រាជធានីភ្នំពេញ ៖ ការប្រកួតនៅលើសង្វៀនទូរទស្សន៍អាស៊ីអាគ្នេយ៍កាលពីថ្ងៃទី២៤ មីនា មុននេះ កីឡាករល្បីល្បាញ បង្គោលក្រហម មាស សុជាតិ តាមស្មើកីឡាករជើងថ្មីមកពីអីុរ៉ង់មិនចង់បាន…
រាជធានីភ្នំពេញ ៖ ការប្រកួតនៅលើសង្វៀនទូរទស្សន៍អាស៊ីអាគ្នេយ៍កាលពីថ្ងៃទី២៤ មីនា មុននេះ កីឡាករល្បីល្បាញ បង្គោលក្រហម មាស សុជាតិ តាមស្មើកីឡាករជើងថ្មីមកពីអីុរ៉ង់មិនចង់បាន ខណៈដែលលទ្ធផលនេះ អ្នកខ្លះបានទាំងលើកឡើងថា ឱ្យស្មើព្រោះតែគណៈកម្មការឱ្យយោងមុខមាត់នោះផង។
លទ្ធផលដែលបានស្ដែងឡើងលើកនេះ ហាក់ធ្វើឱ្យ មាស សុជាតិ រងនូវការរិះគន់ថា បណ្ដោយខ្លួនឱ្យធ្លាក់ដៃ ប៉ុន្តែក៏ត្រូវអ្នកខ្លះថា បណ្ដាលមកពីជើងថ្មីអីុរ៉ង់ គឺជាកីឡាករល្អដែរប៉ុណ្ណោះ។ គ្មានអ្នកណាមិនស្គាល់នោះទេថា កីឡាករ មាស សុជាតិ គឺជាជើងខ្លាំងម្នាក់ ដែលមានប្រវត្តិវាយផ្ដួលកីឡាករខ្លាំងៗរាប់មិនអស់នៅលើសង្វៀនអន្តរជាតិ ជាពិសេសកីឡាករថៃល្អៗ។ ប៉ុន្តែមួយរយៈចុងក្រោយកីឡាកររូបនេះ ត្រូវគេកត់សម្គាល់ថា បាត់មុខមួយរយៈ ហើយការបង្ហាញខ្លួនលើកក្រោយៗ បែរជារៀងធ្លាក់ដៃជាងមុន។
អ្វីដែលគេកាន់តែខកចិត្តទៀតនោះ គឺគេប្រែប្រួលដល់ថ្នាក់ប្រកួតជាមួយកីឡាករអីុិរ៉ង់ ដែលគ្រាន់ហ្វឹកហាត់ និងឡើងសង្វៀននៅក្នុងប្រទេសថៃមិនបានច្រើនប៉ុន្មាន គឺកីឡាករ Gafari Goloojeh ហើយរកលទ្ធផលឈ្នះមិនឃើញ។ គេបានត្រឹមតែស្មើទាំងវេទនាប៉ុណ្ណោះ បន្ទាប់ពីបានចំណាយពេលប្រកួតពេញ៥ទឹក។ ក្នុងនោះកីឡាករអីុរ៉ង់ មានឱកាសវាយចូលឡើងចាស់ដៃសម្រាប់ការប្រកួតមួយនេះផង។
យ៉ាងណាមិញអ្នកលើកទឹកចិត្តចំពោះលោកក៏បានសរសើរថា កីឡាករអីុរ៉ង់ដ្បិតថា ជើងថ្មីមកពីថៃមែន តែគេក៏ជើងខ្លាំងផងដែរ ទើបកីឡាករ មាស សុជាតិ វាយយកស្មើបានទាំងលំបាកៗ៕
ចែករំលែកព័តមាននេះ