រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីបានបញ្ជាក់ថា រាជរដ្ឋាភិបាល បានកំពុងខិតខំធ្វើយ៉ាងណារក្សាតម្លៃទំនិញនៅលើកទីផ្សារកុំចេះតែឡើងថ្លៃតាមប្រាក់បៀវត្សរ៍ ។ ថ្លែងក្នុងពិធីជួបសំណេះសំណាលជាមួយកម្មករ នៅខេត្តពោធិ៍សាត់…
រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីបានបញ្ជាក់ថា រាជរដ្ឋាភិបាល បានកំពុងខិតខំធ្វើយ៉ាងណារក្សាតម្លៃទំនិញនៅលើកទីផ្សារកុំចេះតែឡើងថ្លៃតាមប្រាក់បៀវត្សរ៍ ។ ថ្លែងក្នុងពិធីជួបសំណេះសំណាលជាមួយកម្មករ នៅខេត្តពោធិ៍សាត់ នាព្រឹកថ្ងៃទី២០ ខែមីនា ឆ្នាំ២០១៩ សម្តេចតេជោបានបញ្ជាក់ថា«រាជរដ្ឋាភិបាលខិតខំណាស់ក្មួយ ជាមួយនឹងការខិតខំតម្លើងប្រាប់បៀវត្សរ៍ឲ្យក្មួយៗកម្មករ ហើយរាជរដ្ឋាភិបាលបាន កំពុងខិតខំធ្វើយ៉ាងណារក្សាកំណត់ថ្លៃទំនិញលើកទីផ្សារ ដើម្បីឲ្យកម្លាំងពិតនៃការទទួលបានប្រាក់បៀវត្សរ៍នេះក្លាយជាប្រាក់បៀវត្សរ៍ពិត» ។
សម្តេចបានបន្តថា កាលដែលកម្មករទទួលបានប្រាក់ខែគោល១៧០ដុល្លារ តម្លៃភ្លើង នៅកម្រិតខ្ពស់បន្តិចដល់អាឡូវក្មួយប្រាក់ខែដល់១៨២ដុល្លារតម្លៃភ្លើងបែរជាទាបទៅវិញ។ បើទោះបីជាមិនបានទាបហើយស្ថិតនៅដដែលនោះក៏អាចចាត់ទុកថាថ្លៃ ប៉ុន្តែបើប្រាក់បៀវត្ស រ៍ឡើង ហើយតម្លៃភ្លើងឡើងនោះមិនមែនជាការតម្លើងបៀវត្សរ៍ទេ។ សម្តេចក៏បានលើក ឡើងថា នៅប្រទេសខ្លះតម្លៃប្រេងមានតម្លៃជិត២ដុល្លារស្មើនឹង៧ពាន់រៀលក្នុងមួយលីត្រ ឯនៅកម្ពុជាទិញប្រេងពីគេទេ ប៉ុន្តែសម្រាប់អាទិត្យនេះ និងអាទិត្យក្រោយតម្លៃ៣៦៥០រៀល សម្រាប់ប្រេងសាំង ហើយ៣៦០០រៀលសម្រាប់ម៉ាស៊ូត ក្នុងនោះរាជរដ្ឋាភិបាលចេញ២សេន ចំណែកចេញ២សេន ដើម្បីជួយទប់កុំឲ្យឡើងថ្លៃ ។
សម្តេចបញ្ជាក់ថា«ពូតែងតែលើកឧទាហារណ៍ កាលពីមុនមិនទាន់ឡើងប្រាក់បៀវត្សរ៍ អាវមួយថ្លៃតែមួយម៉ឺនរៀល ប៉ុន្តែក្រោយឡើងបៀវត្សរ៍ អាវមួយឡើង១៥០០០រៀលនេះមិ នមែនជាឡើងបៀវត្សទេ ព្រោះតម្លៃទំនិញឡើងតាម ។ អីញ្ចឹងយើងខិតខំធ្វើយ៉ាងណាមុន តម្លើងបៀវត្សរ៍អាវ១ម៉ឺនរៀល ហើយក្រោយឡើងបៀវត្សរ៍អាវមួយត្រូវតែតម្លៃ១ម៉ឺនរៀល ដដែល នេះ គឺជាការប្រសើរដែលនឹងក្លាយជាកម្លាំងពិតមួយសម្រាប់ទីផ្សារ» ។
សម្តេចក៏បានលើកឡើងថា នៅពេលខាងមុខនេះរាជរដ្ឋាភិបាលនឹងពិនិត្យជាកញ្ចប់ បញ្ហា ដើម្បីឆ្លើយតបនឹងបញ្ហាសេដ្ឋកិច្ចនិយាយជារួម មិនមែនគ្រាន់តែបញ្ហាដែលនិយាយថា ឲ្យអនុគ្រោះ ឬមិនអនុគ្រោះនោះទេ វាគឺជាបញ្ហាសម្រាប់អនាគតប្រទេសជាតិរយៈពេល វែងដែលយើងត្រូវធ្វើកំណែទម្រង់ ។ ជាមួយគ្នានោះដែរសម្តេចក៏បានលើកឡើងថា នៅថ្ងៃទី២៩ ខែមីនាខាងមុខនេះ ខ្ញុំនឹងចាត់ការលើបញ្ហាផ្លូវដែកយ៉ាងម៉េច ព្រោះថា ពេលនេះទៅមុខក៏មិនទៅថយក្រោយក៏មិនថយ ។ ខ្ញុំឲ្យជាសញ្ញាមួយថា ខ្ញុំនឹងយកដំណោះស្រាយជាក់លាក់មួយ ព្រោះការដឹកជញ្ជូនតាមផ្លូវគោក គឺត្រូវដឹកហើយ ប៉ុន្តែបើយើងដឹកតាមផ្លូវដែកកាន់តែច្រើននោះចំណេញក៏កាន់តែច្រើនថែមទៀត ។
សម្តេចបន្តថា រាជរដ្ឋាភិបាលសម្រេចលុបកាំសាបមួយរួចហើយ ដោយទុកតែគយ និង ប៉ុលិសនៅច្រកព្រំដែនដែលជាកំណែទម្រងមួយ ដូច្នេះអ្នកដែលធ្លាប់បង់ប្រាក់ឲ្យកាំកុងត្រូ លទុកមិនត្រូវបង់នោះទេ ។ យើងយកវិធានការជាក់លាក់នឹងទើបច្បាស់ ។ សម្តេចក៏បានលើកឡើងថា បើអ្នកណាចង់ឲ្យអី ឬមិនឲ្យអីក្នុងការលើកលែងពន្ធជារឿងរបស់គេ ប៉ុន្តែបើគេឲ្យយើងអរគុណ តែបើមិនឲ្យទេយើងត្រូវប្រឹងដោយខ្លួនឯង ៕
ចែករំលែកព័តមាននេះ