ខេត្តកណ្តាល ៖ ទីតាំងផ្ទះម៉ាស្សាកោសជប់យីហោ«បាតដៃប្រសប់១៦៨» ដុះស្លែជាយូរមកហើយ នៅភូមិព្រែកសំរោង១ សង្កាត់តាខ្មៅ ក្រុងតាខ្មៅ បានត្រូវនគរបាលការិយាល័យប្រឆាំងការជួញដូរមនុស្ស និងការពារអនីតិជនខេត្ត ដឹកនាំដោយលោកវរសេនីយ៍ឯក…
ខេត្តកណ្តាល ៖ ទីតាំងផ្ទះម៉ាស្សាកោសជប់យីហោ«បាតដៃប្រសប់១៦៨» ដុះស្លែជាយូរមកហើយ នៅភូមិព្រែកសំរោង១ សង្កាត់តាខ្មៅ ក្រុងតាខ្មៅ បានត្រូវនគរបាលការិយាល័យប្រឆាំងការជួញដូរមនុស្ស និងការពារអនីតិជនខេត្ត ដឹកនាំដោយលោកវរសេនីយ៍ឯក រស់ សាវិននាយការិយាល័យ និងអង្គការមេត្រីអន្តរជាតិ សហការជាមួយនគរបាលព្រហ្មទណ្ឌក្រុងតាខ្មៅ ប៉ុស្តិ៍តាខ្មៅ និងអាជ្ញាធរភូមិ សង្កាត់ ធ្វើការបង្ក្រាប ដោយឃាត់ខ្លួនមនុស្សប្រុសស្រី៧នាក់ រួមជាមួយវត្ថុតាងមួយចំនួនទៀត ។ មតិខ្លះប្រាប់ថា ទីនោះបាតដៃប្រសប់មែន ធ្វើឱ្យភ្ញៀវញ៉ាមចេញចូលញឹកញាប់ ។
ការបង្ក្រាបនេះ បានធ្វើឡើងកាលពីថ្ងៃទី១៩ ខែមីនា វេលាម៉ោង៨និង៣០នាទីយប់ ។ ចំពោះមនុស្សទាំង៧នាក់ ដែលត្រូវបានឃាត់ខ្លួននេះមានស្ត្រីបម្រើផ្លូវភេទ៣នាក់ ក្នុងនោះម្នាក់ទើបមានអាយុ១៦ឆ្នាំ និង៤នាក់ទៀតសុទ្ធសឹងជាមនុស្សប្រុស ក្នុងនោះម្នាក់ជាម្ចាស់ទីតាំងឈ្មោះ កាន់ កាឌី អាយុ៥១ឆ្នាំ និង៣នាក់ជាកូនចិញ្ចឹមម្ចាស់ផ្ទះ ។
នគរបាលឲ្យដឹងថា ជាមួយនឹងការឃាត់ខ្លួននេះ សមត្ថកិច្ចបានឆែកឆេរបន្ទប់សម្រាប់ម៉ាស្សា កោសជប់តែលួចបម្រើផ្លូវភេទចំនួន១០បន្ទប់ រកឃើញវត្ថុតាងមានស្រោមអនា ម័យ សម្ភារប្រើប្រាស់គ្រឿងញៀន និងវត្ថុតាងមួួយចំនួនទៀត នាំយកទៅការិយាល័យជំនាញដើម្បីចាត់ការតាមច្បាប់ ៕
ចែករំលែកព័តមាននេះ