្រមាណ១០ម៉ឺនរៀលឱ្យស្ត្រីជាភរិយា អ្នកបើកគោយន្តធ្វើសោហុយទៅផ្ទះវិញ ។
ចែករំលែកព័តមាននេះ