រាជធានីភ្នំពេញ ៖ មានអារម្មណ៍ថា ចាយលុយទៅលើផលិតផលថែរក្សាស្បែកអស់ច្រើនហើយ តែមិនឃើញបានផល ? វាពិបាកបន្តិចសម្រាប់ការស្វែងរកផលិតផលណាមួយឲ្យត្រូវនឹងស្បែក និងបញ្ហាដែលយើងមាន ប៉ុន្តែពេលខ្លះអ្នកប្រហែលត្រូវសួរខ្លួនឯងថា តើអ្នកបានប្រើផលិតផលត្រឹមត្រូវដែរឬទេ?…
រាជធានីភ្នំពេញ ៖ មានអារម្មណ៍ថា ចាយលុយទៅលើផលិតផលថែរក្សាស្បែកអស់ច្រើនហើយ តែមិនឃើញបានផល ? វាពិបាកបន្តិចសម្រាប់ការស្វែងរកផលិតផលណាមួយឲ្យត្រូវនឹងស្បែក និងបញ្ហាដែលយើងមាន ប៉ុន្តែពេលខ្លះអ្នកប្រហែលត្រូវសួរខ្លួនឯងថា តើអ្នកបានប្រើផលិតផលត្រឹមត្រូវដែរឬទេ?
មិនបានលាបក្រែមផ្តល់សំណើមក្រោយពីលាងសម្អាតមុខ ៖
ស្បែករបស់អ្នកងាយនឹងស្ងួតក្រោយពីលាងសម្អាត ដូចេះ្នត្រូវលាបក្រែមផ្តល់សំណើមភ្លាមៗ។ លាបក្រែមផ្តល់សំណើមនឹងថែរក្សាស្បែកអ្នកឲ្យមានជាតិសំណើម និងបំបាត់ភាពស្ងួត ហើយតឹងដែលមានក្រោយពីបានលាងមុខ។
អ្នកធ្វើការជម្រុះស្បែកច្រើនដងពេក ៖
វាពិតជាសំខាន់ណាស់ក្នុងការជម្រុះកោសិការចាស់នៅលើស្បែកប៉ុន្តែកុំធ្វើវាច្រើនដងពេក។ ផលិតផលជម្រុះ ប្រភេទស្ក្រាប់ត្រូវប្រើបន្តិចៗ ព្រោះវាអាចរលាកស្បែកបាន។ គួរប្រើផលិតផលណាដែលស្រាល ប្រសិនបើអ្នកចូលចិត្តជម្រុះកោសិការចាស់ញឹកញាប់ ។
អ្នកលាបផលិតផលស្បែកមិនត្រូវតាមដំណាក់កាល ៖
ប្រសិនបើអ្នកធ្វើនូវជំហាន១០ យ៉ាងដើម្បីថែរក្សាស្បែក នោះត្រូវច្បាស់ថាអ្នកលាបផលិតផលត្រូវតាមដំណាក់កាលរបស់វា ។ គួរចាប់ផ្តើមពីផលិតផលស្រាល ដូចជា ទឹកសម្អាត toner និង សេរ៉ូម និងផលិតផលអង់ទីអុកស៊ីដង់ដូចជា វីតាមីន C ។ បន្ទាប់មកលាបផលិតផលដែលខ្លាំង ដូចជាក្រែមភ្នែក ក្រែមការពារសំណើម និងឡេការពារកម្តៅថ្ងៃ ។
អ្នកភ្លេចប្តូរស្រោមខ្នើយឲ្យបានញឹកញាប់ ៖ ពួកយើងតែងតែផ្លាស់ប្តូរសំលៀកបំពាក់រាល់ថ្ងៃ ប៉ុន្តែយើងជារឿយៗ បានភ្លេចពីកម្រាលខ្នើយកើយរបស់យើញដែលផ្ទុកនូវមេរោគ និងធូលីជាច្រើន។ អ្នកជំនាញខាងស្បែកបានណែនាំឱ្យបោកសម្អាតស្រោមខ្នើយឲ្យបានញឹកញាប់យ៉ាងតិចម្តងក្នុងមួយអាទិត្យ! តើអ្នកបោកស្រោមខ្នើយលើកចុងក្រោយនៅពេលណា?
អ្នកមិនបានញ៉ាំទឹកឲ្យបានគ្រប់គ្រាន់ ៖
ប្រហែល 70% នៃរាងកាយរបស់យើងគឺជាតិទឹក ដែលជាហេតុនាំឲ្យការញ៉ាំទឹកឲ្យបានទៀងទាត់ ពិតជាមានសារៈសំខាន់ណាស់ ។ ត្រូវប្រយ័ត្នចំពោះសញ្ញាបាត់បង់ជាតិទឹក មានដូចជាសភាពស្បែកស្ងួតហើយវានឹងធ្វើឲ្យរន្ធរោមមើលទៅឃើញច្បាស់ជាងមុន។ អ្នកត្រូវពិសារទឹកឲ្យបានយ៉ាងតិចចំនួនពីរលីត្រក្នុងមួយថ្ងៃ ដើម្បីរក្សាជាតិទឹកនៅក្នុងខ្លួន។
តើអ្នកបានយល់ពីចំណេះដឹងអ្វីដែលថ្មីទេ? ចុចទីនេះដើម្បីទៅកាន់ទំព័រហ្វេសប៊ុករបស់យើងនិងស្វែងយល់បន្ថែមពីការព្យាបាលស្នាម និងមុន៕ ដោយសហការ
ចែករំលែកព័តមាននេះ