សន្ទះព្រហ្មចារីរបស់មនុស្សស្រីត្រូវគេយល់ថា កាលណាស្ត្រីរួមភេទជាលើកដំបូង វានឹងបណ្តាលឲ្យសន្ទះមួយនេះរហែក និងចេញឈាម ហើយកាលណារហែកបែបនេះ គឺស្ត្រីម្នាក់នោះអស់បរិសុទ្ធហើយ ។ទោះបីជាយ៉ាងណាក៏ដោយ វាគ្រាន់តែជាជំនឿមួយដែលមិនត្រឹមត្រូវប៉ុណ្ណោះ ប៉ុន្តែវាក៏មានរឿងពិតមួយចំនួនអំពីសន្ទះព្រហ្មចារីនេះផងដែរ ។…
សន្ទះព្រហ្មចារីរបស់មនុស្សស្រីត្រូវគេយល់ថា កាលណាស្ត្រីរួមភេទជាលើកដំបូង វានឹងបណ្តាលឲ្យសន្ទះមួយនេះរហែក និងចេញឈាម ហើយកាលណារហែកបែបនេះ គឺស្ត្រីម្នាក់នោះអស់បរិសុទ្ធហើយ ។ទោះបីជាយ៉ាងណាក៏ដោយ វាគ្រាន់តែជាជំនឿមួយដែលមិនត្រឹមត្រូវប៉ុណ្ណោះ ប៉ុន្តែវាក៏មានរឿងពិតមួយចំនួនអំពីសន្ទះព្រហ្មចារីនេះផងដែរ ។
សន្ទះព្រហ្មចារីដែលមិនធ្លាយឬធ្លុះ គឺជាជំងឺ ៖ ការដែលសន្ទះព្រហ្មចារីមិនធ្លុះទេ ជាពិសេសវាមិនអាចផ្តល់ជាផ្លូវដើម្បីបង្ហូរឈាមរដូវបាន ត្រូវបានអ្នកវិទ្យាសាស្ត្រយល់ថា វាគឺជាជំងឺ ហើយក៏ត្រូវការឲ្យគ្រូពេទ្យវះកាត់ដើម្បីបង្កើតជារន្ធរបស់វា។
សន្ទះព្រហ្មចារីមិនអាចគ្របពីលើទ្វារមាសជិតនោះទេ ៖ សន្ទះព្រហ្មចារីគ្រាន់តែជាជាលិកាស្តើងមួយប៉ុណ្ណោះដែលស្ថិតនៅបាតនៃច្រកចូលរបស់ទ្វារមាសប៉ុណ្ណោះ។
សន្ទះព្រហ្មចារីមានទំហំ ខុសៗគ្នា ៖ វាពិតជាមិនអីនោះទេបើសិនជាអ្នកយល់ថា អ្នកមិនអាចរកឃើញសន្ទះព្រហ្មចារីខ្លួនឯងដោយសារតែ វាមានទំហំខុសៗគ្នា។ ដូច្នេះបើសិនជាអ្នកមិនអាចរកឃើញទេ សន្ទះព្រហ្មចារីនោះអាចនឹងតូចខ្លាំងណាស់ហើយ។
សន្ទះព្រហ្មចារីអាចនឹងរហែកដោយសារតែសកម្មភាពរាងកាយជាច្រើន ៖ អ្នកទំនងជាធ្លាប់លឺគេនិយាយហើយថា មនុស្សស្រីដែលនៅបរិសុទ្ធដឹងតែរួមភេទដំបូងធ្វើឲ្យហូរឈាម ព្រោះតែដាច់រហែកសន្ទះព្រហ្មចារីនេះ។ ប៉ុន្តែរឿងនេះមិនមែនជាការណ៍ពិតនោះទេ ដោយសារតែការរហែកសន្ទះមួយនេះអាចកើតឡើងដោយសារហេតុផលផ្សេងដែរ ដូចជា ការហាត់ប្រាណខ្លាំង ជិះកង់ និងឲ្យគ្រូពេទ្យពិនិត្យនៅក្នុងអាងត្រគាក ។
អ្នកនឹងមិនអាចដឹងថា សន្ទះព្រហ្មចារីខ្លួនឯងរហែក ឬអត់ទេ ៖ អ្នកប្រហែលជាដឹងថា ពេលណាដែលសន្ទះព្រហ្មចារីរហែកក្នុងពេលរួមភេទ ដោយសារតែមានការហូរឈាម ជាពិសេសនៅពេលដៃគូប្រើវិធីរួមភេទដោយកម្រោលពេក ។ ប៉ុន្តែបើសិនជាវារហែកក្នុងពេលហាត់ប្រាណ អ្នកនឹងមិនអាចដឹងឡើយ។ អ្នកគ្រាន់តែអាចសម្គាល់ឃើញថាមានចំណុច ឬប្រលាក់តិចតួចប៉ុណ្ណោះ ប៉ុន្តែអាចគិតថា វាគឺជាឈាមរដូវវិញ។
អ្នកមានផ្ទៃពោះក៏អាចមានសន្ទះព្រហ្មចារីជាប់ល្អដែរ ៖ សន្ទះព្រហ្មចារីអាចនឹងមិនរហែកទេ ហើយអ្នកក៏នៅតែអាចមានផ្ទៃពោះដដែល ព្រោះសន្ទះព្រហ្មចារីដែលគ្មានការខូចខាតនៅតែអាចអនុញ្ញាតឲ្យទឹករំអិលចេញចូលបានដែរ។ ដូច្នេះមេជីវិតឈ្មោលនៅតែអាចធ្វើដំណើរទៅរកមេជីវិតញីដដែល(ប្រភពពី៖ Health.com.kh) ៕
ចែករំលែកព័តមាននេះ