ប្រទេសបារាំង ៖ បាតុកម្មថ្ងៃសៅរ៍របស់ពួកអាវកាក់លឿងបារាំង នាថ្ងៃទី១៦មីនាឈានចូលដល់បាតុកម្មលើកទី១៨ ដែលពោរពេញដោយអំពើហិង្សា ពិសេសនៅក្រុងប៉ារីសជុំវិញវិមានCHAMPS ELYSEES ខណៈប៉ុន្មានគីឡូម៉ែត្រពីទីនោះ មានការដើរហែក្បួនដោយសន្តិវិធី របស់មនុស្សជាច្រើននាក់ដើម្បីបុព្វហេតុបរិយាកាស។…
ប្រទេសបារាំង ៖ បាតុកម្មថ្ងៃសៅរ៍របស់ពួកអាវកាក់លឿងបារាំង នាថ្ងៃទី១៦មីនាឈានចូលដល់បាតុកម្មលើកទី១៨ ដែលពោរពេញដោយអំពើហិង្សា ពិសេសនៅក្រុងប៉ារីសជុំវិញវិមានCHAMPS ELYSEES ខណៈប៉ុន្មានគីឡូម៉ែត្រពីទីនោះ មានការដើរហែក្បួនដោយសន្តិវិធី របស់មនុស្សជាច្រើននាក់ដើម្បីបុព្វហេតុបរិយាកាស។
យោងតាមក្រសួងមហាផ្ទៃបារាំងថា នាវេលាម៉ោង១៩ម៉ោងនៅក្រុងប៉ារីស បាតុករប្រមាណជា៣២.៣០០នាក់ បានប្រមួលផ្ដុំគ្នានៅបារាំងនាថ្ងៃសៅរ៍ទី១៦មីនា ដែលមានចំនួនកើនបន្តិច បើប្រៀបធៀបទៅនឹងថ្ងៃសៅរ៍មុន ដែលមានបាតុករត្រឹម២៨.៦០០នាក់។ បាតុករភាគច្រើនគឹនៅក្រុងប៉ារីស ហើយនៅតាមខេត្តកម្រមានលើសពី១០០០នាក់។
នៅក្រុងប៉ារីសនាល្ងាចថ្ងៃ្ងទី១៦មីនា មានការប៉ះទង្គិចគ្នាយ៉ាងខ្លាំងក្លានានា រវាងពួកបាតុករក្រុមអាវកាក់លឿងនិងប៉ូលិស ដោយមនុស្ស២៣០នាក់ត្រូវចាប់ខ្លួន ហើយមនុស្ស៦០នាក់រងរបួស។ ប៉ូលិសបានប្រើដំបងនិងបាញ់ឧស្ម័នបង្ហូរទឹកភ្នែក។ បាតុករមួយចំនួនរងការវាយដំយ៉ាងកម្រោលរបស់ប៉ូលិស។
អំពើហិង្សាដែលកើតមានខ្លាំងក្លានាថ្ងៃទី១៦មីនា ខាងក្រៅបាតុកម្មរបស់ពួកអាវកាក់លឿង ពិសេសនៅក្រុងប៉ារីសនិងនៅក្រុងប័រដូ នាំឲ្យប្រធានាធិបតីបារាំង លោកEMMANUEL MACRON ផ្អាកការទៅលេងស្គីចុងសប្ដាហ៍។ នៅក្រុងប៉ារីសហាងទំនិញជាច្រើនសិបកន្លែង ត្រូវពួកបាតុករលុកចូល ប្រមូលយកឥវ៉ាន់ឬដុត។ រថយន្តមួយចំនួនក៏រងការដុតបំផ្លាញដែរ៕
ចែករំលែកព័តមាននេះ