សេអ៊ូល ៖ យោងតាមភ្នាក់ងារសារព័ត៌មាន Yonhap ដែលបានចេញផ្សាយកាលពីថ្ងៃទី១៦ មីនា កន្លងមកបានឲ្យដឹងថា ការិយាល័យអ្នកតំណាងពាណិជ្ជកម្មអាមេរិក (USTR) បានស្នើទៅកាន់រដ្ឋាភិបាលកូរ៉េខាងត្បូងឲ្យមានការប្រឹក្សាយោបល់ក្រោមកិច្ចព្រមព្រៀងពាណិជ្ជកម្មទ្វេភាគីទាក់ទិននឹងការដោះស្រាយបញ្ហាដែលពាក់ព័ន្ធនឹងការប្រកួតប្រជែង។…
សេអ៊ូល ៖ យោងតាមភ្នាក់ងារសារព័ត៌មាន Yonhap ដែលបានចេញផ្សាយកាលពីថ្ងៃទី១៦ មីនា កន្លងមកបានឲ្យដឹងថា ការិយាល័យអ្នកតំណាងពាណិជ្ជកម្មអាមេរិក (USTR) បានស្នើទៅកាន់រដ្ឋាភិបាលកូរ៉េខាងត្បូងឲ្យមានការប្រឹក្សាយោបល់ក្រោមកិច្ចព្រមព្រៀងពាណិជ្ជកម្មទ្វេភាគីទាក់ទិននឹងការដោះស្រាយបញ្ហាដែលពាក់ព័ន្ធនឹងការប្រកួតប្រជែង។
USTR បាននិយាយកាលពីថ្ងៃសុក្រ លើគេហទំព័ររបស់ពួកគេថា «ការិយាល័យអ្នកតំណាងពាណិជ្ជកម្មអាមេរិកបានស្នើឲ្យមានការប្រឹក្សាយោបល់ទីមួយជាមួយនឹងសាធារណៈរដ្ឋកូរ៉េក្រោមផ្នែកដែលចែងពីបញ្ហាទាក់ទិននឹងការប្រកួតប្រជែងនៃកិច្ចព្រមព្រៀងពាណិជ្ជកម្មសេរីរវាងសហរដ្ឋអាមេរិកនិងសាធារណៈរដ្ឋកូរ៉េ (KORUS)» ។
USTR បានបន្តថា «តាមរយៈការប្រឹក្សាយោបល់ទាំងនេះ សហរដ្ឋអាមេរិកនឹងព្យាយាមដោះស្រាយកង្វល់ទាក់ទិននឹងដំណើរការសាកសួរពីការប្រកួតប្រជែងរបស់គណៈកម្មាធិការពាណិជ្ជកម្មដោយយុត្តិធម៌កូរ៉េ (KFTC)» ។
ពួកគេបានបន្ថែមថា KFTC មិនអាចធានាសិទ្ធិរបស់ក្រុមហ៊ុនអាមេរិកបានគ្រប់គ្រាន់ទេដែលមានដូចជាឱកាសក្នុងការត្រួតពិនិត្យ និងបដិសេធនឹងភស្តុតាងប្រឆាំងពួកគេ និងបានកាត់បន្ថយសមត្ថភាពរបស់ពួកគេក្នុងការការពារខ្លួនឯងផងដែរ ។
យោងទៅតាម USTR បានឲ្យដឹងថា សកម្មភាពរបស់ KTFC ល្មើសនឹងមាត្រា ១៦ ក្រោម KORUS ដែលចែងថាភាគីទាំងអស់មានឱកាសសមរម្យក្នុងការត្រួតពិនិត្យ និងបដិសេធភស្តុតាង ។
ពួកគេបានបន្ថែមថា ច្បាប់ការប្រកួតប្រជែងថ្មីរបស់កូរ៉េខាងត្បូងនៅមិនទាន់អាចដោះស្រាយកង្វល់សហរដ្ឋអាមេរិកនៅឡើយទេ ។ វាជាលើកទីមួយហើយក្នុងកំឡុងពេល៧ឆ្នាំមកនេះដែល USTR បានស្នើឲ្យមានការប្រឹក្សាយោបល់ផ្លូវការក្រោមកិច្ចព្រមព្រៀង KORUSដែលបានចាប់មានប្រសិទ្ធិភាពនៅឆ្នាំ ២០១២ ។
USTR មិនបានបញ្ជាក់បន្ថែមពីករណីមួយណាច្បាស់លាស់ទេ ប៉ុន្តែអ្នកនៅក្នុងវិស័យបាននិយាយថា វាអាចទាក់ទិននឹងសេចក្តីសម្រេចរបស់ KFTC ដែលបញ្ជាឲ្យ Qualcomm Inc. ផ្តល់ប្រាក់សំណង ៨៧៩.៩លានដុល្លារ ៕
ចែករំលែកព័តមាននេះ