រាជធានីភ្នំពេញ ៖ សម្តេចតេជោ ហ៊ុនសែន នាយករដ្ឋមន្ត្រីបានស្តីបន្ទោសអតីតមេបក្សប្រឆាំងថា មិនចេះគ្រប់គ្រងកូនចៅ បានជាធ្វើឲ្យបែកបាក់គ្នា ។ ថ្លែងក្នុងពីធីប្រគល់សញ្ញាបត្រ នាព្រឹកថ្ងៃទី២១ មីនានេះ សម្តេចបានលើកឡើងថា នៅខេត្តពោធិ៍សាត់កាល ពីម្សិលមិញខ្ញុំព្រះករុណាខ្ញុំបាន ស្នើឲ្យអ្នកនយោបាយទាំងអស់កុំលាបពណ៌គ្នា ហើយចេះធ្វើនយោបាយហើយចោទ គណបក្សប្រជាជនកម្ពុជា និងរាជរដ្ឋាភិបាលថា ទិញដូរមនុស្ស ។
សម្ដេចសូមបញ្ជាក់សារជាថ្មីថា«អ្នកបានមើលស្រាលអតីតសហការីដៃរបស់អ្នកស្មើនឹងទម្ងន់និងទិញដូរលក់ហើយ គឺជាភាពបរាជ័យរបស់អ្នក តើអ្នកធ្លាប់ទទួលពេលដែលគេ នៅជាមួយអ្នក អ្នកតែងតែនិយាយថា គេជាមនុស្សល្អ តែនៅពេលគេជាមនុស្សជាមួយអ្នក អ្នកតែងតែចោទរដ្ឋាភិបាលហ៊ុន សែន ទិញមនុស្ស ។ អ្នកចាត់ទុកអតីតសហការីរបស់អ្នក ដូចជា ទំនិញទិញដូរហើយ ។ មិនគួរទេក្នុងឋានៈជាអ្នកនិយាយក្តែងៗ អ្នកប្រជាធិបតេយ្យ គោរពសិទ្ធិសម្រេចរបស់បុគ្គល។បែជានិយាយភាសាបែបនេះ”។
សម្តេចបន្តថា ការលាបពណ៌អ្នកនេះចេះចុះ រហូតដល់គណបក្សប្រជាជនទិញមនុស្ស 10 ឬ20 ម៉ឺនដុល្លារ តើសួរថា បក្សប្រជាជនធ្លាប់ទិញមនុស្សមកពីបក្សផ្សេងឬទេ គណបក្សប្រជាជនគោរពសេរីភាពរបស់មនុស្ស ទោះនៅគណបក្សនយោបាយណាក៏ដោយ ។ សម្តេចបញ្ជាក់ថា«អ្នកនយោបាយដែលអួតខ្លួនឯងថា ជាអ្នកប្រជាធិបតេយ្យបែរជាបំពាន សិទ្ធិសម្រេចរបស់បុគ្គលម្នាក់ តើគេមានបំណងធ្វើនេះ ឬធ្វើនោះ ។ ពេលនៅជាមួយខ្លួនថា ល្អពេលគេចេញថា គេលក់ឧត្តមគតិ» ។
សម្តេចបន្ថែមថា ថ្ងៃនេះខ្ញុំព្រះករុណាខ្ញុំសូមលើកឡើងថា គេថាខ្ញុំធ្វើអីមិនបាន ជាអ្នកបំបែកទេ ខ្ញុំព្រះករុណាខ្ញុំគ្រាន់តែជូនសារទៅវិញថា បើអ្នកឯងទុកឲ្យគេបំបែកបាន ដូច្នេះអ្នកឯងមិនសមនឹងធ្វើជាអ្នកដឹកនាំនោះទេ ។ ខ្ញុំគ្រាន់តែផ្ដាំយ៉ាងសុភាពរាបសា ទៅអ្នក គឺជាមនុស្សដែលអន់បំផុត ហើយក្នុងការធ្វើមេដឹកនាំ ហើយបណ្ដោយឲ្យគេបំបែកបាន អ្នកគឺជាមនុស្សដែលអន់បំផុត ។ មិនអាចធ្វើជាមេដឹកនាំកុំថា ដឹកនាំប្រទេស សូម្បីដឹកនាំគណបក្សនយោបាយមួយ ឬក្លឹបសមាគមមួយក៏អ្នកឯងមិនអាចធ្វើបានដែរ»។ សម្តេចបន្ថែមថា ខ្ញុំព្រះករុណាខ្ញុំមិនវាយបកអ្វីទេ តែគ្រាន់ដាស់តឿនដល់អ្នកប៉ុណ្ណោះប្ដីប្រពន្ធ ស្រលាញ់គ្នាពិតប្រាកដទោះបីម្ដាយក្មេកបងថ្លៃចាក់រុកយ៉ាងណាក៏ដោយយើងស្រលាញ់គ្នាទៅវាចប់ហើយ ។ រឿង គឺវាដូចគ្នាយ៉ាងដូច្នេះ !បើអ្នកឯងទុកហើយ ដែលក្មេងប្អូនថ្លៃ បងថ្លៃចាក់រុក ហើយបែរជាធ្វើបាបប្រពន្ធអ្នកមិនសមជាប្តីល្អនោះទេ ។
អ្នកតែងតែនិយាយថា គណបក្សប្រជាជន គឺជាអ្នកបំបែក ប៉ុន្តែដល់អ្នកកុំបែកទៅវាយ៉ាងម៉េច ៗវាអត់រន្ទះបាញ់ទេ ប៉ុន្តែរឿងរបស់អ្នកលាបដើមចេញពីការលាបពណ៌ អាមេរិក ពណ៌ឲ្យកូនវា តែប៉ុណ្ណឹងទេ ដែលធ្វើអោយការឈឺចិត្ត ។ សម្តេចលើកឡើងទៀតថា «ខ្ញុំសូមផ្តាំទៅអ្នក អ្នកមិនគួរនិយាយភាសាបែបហ្នឹងទៀតទេពីព្រោះ ភាសាដែលនិយាយថា គេបំបែក គឺស្មើនឹងបណ្តុះបង្អាប់ខ្លួនឯង ។
គណបក្សប្រជាជន 40 ឆ្នាំជាងហើយ ដែលឮថា បែកបាក់ទសវត្សរ៍ 80 បែកបាក់រវាងជាស៊ីម សាយភូថង អាហ្នឹងឮសូរម្សាទៅក្រោយមកជាស៊ីមបាយបាក់ និងហ៊ុនសែន ដល់អាឡូវមានខ្សែហ៊ុនសែនខ្សែរ ស ខេង ខ្សែរ ម៉ែន សំអន ខ្សែរទៀ បាញ់ បើអ្នកវាយតម្លៃនៅតែខុសបែបនេះអ្នកមិនអាចយកឈ្នះគណបក្សប្រជាជនបានទេ ហើយត្រូវចាំ» ។ សម្តេចបន្ថែមថា ដោយសារតែអ្នកវាយតម្លៃខុស បែបហ្នឹងហើយ បានជាអ្នកតែងតែទទួលបរាជ័យ ៕
ចែករំលែកព័តមាននេះ