ខេត្តព្រៃវែង ៖ ប្រជាពលរដ្ឋនិងក្រុមអាជីវករបានលើកឡើងថា ទំនិញនិងផ្លែឈើទាំងអស់ ដែលមានលក់នៅលើទីផ្សារ ភាគច្រើនគឺនាំចូលមកពីប្រទេសជិតខាង គឺវៀតណាមនិងថៃ ហើយបើសិនជា មន្ត្រីកាំកុងត្រូវធ្វើការត្រួតពិនិត្យ និងទប់ស្កាត់នៅតាមច្រកព្រំដែនជាប់…
ខេត្តព្រៃវែង ៖ ប្រជាពលរដ្ឋនិងក្រុមអាជីវករបានលើកឡើងថា ទំនិញនិងផ្លែឈើទាំងអស់ ដែលមានលក់នៅលើទីផ្សារ ភាគច្រើនគឺនាំចូលមកពីប្រទេសជិតខាង គឺវៀតណាមនិងថៃ ហើយបើសិនជា មន្ត្រីកាំកុងត្រូវធ្វើការត្រួតពិនិត្យ និងទប់ស្កាត់នៅតាមច្រកព្រំដែនជាប់ នោះក៏គ្មានទំនិញ ឬផ្លែឈើដែលប៉ះពាល់សុខភាព ចូលមកដល់ទីផ្សារក្នុងស្រុកបានដែរ។
ការលើកឡើងបែបនេះ គឺនៅពេលដែលមន្ត្រីកាំកុងត្រូលសាខាខេត្តព្រៃវែង សហការជាមួយមន្ទីរពាណិជ្ជកម្មខេត្ត ចុះទៅពិនិត្យគុណភាពទំនិញនៅក្នុងផ្សារស្នាយពល ដែលស្ថិតនៅក្នុងស្រុកពារាំង ខេត្តព្រៃវែង កាលពីព្រឹកថ្ងៃទី២២មិនាម្សិលមិញនេះ ដោយពលរដ្ឋក៏ដូចជាក្រុមអាជីវករទាំងនោះ បានបង្ហាញនូវការគាំទ្រយ៉ាងខ្លាំង ចំពោះការចុះពិនិត្យរបស់មន្ត្រីជំនាញ ប៉ុន្តែទន្ទឹមនិងនោះ ពួកគាត់ក៏សំណូមពរអោយមន្ត្រីកាំកុងត្រូល បន្តត្រួតពិនិត្យនៅតាមមាត់ច្រកទ្វាព្រំដែនផងដែរ។
លោក អ៊ុត សុភាព ប្រធានសាខាកាំកុងត្រូលខេត្តព្រៃវែង បានអោយដឹងថា នៅក្នុងការត្រួតពិនិត្យនេះ មន្ត្រីជំនាញបានធ្វើការវិភាគបឋមទៅលើផលិតផលទំនិញចំនួន១០មុខ ស្មើនឹង ១២គំរូ មានដូចជា ៖ គុយទាវ បាញ់កាញ់ នំបញ្ចុះ ត្រីប្រាសំយ៉ុង ត្រីប្រម៉ា តៅគួ សាច់ក្រកគោ ណែមត្រី បង្គាស្រស់ និង ជ្រក់ស្ពៃ សណ្តែក ដើម្បីរកសារធាតុគីមីហាមឃាត់ដែលអាចធ្វើឱ្យប៉ះពាល់ដល់សុខភាពប្រជាពលរដ្ឋ។
ជាលទ្ធផល រកពុំឃើញមានវត្តមានសារធាតុគីមីហាមឃាត់ទេ ក៏ប៉ុន្តែមន្ត្រីកាំកុងត្រូលបានរកឃើញទំនិញហួសថ្ងៃកំណត់ប្រើប្រាស់២មុខ មានទឹកសៀងផ្អែម១ដប ស្មើ០.៥គីឡូក្រោម និងទឹកចាហ៊ួយក្រឡុកអាដេ ៧២ដប ស្មើនឹង២០.៥ គីឡូក្រោម សរុបទំនិញខូចគុណភាព ដែលមន្ត្រីជំនាញដកហូតបានមានចំនួន២១ គីឡូក្រាម៕
ចែករំលែកព័តមាននេះ