រាជធានីភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានឱ្យប៉ូលិសមួយរូបដែលជាប់ពាក់ព័ន្ធនឹងបញ្ហាគ្រឿងញៀននៅក្លឹបកម្សាន្ត Rock ចូលខ្លួនតាមសម្រួល ។ មានប្រសាសន៍ក្នុងពិធីបិទសន្និបាតបូកសរុបលទ្ធផលការងារត្រួតពិនិត្យគ្រឿងញៀន ឆ្នាំ២០១៨ លើកទិដៅការងារ២០១៩ កាលពីរសៀលថ្ងៃទី២១ មីនា ឆ្នាំ២០១៩ នៅទីស្តីការក្រសួងសម្ដេចស ខេង ស្នើសមត្ថកិច្ចកុំមានការធ្វេសប្រហែសក្នុងការបង្ក្រាបគ្រឿងញៀនពិសេសនៅកន្លែងដែលមានកាស៊ីណូ និងកន្លែងដែលមានក្លឹបកម្សាន្តត្រូវតែជាគោលដៅដែលត្រូវតែគ្រប់គ្រងក្តាប់ឲ្យបានជាប់ទោះតិច ឬច្រើន គឺមាន ។
សម្តេចបានបញ្ជាក់ថា តិចក៏យើងបង្ក្រាបច្រើនក៏បង្ក្រាបដូចជា នៅកាស៊ីណូបាវិត ប៉ោយប៉ែតនិងអូរស្មាច់ ឬកន្លែងដទៃទៀតដែលមានកាស៊ីណូ ។ គឺវាអាចទៅជាមួយគ្នាហ្នឹងហើយកំសត់ទៀត កន្លែងហ្នឹងហើយ គឺជាគោលដៅដែលចែកចាយ និងប្រើប្រាស់ ដូច្នេះមិនទៅរកកន្លែងណាផ្សេងពីហ្នឹងទេ ។ សម្ដេចក៏ស្នើឲ្យមន្ត្រីសមត្ថកិច្ចស្មោះត្រង់ និងវិជ្ជាជីវៈហើយកុំប៉ះពាល់បញ្ហាគ្រឿងញៀន ។ ជាមួយគ្នានោះដែរសម្តេចក៏បានឱ្យដឹងថា ករណីបង្ក្រាបគ្រឿងញៀននៅក្លឹបកម្សាន្ត rock ក្នុងរាជធានីភ្នំពេញក៏មានពាក់ព័ន្ធ និងប៉ូលិសមួយរូបផងដែរ ហើយកំពុងតែតាមចាប់ខ្លួន ។
ប៉ូលិសរូបនេះត្រូវបានតុលាការចេញដីការួចហើយ ដូច្នេះមិនអាចគេចទៅណារួចទេ ។ រឿងរកស៊ីគ្រឿងញៀនគេចទៅណាក៏មិនរួចដែរ បើថា ល្អមកបង្ហាញខ្លួនមកវាអាចមានការបន្ធូរបន្ថយខ្លះ ក្រែងតុលាការបន្ធូរបន្ថយខ្ញុំមិនដឹងទេ ប៉ុន្តែសូមបញ្ជាក់ថា គេចទៅណាក៏មិនរួចដែរ» ។ សម្ដេចក៏បានឱ្យដឹងទៀតថា ប៉ូលិសដែលពាក់ព័ន្ធនឹងគ្រឿងញៀននោះត្រូវបានដឹងអត្តសញ្ញាណអស់ហើយ ដូច្នេះនៅកន្លែងណាគេទៀតសមត្ថកិច្ចដែលមានការពាក់ព័ន្ធមិនហ៊ានធ្វើនោះទេ ។
បើសិនយើងស្រាវជ្រាវផ្ទៃក្នុងថា មន្ត្រីណាមួយដែលពាក់ព័ន្ធនឹងករណីគ្រឿងញៀនយើងនឹងដោះដូរ ឬផ្ទេរ ។ យ៉ាងណាក៏វាត្រូវប៉ះពាល់ការទទួលខុសត្រូវ និងមិនទទួលខុសត្រូវ ។ សម្ដេចបានគូសបញ្ជាក់ថា គោលដៅសំខាន់ទីមួយ គឺទីប្រជុំជន ឬក៏ដូចជា ទីក្រុងធំៗ និងកន្លែងកម្សាន្តដូចជា កំពុងសោមទៀត ដែលជាតំបន់កំពុងអភិវឌ្ឍន៍លឿនយ៉ាងកំហុក ។ កន្លែងបើកកាស៊ីណូ គឺជាបញ្ហាប្រឈមមួយដែលត្រូវដោះស្រាយបទល្មើសនេះ ឱ្យមានជាប់ហើយត្រូវស្មោះត្រង់ និងវិជ្ជាជីវៈគោលដៅទីពីរដែលយើងជួបប្រទះបញ្ហាគ្រឿងញៀននេះគឺនៅតាមជនបទ ៕
ចែករំលែកព័តមាននេះ