តាមប្រភពពី The Sun បានឱ្យដឹងថា មានការសិក្សាថ្មីមួយរកឃើញថា អ្នកដែលទទួលទានផ្សិតលើសពី៣ខាំក្នុងមួយសប្តាហ៍ អាចកាត់បន្ថយការវិវឌ្ឍន៍ទៅការថយចុះសមត្ថភាពប្រាជ្ញាស្មារតីបានដល់ពាក់កណ្តាល ។ អាការៈថយចុះសមត្ថភាពប្រាជ្ញាស្មារតីនេះ គឺជាដំណាក់កាលនៅចន្លោះភាពចាស់ធម្មតា…
តាមប្រភពពី The Sun បានឱ្យដឹងថា មានការសិក្សាថ្មីមួយរកឃើញថា អ្នកដែលទទួលទានផ្សិត
លើសពី៣ខាំក្នុងមួយសប្តាហ៍ អាចកាត់បន្ថយការវិវឌ្ឍន៍ទៅការថយចុះសមត្ថភាពប្រាជ្ញាស្មារតីបានដល់ពាក់កណ្តាល ។ អាការៈថយចុះសមត្ថភាពប្រាជ្ញាស្មារតីនេះ គឺជាដំណាក់កាលនៅចន្លោះភាពចាស់ធម្មតា និងភាពចាស់ភ្លេចភ្លាំង ។
អ្នកសិក្សាស្រាវជ្រាវពីសាកលវិទ្យាល័យជាតិសិង្ហបុរី (NUS) ជឿជាក់ថា សារធាតុនៅក្នុងផ្សិត ហៅថា Ergothioneine អាចជួយការពារខួរក្បាលពីការវិវឌ្ឍន៍ទៅរកភាពចាស់ ។ ការសិក្សាបានបង្ហាញឱ្យឃើញថា ការទទួលទានផ្សិត គឺធ្វើឱ្យចំនួនអ្នកកើតជំងឺថយចុះសមត្ថភាពប្រាជ្ញាស្មារតីបានដល់ពាក់កណ្តាល ។
លោកវេជ្ជបណ្ឌិត Lei Feng ដែលបានដឹកនាំក្រុមស្រាវជ្រាវបានមានប្រសាសន៍ថា «នេះគឺទំនាក់ទំនងមួយគួរឱ្យភ្ញាក់ផ្អើល ហើយគួរឱ្យសិក្សាបន្ត។ វាអាចមកពីសារធាតុនៅក្នុងផ្សិតនោះ មានឥទ្ធិពលទៅលើជម្ងឺនោះ»។ លោកបន្តថា «ដោយពឹងផ្អែកលើលទ្ធផល យើងបានលើកឡើងថា ការទទួលទានផ្សិតអាច
ជាវិធីការពារដ៏ល្អ សម្រាប់ការពន្យារភាពថយចុះប្រាជ្ញាស្មារតី និងការចាស់នៃកោសិកាប្រសាទ» ។ គួរបញ្ជាក់ផងដែរថា លទ្ធផលនៃការសិក្សានេះ គឺបានបោះផ្សាយនៅក្នុងអត្ថបទ Journal of Alzheimer’s Disease៕
ចែករំលែកព័តមាននេះ