រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា សញ្ញាបត្រកិត្តិ យសដែលទទួលបាននៅថ្ងៃនេះក៏ឆ្លុះបញ្ចាំងចំណងមិត្តភាពដ៏រឹងមាំរវាងប្រជាជន និងប្រទស យើងទាំងពីរតាមរយៈកិច្ចសហប្រតិបត្តិការលើកគ្រប់វិស័យកំពុងរីកធំធាត់ទាំងផ្នែកនយោបាយ…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា សញ្ញាបត្រកិត្តិ យសដែលទទួលបាននៅថ្ងៃនេះក៏ឆ្លុះបញ្ចាំងចំណងមិត្តភាពដ៏រឹងមាំរវាងប្រជាជន និងប្រទស យើងទាំងពីរតាមរយៈកិច្ចសហប្រតិបត្តិការលើកគ្រប់វិស័យកំពុងរីកធំធាត់ទាំងផ្នែកនយោបាយ សេដ្ឋកិច្ច ពាណិជ្ជកម្ម វប្បធម៌ និងការអភិវឌ្ឍន៍ធនធានមនុស្ស ។
ថ្លែងក្នុងពិធីទទួលសញ្ញាប័ត្របណ្ឌិតកិត្តិសយផ្នែកទំនាក់ទំនងនយោបាយពីសាលកវិទ្យាល័យ(Krirk University)ដ៏ល្បីប្រទេសថៃ នាព្រឹកថ្ងៃទី១៩ មីនា នៅវិមានសន្តិភាព សម្តេចតេជោបានលើកឡើងថា«សញ្ញាប័ត្រផ្នែកទំនាក់ទំនងផ្នែកនយោបាយ គឺពិតជាមានអត្ថន័យសម្រាប់ខ្ញុំ និងប្រជាជនកម្ពុជា ។ កម្ពុជាទើបទទួលបានសន្តិភាពជាង២០ឆ្នាំកន្លងមកនេះ គឺនៅថ្ងៃទី២៩ ខែធ្នូ ឆ្នាំ១៩៩៨ ដែលជាថ្ងៃចុងក្រោយនៃការអនុវត្តនៃនយោបាយឈ្នះ-ឈ្នះដែលសម្រេចបានដោយកម្ពុជាខ្លួនឯងផ្ទាល់ដោយគ្មានការបង្ហូរឈាមគ្មានការប្រើអាវុធ គ្មានការគ្មាន ការបង្គាប់បញ្ជារពីខាងក្រៅ ។
សម្តេចបានបន្ថែមថា កម្ពុជាបានរួបរួមគ្នាជាធ្លុងក្នុងការឯកភាពទឹកដីជាប្រវត្តិសាស្ត្រដែលកម្ពុជាពុំធ្លាប់មានអស់រយៈកាលជាង៥០០ឆ្នាំកន្លងមក ។ សម្តេចបន្តថា បច្ចុប្បន្នកម្ពុជាបានសាងសង់វិមានឈ្នះឈ្នះដែលមានអត្ថន័យជាប្រវត្តិសាស្ត្រពីការបញ្ចប់សង្គ្រាមជាស្ថាពរ និងតំណាងឲ្យកម្ពុជាមានសុខសន្តិភាព និងឈ្នះជានិច្ចនិរន្តរ៍ ហើយបានកត់ត្រាទុកនៃសមិទ្ធិផលសង្គមជាតិច្រើនឥតគណនាសម្រាប់កូនចៅជំនាន់ក្រោយបានសិក្សាស្វែងយល់អំពីប្រវត្តិសាស្ត្រកម្ពុជា ។
សម្តេចបញ្ជាក់ថា បន្ទាប់ពីកម្ពុជាបានទទួលសុខសន្តិភាពពេញលេញនៅចុងឆ្នាំ១៩៩៨សេដ្ឋកិច្ចកម្ពុជាមានការីកចម្រើនគួរឲ្យគត់សម្គាល់ ក្នុងរយៈពេលជិត២ទស្សវត្សចុងក្រោយនេះ ។ កម្ពុជាបានទទួលចំណាត់ថ្នាក់ជាប្រទេសដែលមានកំណើនសេដ្ឋកិច្ចខ្ពស់បំផុត ស្ថិតក្នុងលំដាប់ទី៦ នៅលើពិភពលោក ដោយសម្រេចបានកំណើនជាមធ្យមជាង៧%ក្នុងមួយឆ្នាំ ។ តាមរយៈការរីកចម្រើនជាបន្តបន្ទាប់លើវិស័យឧស្សាហកម្មកម្មន្តសាល កសិកម្ម សេវាកម្មទេ អចលទ្រព្យ គមនាគមន៍ដឹកជញ្ជូន ។ ដោយឡែករចនាសម្ព័ន្ធកម្ពុជាដែលបានផ្លាស់ប្តូរពីប្រទេសពឹងផ្អែកលើកវិស័យកសិកម្មទៅជាប្រទេសពឹងផ្អែកលើកវិស័យឧស្សាហកម្ម និងសេវា ។
ទន្ទឹមនេះយើងខិតខំបន្ថែមទៀត ដើម្បីឲ្យប្រទេសកម្ពុជាក្លាយជាប្រទេសមានចំណូលមធ្យមកម្រិតខ្ពស់នៅក្នុងឆ្នាំ២០៣០ និងជាប្រទេសមានចំណូលខ្ពស់នៅឆ្នាំ២០៥០ ។ សម្តេចបញ្ជាក់ថា ដូច្នេះមោនភាពដែលខ្ញុំទទួលបានថ្ងៃនេះ គឺជាមោនភាពដែលប្រជាជនទូទាំងប្រទេសដែលរួមសុខរួមទុក្ខជាមួយខ្ញុំតាំងពីគ្រាលំបាករហូតដល់ពេលនេះ ហើយខ្ញុំក៏សូមចែករំលែកមោនភាពទាំងនេះដល់គ្រួសារឧត្តមភរិយា កូនៗនឹងចៅៗជាទីស្រឡាញ់ ដែលតែងតែផ្តល់កម្លងចិត្តឲ្យខ្ញុំគ្រប់កាលៈទេសៈ ដើម្បីឲ្យខ្ញុំមានកម្លាំងបម្រើជាតិ មាតុភូមិស្ថិតថេរ និងថែរក្សាបាននូវសុខសន្តិភាពឲ្យបានគង់យូរ និងធ្វើការអភិវឌ្ឍន៍រីកចម្រើនលើកគ្រប់វិស័យ ដើម្បីប្រជាជននៅទូទាំងប្រទេសមានជីវភាពរស់នៅសម្បូសប្បាយរុងរឿងជារៀងរហូត ៕
ចែករំលែកព័តមាននេះ