រឿងចាក់ដីលុបសមុទ្រ សង្ស័យយកឈ្មោះខេត្តធ្វើខ្នង (មានវីដេអូ)
- កំពត
ខេត្តកំពត ៖ អាជ្ញាធរខេត្តកំពត បានចាក់ដីលុបសមុទ្រមួយកន្លែងធ្វើជាឆ្នេរកែបថ្មី ស្ថិតនៅភូមិកែបថ្មី ឃុំបឹងទូក ស្រុកទឹកឈូ ខេត្តកំពត។ លោក ជាវ…
ខេត្តកំពត ៖ អាជ្ញាធរខេត្តកំពត បានចាក់ដីលុបសមុទ្រមួយកន្លែងធ្វើជាឆ្នេរកែបថ្មី ស្ថិតនៅភូមិកែបថ្មី ឃុំបឹងទូក ស្រុកទឹកឈូ ខេត្តកំពត។ លោក ជាវ…
ខេត្តកំពត ៖ អាជ្ញាធរខេត្តកំពត បានចាក់ដីលុបសមុទ្រមួយកន្លែងធ្វើជាឆ្នេរកែបថ្មី ស្ថិតនៅភូមិកែបថ្មី ឃុំបឹងទូក ស្រុកទឹកឈូ ខេត្តកំពត។ លោក ជាវ តាយ អភិបាលខេត្តកំពត ធ្លាប់បានមានប្រសាសន៍ជាច្រើនដងថា រដ្ឋបាលខេត្តកំពតបានរៀបចំបង្កើតឆ្នេរកែបថ្មីនៅឃុំបឹងទូក ព្រោះខេត្តមួយទាំងមូលមានសមុទ្រ តែអត់មានកន្លែងងូតទឹក។
លោក ស សូរិន ប្រធានជលផលខេត្តកំពត បានប្រាប់អ្នកយកព័ត៌មានឱ្យដឹងកាលពីព្រឹកថ្ងៃទី19 មីនាថា ការចាក់ដីលុបសមុទ្រមិនបានធ្វើឱ្យប៉ះពាល់ដល់សហគមន៍អ្នកនេសាទទេ។ លោកបានបង្វែរសំណួរឱ្យអ្នកយកព័ត៌មានទៅសួរខាងសាលាខេត្តទៅច្បាស់ជាង។
លោក វ៉ិត វឌ្យនា នាយករដ្ឋបាលសាលាខេត្តកំពត បានប្រាប់អ្នកយកព័ត៌មានកាលពីព្រឹកថ្ងៃទី19 មីនាថា ការចាក់ដីលុបសមុទ្រនោះមានក្រុមហ៊ុនមួយឈ្មោះអាជីប៊ី ជាអ្នកទទួលការរៀបចំនៅទីនោះ។ លោកវ៉ិត វឌ្យនា បានឱ្យអ្នកព័ត៌មានទៅសួរលោកស្រី គង់ ប៊ុណ្ណារី នាយកទីចាត់ការវិនិយោគសាលាខេត្តវិញ មានឯកសារច្បាស់ជាង។
លោកស្រី គង់ ប៊ុណ្ណារី នាយកទីចាត់ការផែនការវិនិយោគសាលាខេត្តបានប្រាប់ឱ្យដឹងតាមទូរស័ព្ទកាលពីព្រឹកថ្ងៃទី19 មីនាថា លោកស្រីមិនទាន់ដឹងថា ដីគ្រោង និងចាក់លុបសមុទ្រធ្វើកន្លែងឆ្នេរកែបថ្មីនោះ លោកស្រីមិនទាន់ដឹងថាប៉ុន្មានហិចតាទេ។
តាមពលរដ្ឋម្នាក់បាននិយាយថា ការចាក់ដីលុបសមុទ្រធ្វើជាឆ្នេរកែបថ្មីនេះ គាត់គាំទ្រ និងសប្បាយចិត្ត តែខ្លាចថ្ងៃក្រោយកន្លែងចាក់ដីលុបសមុទ្រធ្លាក់ទៅលើដៃអ្នកវិនិយោគទុនដូចកន្លែងផ្សេងៗបានត្រឹមតែបាត់បង់ធនធានធម្មជាតិតែប៉ុណ្ណោះ។
បើយោងតាមការឱ្យដឹងពីមន្ត្រីនគរបាលការពារដែនទឹកដែលមានប៉ុស្តិ៍ឈរជើង នៅចំណុចកែបថ្មីបាននិយាយប្រាប់ឱ្យដឹងថា មានអ្នកយកព័ត៌មានរាប់រយនាក់បានមកយកលុយពីអ្នកមើលការខុសត្រូវនៅកន្លែងចាក់ដីលុបសមុទ្រនេះ។ មន្ត្រីនគរបាលរូបនោះនិយាយថា មានថ្ងៃមួយមានរថយន្ត7ទៅ8គ្រឿងរបស់អ្នកកាសែត និងទូរទស្សន៍មកយកលុយ តែអ្នករៀបចំលែងឱ្យ ព្រោះអ្នកកាសែតច្រើនពេកមកសុំលុយ។
ប្រភពមួយបានបង្ហើបថា ការចាក់ដីលុបសមុទ្រនេះមិនទាន់មានច្បាប់ទេ តែអ្នកចាក់ដីចេះតែចាក់លុបទៅ៕
ចែករំលែកព័តមាននេះ