ជនណាមានសេចក្តីអត់ធន់ច្រើនប៉ុនណា ជននោះរមែងបានសម្រេចផលច្រើនប៉ុណ្ណោះដែរ ព្រោះថា ផលដែលសម្រេចបានរមែងកើតមានដល់បុគ្គលអ្នកមានសេចក្តីអត់ធន់ និងយកការព្យាយាមជាធំ។
ចំណែកផលដែលទទួលបានមានពីរគឺ សុចរិតនិងទុច្ចរិត អ្នកធ្វើល្អរមែងទទួលបានផលល្អ ឯអ្នកធ្វើអាក្រក់នឹងទទួលបានផលអាក្រក់ ។
សូមសាធុជនប្រកាន់ខ្ជាប់នូវគតិមួយថា សុខឬទុក្ខកើតឡើងពីទង្វើរបស់យើងទាំងអស់ ហេតុដូច្នេះសូមសាធុជនធ្វើតែអំពើល្អទៅបានហើយ ដល់ពេលជិតស្លាប់ ចិត្តរបស់កូនមិនមានទុក្ខ មិនមានសៅហ្មងឡើយ ។
ព្រោះការគិតរបស់មនុស្សជិតស្លាប់ កាលបើបាបច្រើន ការគិតក៏នាំយកសេចក្តីក្តៅក្រហាយមកដុតរោលចិត្ត តែបើធ្វើល្អច្រើន ការគិតក៏នាំយកសេចក្តីរីករាយមកប្រោះព្រះឱ្យចិត្ត ត្បិតឃើញនូវអំពើដ៏បរិសុទ្ធរបស់ខ្លួន។
អ្នកធ្វើល្អរស់នៅក៏បានល្អ ស្លាប់ទៅក៏បានល្អ មិនមានអ្វីដែលត្រូវកង្វល់ឡើយ ។
ចែករំលែកព័តមាននេះ