ការភ្ញាក់ពីគេងមកមានអាការឈឺ ឈៀបៗ ឬដូចម្ជុលចាក់ គឺជារឿងកើតមានជាញឹកញាប់ ជាពិសេសនៅពេលដែលអ្នកគេងក្នុងជំហរតែមួយពេញមួយយប់ ។ វាអាចជាបញ្ហាមួយបើសិនជាវាមិនបាត់ទៅវិញ ឬកើតឡើងជាប់ពេញមួយថ្ងៃ ។ មនុស្សយើងមិនខ្វល់ឡើយអំពីរឿងនេះ ។ ប៉ុន្តែវាគឺជារឿងដែលរំខានដល់ការរស់នៅ ។ ជាអកុសលវាប្រហែលជារោគសញ្ញាមួយនៃជំងឺក្នុងខ្លួន ដែលអ្នកត្រូវខ្វល់ខ្វាយដើម្បីកុំឲ្យវាទៅជាធ្ងន់ទាន់ ។ ការឈឺចាប់ទាំងនេះអាចកើតឡើងដោយសារតែជំងឺសរសៃប្រសាទ ហើយក៏ត្រូវចាត់ទុកថាវាជាជំងឺធ្ងន់ដែរ ។
រោគសញ្ញាមួយចំនួនតូចដែលអ្នកគួរដឹងអំពីជំងឺសរសៃប្រសាទចុងដៃចុងជើង៖ បាត់បង់ ឬខ្សោយការប្រើប្រាស់ដៃជើង និងតុល្យភាពរាងកាយ ។
សរសៃប្រសាទបញ្ជាក្នុងរាងកាយគឺជាសរសៃមួយដែលទទួលខុសត្រូវលើចលនាឆន្ទៈរបស់សាច់ដុំដូចជានៅពេលដើរជាដើម ។ នៅពេលដែលសរសៃប្រសាទនេះខូច វាអាចធ្វើឲ្យខ្សោយ និងមិនអាចដើរបានត្រឹមត្រូវ ដែលជាហេតុនាំឲ្យរំខានដល់របៀបរស់នៅប្រចាំថ្ងៃបាន ។
កង្វះការគ្រប់គ្រងប្លោកនោម ៖ ថ្វីបើរឿងនេះប្រហែលជាមិនមែនរោគសញ្ញាដំបូងនៃជំងឺសរសៃប្រសាទចុងដៃចុងជើងក៏ដោយ តែមានមនុស្សច្រើនណាស់ដែលមានជំងឺនេះ ។ ការដែលមិនអាចគ្រប់គ្រងការនោមបាន បញ្ជាក់ថា សរសៃប្រសាទរបស់អ្នកមិនបានបញ្ជូនសញ្ញាទៅខួរក្បាលឲ្យបានដឹងឡើយ ។ វាក៏ជាអ្វីដែលបញ្ជាក់ថា ជំងឺកំពុងតែវិវឍ្ឍទៅមុខដែរ ។
មានអារម្មណ៍ស្ពឹកៗ បន្តិចម្តងៗ ៖ រោគសញ្ញាមួយផ្សេងទៀតដែលជាប់ទាក់ទងនឹងជំងឺសរសៃប្រសាទចុងដៃចុងជើង ដែលអ្នកគួរតែខ្វល់ខ្វាយនោះគឺ អារម្មណ៍ ស្ពឹកៗ ឬដូចមានម្ជុលចាក់ ។ វាអាចចាប់ផ្តើមគ្រប់កន្លែងក្នុងរាងកាយ បន្ទាប់មករាលដាលទៅកន្លែងផ្សេងៗទៀតដូចជា ប្រអប់ដៃ ជើង និងប្រអប់ជើង ។ នៅពេលអ្នកសម្គាល់ឃើញអាការនេះហើយ យកល្អគួរតែទៅជួបពេទ្យដើម្បីពិនិត្យ និងព្យាបាល ។
ឈឺចាប់ ភ្លាមៗ ៖ តើអ្នកធ្លាប់មានអារម្មណ៍ឈឺចាប់នៅផ្នែកណាមួយនៃរាងកាយដោយមិនបានដឹងមុនទេ? វាប្រហែលជាបញ្ជាក់ថា សរសៃប្រសាទអ្នកបញ្ជូនសញ្ញាខុសទៅខួរក្បាល ដូច្នេះវានឹងធ្វើឲ្យមានការឈឺចាប់ ភ្លាមៗតែម្តង ។ ការឈឺចាប់បែប ចាក់ៗច្រើនតែកើតឡើងនៅជើង។ វាក៏អាចមានអារម្មណ៍ឈឺដែរនៅពេលមានការភ្ញោចធម្មតា ។
ពិបាកគេង ៖ សម្រាប់អ្នកដែលកំពុងតែមានជំងឺសរសៃប្រសាទចុងដៃចុងជើងគឺពិបាកគេងណាស់ ដោយសារតែពួកគេមានអារម្មណ៍រហូតចំពោះជើងរបស់ពួកគេ ។ អារម្មណ៍នៃអាចជាការឈឺចាប់ ភ្លាមៗ នៅពេលអ្នកគេង ។ ដូច្នេះវាពិបាកនឹងគេងបានលក់ស្រួលណាស់ ។
ការបង្ករោគនៅជើង ៖ ចាប់តាំងពីមានការខូចខាតសរសៃប្រសាទរួចមក ការបង្ករោគអាចកើតឡើងនៅជើងដែរ។ រឿងនេះដោយសារតែមិនសូវមានលំហូរឈាមគ្រប់គ្រាន់ទៅជើង ដែលវាមិនគ្រប់គ្រាន់សម្រាប់ទទួលបានការចិញ្ចឹម ឬជួសជុលជាលិកា ឬសរសៃប្រសាទដែលបានខូចខាតនោះ។ ហេតុដូច្នេះហើយ អ្នកជំងឺសរសៃប្រសាទចុងដៃចុងជើងច្រើនតែមានបញ្ហាទៅលើប្រអប់ជើងពួកគេតែម្តង (ប្រភពពី៖ Health.com.kh)៕
ចែករំលែកព័តមាននេះ