ខាងក្រោមនេះ Health.com.khយើងខ្ញុំនឹងបង្ហាញអ្នកពីអាហារដែលអ្នកមិនគួរពិសារពេលដែលអ្នកចង់មានផ្ទៃពោះ។ តើមានអ្វីខ្លះទៅ?
1-កាហ្វេជាភេសជ្ជៈដែលអ្នកមិនគួរញ៉ាំឡើយ ព្រោះបើអ្នកញ៉ាំលើសពីមួយកែវក្នុងមួយថ្ងៃ អ្នកនឹងមិនងាយមានផ្ទៃពោះបានសម្រេចឡើយ។ ដូចនេះ អ្នកមិនគួរបណ្តោយឲ្យសារធាតុកាហ្វេអ៊ីនចូលក្នុងរាងកាយអ្នកនោះទេ។
2-ចំពោះបុរសមិនគួរពិសារឃិនឆាយឡើយ ព្រោះសារធាតុដែលមានក្នុងនោះអាចបំផ្លាញស្ពែម៉ាតូសូអ៊ីតរបស់អ្នក ដោយធ្វើឲ្យស្ពែម៉ាតូសូអ៊ីតទាំងនោះប្រែជាតិចទៅៗ។
3-ល្ហុងអាចធ្វើឲ្យសុដន់នារីធំ ប៉ុន្តែមនុស្សស្រីដែលត្រៀមមានផ្ទៃពោះមិនគួរពិសារឡើយ ព្រោះអាចធ្វើឲ្យអ្នកមិនមានផ្ទៃពោះឡើយ។ ដូចនេះ អ្នកគួរតែកាត់បន្ថយក្នុងការញ៉ាំ។
4-អាហារដែលផ្អាប់ទុកយូរក៏អ្នកមិនគួរបរិភោគដែរនៅពេលដែលអ្នកចង់មានផ្ទៃពោះ ព្រោះវាអាចកាត់បន្ថយអត្រានៃការមានកូនរបស់អ្នកធ្លាក់មកទាបបាន។
5-ការ៉ុតក៏អ្នកមិនគួរពិសារច្រើនពេលដែលអ្នកចង់មានផ្ទៃពោះដែរ ព្រោះអាចធ្វើឲ្យប៉ះពាល់ដល់ស្បូនអ្នកបាន។
6-នៅពេលដែលអ្នកត្រៀមចង់បានកូន អ្នកមិនគួរញ៉ាំខ្ទឹមសច្រើនឡើយ ព្រោះអាចសម្លាប់ស្ពែម៉ាតូសូអ៊ីតអ្នកបានយ៉ាងងាយ។ ដូចនេះក្នុងពេលដែលអ្នកសម្រេចចិត្តចង់បានកូន អ្នកមិនគួរបរិភោគអាហារទាំងឡាយខាងលើនោះឡើយ៕ ( ប្រភពពី៖ Health.com.kh )
ចែករំលែកព័តមាននេះ