ខេត្តតាកែវ ៖ ដោយអនុវត្តតាមចរាចរណ៍ណែនាំរបស់លោករដ្ឋមន្ត្រីក្រសួងកសិកម្មក៏ដូចជាអគ្គនាយកដ្ឋានផលិតកម្ម និងបសុព្យាបាលស្តីពីការទប់ស្កាត់រាល់ការនាំសត្វជ្រូករស់ចូលមកពីប្រទេសវៀតណាម ខណៈពេលដែលកំពុងតែមានផ្ទុះជំងឺឆ្កួតអាហ្វ្រិកនោះ នៅព្រឹកថ្ងៃទី១៨ ខែមីនា ២០១៩នេះលោកថៃ លី ប្រធានការិយាល័យបសុព្យាបាល…
ខេត្តតាកែវ ៖ ដោយអនុវត្តតាមចរាចរណ៍ណែនាំរបស់លោករដ្ឋមន្ត្រីក្រសួងកសិកម្មក៏ដូចជាអគ្គនាយកដ្ឋានផលិតកម្ម និងបសុព្យាបាលស្តីពីការទប់ស្កាត់រាល់ការនាំសត្វជ្រូករស់ចូលមកពីប្រទេសវៀតណាម ខណៈពេលដែលកំពុងតែមានផ្ទុះជំងឺឆ្កួតអាហ្វ្រិកនោះ នៅព្រឹកថ្ងៃទី១៨ ខែមីនា ២០១៩នេះលោកថៃ លី ប្រធានការិយាល័យបសុព្យាបាល និងផលិតកម្មសត្វខេត្តដោយមានការសហការជាមួយលោកឧត្តមសេនីត្រី វង្ស ហុក លី ស្នងការរងនគរបាលខេត្តទទួលផែនប្រឆាំងបទល្មើសសេដ្ឋកិច្ចខេត្ត និងលោក ហ៊ុន សារ៉ាត់ ប្រធានការិយាល័យត្រួតពិនិត្យអានាម័យបសុព្យាបាលនៃអគ្គនាយកដ្ឋានសុខភាពសត្វ និងផលិតកម្មសត្តនៃក្រសួងកសិកម្មរួម និងមន្ត្រីជំនាញពាក់ព័ន្ធបានធ្វើការចុះចាប់សត្វជ្រូកដែលឈ្មួញបានលួចចូលមកដោយខុសច្បាប់ ហើយឃ្លាំងស្តុកជ្រូកនៅភូមិដើមផ្ដៀកឃុំព្រៃស្លឹកស្រុកទ្រាំងខេត្តតាកែវ ។
លោកថៃ លី នាយការិយាល័យផលិតកម្ម និងបសុព្យាបាលខេត្តបានអោយដឹងថា បន្ទាប់ពីមានសារាចរណ៍ណែនាំពីរដ្ឋមន្រី្ត និងអគ្គនាយកដ្ឋាននោះកម្លាំងរបស់លោកតែងតែចុះល្បាតនិងពិនិត្យនៅតាមច្រករបៀងដែលឈ្មួញបាននាំជ្រូកចូលមកនាពេលកន្លងមកជាប្រចាំគ្រប់ច្រកល្ហកផងដែរ ។ លោកនាយការិយាល័យបានបន្តទៀតថា ចំពោះឈ្មួញ និងជាម្ចាស់ទីតាំងដែលបានលួចនាំជ្រូកចូលមកស្តុបទុក ដើម្បីធ្វើការចែកចាយដល់ទីតាំងសត្វឃាតសម្រាប់កាប់សាច់លក់នោះមានឈ្មោះ សាន រ៉ា ភេទប្រុស រស់នៅភូមិឃុំខាងលើ ហើយសត្វជ្រូកដែលយើងចាប់បានជាក់ស្តែងមានចំនួន២៥ក្បាល ក្រោយពីចាប់បានហើយកម្លាំងជំនាញក៏បាននាំយកសត្វជ្រូកទាំងអស់នោះមករក្សាទុក្វនៅការិយាល័យផលិតកម្ម និងបសុព្យាបាលខេត្ត ដើម្បីចាត់ការបន្ត ។
មន្ត្រីពេទ្យសត្វខេត្តម្នាក់បានលួចខ្សឹបប្រាប់កោះសន្តិភាពយើងអោយដឹងថា បច្ចុប្បន្ននេះយើងដឹងស្រាប់ហើយកម្លាំងជំនាញពេទ្យសត្វមានគ្នាតិចណាស់ វាមានផលលំបាកណាស់ក្នុងកាទប់ស្កាត់ឈ្មួញដែលបានលួចនាំចូលជ្រូកពីប្រទេសវៀតណាស ហើយងាកមកមើលកម្លាំងសមត្ថកិច្ចផ្សេងវិញ មិនបានចូលរួមសហការគ្នាជាមួយជំនាញពេទ្យសត្វឡើយ គឺពួកគេគិតតែផលប្រយោជផ្ទាល់ខ្លួនតែប៉ុណ្ណោះដូចជាករណីនេះអញ្ចឹង ៕
ចែករំលែកព័តមាននេះ