រាជធានីភ្នំពេញ ៖សម្តេចតេជោនាយករដ្ឋមន្ត្រីនៃព្រះរាជាណាចក្រកម្ពុជាបានអះអាងថា ឋានៈប្រតិភូរបស់សម្ដេចមិនអាចជួបនឹងគណៈប្រតិភូសហភាពអឺរ៉ុបដែលមកទស្សនកិច្ចកម្ពុជាទេ ។ ថ្លែងក្នុងពិធីធ្វើសញ្ញាបត្រដល់និស្សិតបញ្ចប់ការសិក្សា និងជាស្ថានអាស៊ីអឺរ៉ុបនៅព្រឹកថ្ងៃទី២១ នេះសម្ដេចតេជោបានលើកឡើងថា ក្រុមប្រឆាំងមួយថ្ងៃមួយថ្ងៃ ប៉ុន្តែលើកឡើងបញ្ហាការបែកបាក់ផ្ទៃក្នុងគណបក្សប្រជាជនកម្ពុជា ។
ជាក់ស្ដែងកាលពីម្សិលមិញនេះអ្នកវិភាគក៏ដូចជា អ្នកប្រឆាំងមួយចំនួនបានលើកឡើងថា សរុបបានជួបសម្ដេចស ខេង និងលោកឧបនាយករដ្ឋមន្ត្រីប្រាក់សុខុន ជាសញ្ញានៃការបែកបាក់ផ្ទៃក្នុងបក្ស ។ យ៉ាងណាក៏សម្ដេចតេជោបានបញ្ជាក់ថា« មួយថ្ងៃមួយថ្ងៃតែងតែលើកឡើងពីការបែកបាក់ តែខ្ញុំសូមផ្ដាំទៅថា ពាក្យនេះ គឺជាពាក្យដែលបណ្តុះបង្អាប់ខ្លួនឯងទេ ។ បើលោកឯងពូកែនោះឯងចេះគ្រប់គ្រងមិនឲ្យបក្សបែកបាក់នោះទេ តែលោកឯងមិនទុកចិត្តអានេះ មិនទុកចិត្តអានោះ ។ អញ្ចឹងបើលោកឯងមិនទុកចិត្តហើយ គិតតែពីលាបពណ៌ គឺលោកឯងមិនទាន់ គឺជាមនុស្សចេះទេ អាហ្នឹងគ្រាន់តែខ្ញុំផ្តាំទៅលោកឯង» ។
សម្តេចបន្តថា ខ្លួនឯងធ្លាប់លើកឡើងហើយថា គណបក្សប្រជាជនជាគណបក្សមួយដែលបែកបាក់សូម្បីឥឡូវនេះគេថា សគមន៍អឺរ៉ុបទៅជួបសម្ដេចស ខេង និយាយផ្សេង និងពេលជួបលោកប្រាក់ សុខុននិយាយផ្សេង ហើយគេមកមិនបានសុំជួបហ៊ុនសែនទេ ។ សម្តេចបញ្ជាក់«កម្រិតប៉ុណ្ណេះមិនសមជួបនឹងហ៊ុនសែនទេនេះ ជួបធ្វើអី! និយាយពិត ។ កម្រិតថ្នាក់ប្រធាននាយកដ្ឋានថ្នាក់អ្នកផ្សេងៗជួបដល់ឧបនាយករដ្ឋមន្ត្រីវាហួសពេកទៅហើយៗ ណោះចាំមកប្រធានEU និងស្នងការ EU ហ្នឹងបានហ៊ុនសែនត្រូវជួប ។ ពិតហើយជួបត្រឹមឧបនាយករដ្ឋមន្ត្រីវាហួសពេកហើយ ប៉ុន្តែគេនិយាយថា វាជារឿងបែកបាក់ ។
សម្ដេចបន្តថា អ្នកដែលវាយតម្លៃខុសបែបនេះនឹងនៅតែទទួលបរាជ័យ ហើយអ្នកដែលនិយាយថាជារឿងមួយលំបាកនោះសូមផ្ញើសារទៅឲ្យអ្នកថា អ្នកគឺជាមនុស្សអន់បំផុតមិនអាចដឹកនាំអ្វីកើតទេ ។ សម្ដេចតេជោក៏បានចំអកអ្នកវិភាគសង្គមលោកកឹម សុខ ដែលកំពុងគេលួចនិរទេសខ្លួននៅក្រៅប្រទេសដែលវិភាគថា គណបក្សជាជនកំពុងតែបែកបាក់ផ្ទៃក្នុងយ៉ាងដូច្នេះថា« អញ្ចឹងមានអ្នកខ្លះតាំងខ្លួនជាអ្នកវិភាគ សូម្បីតែប្រពន្ធមួយមិនអាចសាមគ្គីបានផង ។ ហើយតាំងខ្លួនជាអ្នកវិភាគផេះអី ។ ពីមុនសុទ្ធតែនិយាយថា មេឃស្រទុំចាញ់សម្រស់អូនពេលដល់បានកូនមួយបីរត់ទៅបាត់ ។ រឿងចឹងចឹងចង់ទៅធ្វើអ្នកដឹកនាំបែបណា បើមានសាមគ្គីសូម្បីតែប្រពន្ធខ្លួនឯងបែកបាក់ទៅហើយ» ។ សម្តេចបានគូសបញ្ជាក់ថា ថ្ងៃនេះខ្ញុំសូមបញ្ជាក់បន្ថែមតិចថា ទីមួយសូមអស់លោកកុំលាបពណ៌កូនចៅខ្លួនឯងថា ជាអ្នកលក់ខ្លួន គឺទុកឱ្យគេសម្រេចចិត្តដោយខ្លួនឯង ។
សុំសិទ្ធិនយោបាយជាឆន្ទៈរបស់គេបើគេមិនធ្វើនយោបាយក៏គេអាចរកស៊ីបាន ហើយគេក៏អាចបង្កើតគណបក្សនយោបាយមានសិទ្ធិរបស់គេ ។ កុំចាំបាច់បន្ទាន់បានអំណាចផងមកគ្រប់គ្រងគេ នៅក្នុងសម័យមួយដែលខ្លួនបានបង់ដោយមិនឲ្យទៅណា ។ ទីពីរអ្នកប្រើពាក្យថា ហ៊ុនសែន ជាអ្នកបំបែកបំបាក់ អ្នកនិយាយបែបនេះ គឺថាស្មើនឹងបង្អាប់ខ្លួនឯងនោះទេ ។ អ្នកត្រូវដឹងសូម្បីតែគណបក្សនយោបាយមួយអ្នកមិនអាចគ្រប់គ្រងបានផងបែកបាក់ជាចម្រៀកមានអ្នកនៅក្នុង និងអ្នកនៅខាងក្រៅបែកបាក់គ្នា តើអ្នកនឹងធ្វើជារាជរដ្ឋាភិបាលបែបម៉េច? អ្នកនឹងដឹកនាំកម្លាំងប្រដាប់អាវុធបែបម៉េច? ជួបនាក់នេះទៅនិយាយដើមអ្នកនោះជួបនាក់នោះទៅយាយដើមអ្នកខាងនោះទៀត បើធន់ៗអញ្ចឹងដឹកនាំគេបែបម៉េច មករករឿងហ៊ុន សែន ។ ខ្ញុំសូមផ្ដាំទៅវិញ តើអ្នកកុំបែកបាក់ទៅបានទេ តែមកពីខ្លួនអ្នកមិនអាចគ្រប់គ្រងគេបាន »៕
ចែករំលែកព័តមាននេះ